Sejal Pawar on Pranit More Show : सेजल पवार सारख्या लोकांनी केलेल्या वक्तव्यांमुळे संपूर्ण डॉक्टर समुदायाची प्रतिमा खराब होते, असेही डॉ. स्वप्नील केंद्रे यांनी ‘मटा’शी बोलताना सांगितले.
वैद्यकीय क्षेत्रात खळबळ
संबंधित कॉमेडी शोमध्ये एका वैद्यकीय विद्यार्थिनीने मृत शरीराच्या अवयवांविषयी अतिशय खालच्या पातळीवर केलेल्या वक्तव्याने वैद्यकीय क्षेत्रात खळबळ उडाली आहे. त्याचे पडसाद समाज माध्यमे आणि प्रसार माध्यमांमध्ये उमटत आहेत. इतर वैद्यकीय विद्यार्थीही या विषयी बोलते झाले आहेत. सेंट्रल मार्डचे माजी अध्यक्ष व ‘फेडरेशन ऑफ ऑल इंडिया मेडिकल असोसिएशन’चे सह अध्यक्ष डॉ. स्वप्नील केंद्रे म्हणाले, मृत शरीराचा अभ्यास करुनच समस्त वैद्यकीय विद्यार्थी हे डॉक्टर होतात व जीवन वाचवण्याचे कौशल्य शिकतात. अशाच वैद्यकीय शिक्षणासाठी संबंधित कुटुंबियांनी मोठ्या विश्वासाने व मानवतेच्या भावनेतून मृत शरीराचे दान केले असते. अशा मृत शरीराविषयी हलकेपणाने, खाजगी अवयवांबाबत थिल्लर विनोद करणे हे पूर्णपणे अयोग्य तसेच मृत व्यक्तींच्या गरिमेचा आणि दानकर्त्यांच्या भावनांचा अवमान आहे.
रुग्णांची गोपनीयता राखणे, त्यांचा आदर करणे आणि त्याचवेळी मृतदेहांचाही आदर राखणे, हे डॉक्टरांचे कर्तव्य आहे व समस्त डॉक्टरांकडून हे कर्तव्यपालन होते. मात्र अशा वक्तव्यांमुळे संपूर्ण डॉक्टर समुदायाची प्रतिमा खराब होते, असेही डॉ. केंद्रे यांनी ‘मटा’शी बोलताना सांगितले.
Delhi Fire : दिल्लीतील इमारतीत आग लागली नाही, लावली! CCTV मध्ये भयंकर उलगडा, स्कूटर जाळण्याच्या नादात तीन जीव गेले
शरीराचा पूर्ण सन्मान राखण्याचे शिक्षण
खरे म्हणजे मृत शरीराचा सन्मान राखणे, याच पहिल्या शिकवणीपासून वैद्यकीय शिक्षणाला सुरुवात होते, असे सांगताना ‘महाराष्ट्र सिनिअर रेसिडेन्ट डॉक्टर असोसिएशन’चे माजी अध्यक्ष व प्रमुख सल्लागार डॉ. अभिजित हेलगे म्हणाले, आम्हाला पहिले दहा दिवस मृत शरीराचा पूर्ण सन्मान राखत मृत शरीराच्या माध्यमातून खरे वैद्यकीय शिक्षण सुरू होते. त्यामुळेच शरीररचनाशास्त्र (ॲनाटॉमी) हा वैद्यकीय शिक्षणाचा मूलभूत विषय आहे, ज्याच्या आधारावर संपूर्ण वैद्यकीय शिक्षण अवलंबून आहे. साहजिकच या विषयाचे अनन्यसाधारण महत्त्व प्रत्येक डॉक्टरला मान्य आहे, असेही डॉ. हेलगे म्हणाले.
आंदोलन मागे, तरी फडणवीस सरकारला घाम फोडला! कर्जमाफीसाठी रोहित पवार ठाम
राष्ट्रीय वैद्यकीय आयोगाच्या अभ्यासक्रमांतर्गत ‘एटकॉम’ म्हणजेच ॲटिट्यूड, एथिक्स अँड कम्युनिकेशन मॉड्यूलद्वारे विद्यार्थ्यांमध्ये नैतिक मूल्ये, संवेदनशीलता आणि देहदात्यांविषयी आदरभाव विकसित करण्यावर विशेष भर दिला जातो. तसेच महाविद्यालयात विद्यार्थ्यांना देहदानाचे महत्त्व, वैद्यकीय शिक्षणातील त्याची अनन्यसाधारण भूमिका आणि समाजासाठी त्याचे अमूल्य योगदान याबाबत नियमित मार्गदर्शन केले जाते.Solapur Accident : लहान बाळ बुडताना दिसलं, मागचा पुढचा विचार न करता विहिरीत उडी घेतली, इरफानने सांगितला अपघातानंतरचा थरार
देहदाता सन्मान शपथ
शासकीय वैद्यकीय महाविद्यालय व रुग्णालयात (घाटी) दरवर्षी देहदाता सन्मान शपथ (कॅडेव्हेरिक ओथ) तसेच देहदात्यांच्या नातेवाईकांचा सन्मान समारंभ आयोजित करून दात्यांच्या योगदानाबद्दल कृतज्ञता व्यक्त केली जाते. मात्र बेजबाबदार विधाने, चुकीच्या प्रतिक्रिया आणि देहदान प्रक्रियेबाबत अनादराची प्रवृत्ती, यामुळे देहदानासारख्या समाजोपयोगी आणि मानव कल्याणकारी चळवळीच्या गतीला अडथळा निर्माण होण्याची शक्यता असते. अशा विधानांमुळे केवळ समाजात गैरसमज निर्माण होत नाहीत, तर देहदानासारख्या उदात्त, समाजोपयोगी आणि वैद्यकीय शिक्षणासाठी अत्यावश्यक चळवळीलाही धक्का पोहोचू शकतो, अशी चिंता घाटीतील शरीररचनाशास्त्र विभागप्रमुख डॉ. अर्चना कल्याणकर यांनी ‘मटा’शी बोलताना व्यक्त केली.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
