Milind Narvekar on Rashmi Shukla : महाविकास आघाडीचं सरकार खिळखिळं करण्यात ज्यांचा मोठा हातभार असल्याचे आरोप होता, त्यांनाच ठाकरेंचे विश्वासू शिलेदार मिलिंद नार्वेकर यांनी वारंवार शुभेच्छा दिल्याने आश्चर्य व्यक्त केले जात आहे.
मिलिंद नार्वेकर यांचं ट्वीट काय?
महाराष्ट्राच्या माजी पोलीस महासंचालक रश्मी शुक्ला यांना शुभेच्छा देणारी पोस्ट मिलिंद नार्वेकर यांनी ‘एक्स’ सोशल मीडियावर ऐन स्वातंत्र्यदिनी म्हणजेच शनिवारी संध्याकाळी केली होती. ‘महाराष्ट्र लोकायुक्त सदस्य म्हणून शपथ घेतल्याबद्दल माजी पोलीस महासंचालक (डीजीपी) श्रीमती रश्मी शुक्ला जी यांचे मनःपूर्वक अभिनंदन. त्यांच्या या नवीन जबाबदारीसाठी त्यांना खूप खूप शुभेच्छा.’ असे लिहित मिलिंद नार्वेकरांनी त्यांचा फोटोही शेअर केला आहे.
विशेष म्हणजे दोन महिन्यांपूर्वीही नार्वेकरांनी शुक्ला यांना शुभेच्छा देणारी पोस्ट केली होती. ‘माजी पोलीस महासंचालक रश्मी शुक्ला यांची लोकायुक्त संस्थेच्या सदस्यपदी निवड झाल्याबद्दल हार्दिक अभिनंदन!’ असे त्यावेळी नार्वेकरांनी लिहिले होते. आधी निवडीसाठी अभिनंदन आणि आता शपथ घेतल्याबद्दल अभिनंदन, यावरुन नेटिझन्सनी मिलिंद नार्वेकर यांना सवाल विचारले आहेत.
महाविकास आघाडीचं सरकार खिळखिळं करण्यात ज्यांचा मोठा हातभार असल्याचे आरोप होता, त्यांनाच ठाकरेंच्या शिवसेनेचा मोठा नेता शुभेच्छा देत असल्याने आश्चर्य व्यक्त केले जात आहे.
Aditi Tatkare : ‘लेक लाडकी’ योजनेची अर्जप्रक्रिया सुलभ, 18 वर्षात 1 लाख 1 हजाराचा लाभ, ऑनलाईन फॉर्मबाबत आदिती तटकरेंची माहितीविरोधीपक्षात असतानाही मिलिंद नार्वेकर यांनी सत्ताधारी पक्षातील नेत्यांना शुभेच्छा देण्याची ही पहिली वेळ नाही. यापूर्वीही पंतप्रधान नरेंद्र मोदींपासून केंद्रीय गृहमंत्री अमित शाह यांच्यापर्यंत अनेक मोठमोठ्या नेत्यांना नार्वेकरांनी ऑनलाईन शुभेच्छा दिल्या आहेत.
नार्वेकर-जाधव वादाचा तडका
काही काळापूर्वी मिलिंद नार्वेकर आणि भास्कर जाधव यांच्यातील वाद चव्हाट्यावर आला होता. शिवसेना वर्धापन दिनाच्या कार्यक्रमावेळी गाडीचा हॉर्न वाजत असल्याने ‘नार्वेकर कोण लागून गेला?’ असा प्रश्न विचारणारे जाधव चर्चेत आले होते.
Pune News : 38 व्या वर्षी 11.5 कोटींची संपत्ती, पुण्यातील DINK जोडप्याचा निवृत्तीचा विचार, नेटिझन्सची तोंडात बोटं, नोकरीमुळे तब्येती बिघडल्यात्यावर व्यक्त होताना नार्वेकरांनी ‘फ्रस्ट्रेशन! मुख्यमंत्री देवेंद्र फडणवीस यांनी उद्धव ठाकरे यांच्या पत्राची लवकरात लवकर अंमलबजावणी करावी; कारण यांच्या मानसिक त्रासाचा फटका आमच्यासारख्या सामान्य शिवसैनिकांना बसत आहे’ असे ट्वीटमध्ये केले होते.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
