मुंबईच्या माहिम येथील जनरल अरुण कुमार वैद्य मार्गावर माहिम कॉजवेवरून आपल्या दोन मुली सलोनी आणि सानिया यांच्यासह रस्ता ओलांडणाऱ्या मंगल तांडेल यांचा बाईकच्या धडकेत मृत्यू झाला. तर त्यांना धडक देणारा बाईकस्वारही मृत्युमुखी पडला. मंगला तांडेल आणि बाईकस्वार ध्रुव गुरव हे दोघेही माहीमचे रहिवासी होते.
पोलिसांनी दिलेल्या माहितीनुसार, हा अपघात सोमवारी रात्री ९ वाजून २० मिनिटांच्या सुमारास माहीम कॉजवेजवळ जनरल अरुण कुमार वैद्य मार्गावर घडला. मंगला आपल्या दोन मुलींसह रस्ता ओलांडून पलिकडे राहणाऱ्या एका नातेवाईकाला भेटायला जात होत्या.
अक्कलकोटला जाण्यापूर्वी काळाचा घाला
गुरुपौर्णिमेनिमित्त श्री स्वामी समर्थ मठाला भेट देण्यासाठी तांडेल परिवार सोलापूरमधील अक्कलकोटला रवाना होणार होता. त्याच्या काही क्षण आधीच हा दुर्दैवी अपघात घडला. वांद्रेच्या दिशेने जाणाऱ्या बाईकची मंगला यांना इतक्या जोरात धडक बसली की, त्या जवळपास १०० मीटरपर्यंत फरफटत गेल्या.
मंगला यांनी निघण्याची तयारी आधीच केली होती. त्या आपले नातेवाईक तयार होण्याची वाट पाहत होत्या. त्यांना बोलावण्यासाठी त्या बाहेर आल्या असतानाच हा अपघात घडला.
अपघाताचा आवाज ऐकून पती धावत बाहेर
मंगला यांचे ५४ वर्षीय पती अशोक तांडेल हे बँक ऑफ बडोदामध्ये कार्यरत आहेत. त्यांनी सांगितले की अपघात झाल्याचा आवाज ऐकताच ते तातडीने घराबाहेर धावले. त्यावेळी त्यांना त्यांची पत्नी आणि बाईकस्वार तरुण रस्त्यावर गंभीर जखमी अवस्थेत पडलेले दिसले. घटनास्थळी एक ‘केटीएम’ स्पोर्ट्स बाईक आढळून आली.
आसपासच्या लोकांच्या मदतीने मंगला यांना रहेजा रुग्णालयात नेण्यात आले, तिथे रात्री १०.१५ वाजताच्या सुमारास डॉक्टरांनी त्यांना मृत घोषित केले. माहीम पोलिसांनी बाईकस्वाराचे नाव ध्रुव गुरव असल्याचे सांगितले. त्याला सुरुवातीला भाभा रुग्णालय आणि नंतर रहेजा रुग्णालयात हलवण्यात आले. तिथे उपचारादरम्यान त्याचाही मृत्यू झाला.
आईला आणण्यासाठी निघालेला ध्रुव
ध्रुव आपल्या आईला वांद्रे येथून आणण्यासाठी चालला होता. “त्याचे आई-वडील उत्तम गायक होते आणि पूर्वी ते काही ऑर्केस्ट्रांमध्ये गात असत. मात्र तो व्यवसाय मंदावल्यानंतर ते विविध कार्यक्रमांमध्ये गाणी गात असत” असे पोलीस अधिकाऱ्याने सांगितले.
Pune Crime : कृष्णा आंदेकरचा काटा काढण्याचा प्लॅन, ठोंबरे टोळीकडून पोलीस व्हॅनचा पाठलाग, पोलिसांनी थरारक कट उधळला
ध्रुव मद्यपान करून वाहन चालवत होता का, हे पाहण्यासाठी पोलीस त्याच्या रक्ताच्या सॅम्पलच्या रिपोर्टची वाट पाहत आहेत. मात्र प्रत्यक्षदर्शींनी सांगितले की मंगला यांना धडक दिली तेव्हा बाईक भरधाव वेगात होती.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
