Tehsildar Vijay Chavan Story : एसीबीने लाच प्रकरणात अटक केलेले विजय चव्हाण हे जवळपास 19 वर्षांपासून शासकीय सेवेत असून ते मूळ नांदेड जिल्ह्यातील कंधारचे रहिवासी आहेत.
जनतेचा अधिकारी की भ्रष्टाचाराचा चेहरा?
लाच प्रकरणात अटक झाल्यानंतर विजय चव्हाण यांच्यावर समाजमाध्यमांवरून जोरदार टीका होत आहे. जनतेच्या प्रश्नांसाठी तत्पर असल्याचा दावा करणाऱ्या अधिकाऱ्याला लाखो रुपयांची लाच घेताना अटक होणं हे सामान्य नागरिकांसाठी धक्कादायक ठरलं आहे. अटकेच्या अवघ्या एक दिवस आधी त्यांनी फेसबुकवर एक व्हिडिओ पोस्ट केला होता. या व्हिडिओमध्ये ते एका शेतकऱ्याच्या शेतात जाऊन रस्त्याचा प्रश्न सोडवल्याचा दावा करताना दिसतात. ‘पाहणी, संवाद आणि तातडीने तोडगा’, असा संदेश देत त्यांनी स्वतःला जनतेच्या सेवेसाठी झटणारा अधिकारी म्हणून सादर केलं होतं. मात्र, दुसऱ्याच दिवशी एसीबीच्या कारवाईने या प्रतिमेवर मोठं प्रश्नचिन्ह निर्माण झालं आहे.
छोट्या तांड्यातून अधिकारीपदापर्यंतचा प्रवास
नांदेड जिल्ह्यातील कंधार तालुक्यातील पानशेवडी गणातांडा या छोट्याशा गावातील विजय चव्हाण यांचा प्रवास अनेक तरुणांसाठी प्रेरणादायी मानला जात होता. ग्रामीण भागातील सर्वसामान्य कुटुंबातून पुढे आलेल्या चव्हाण यांनी स्पर्धा परीक्षांमधून यश मिळवत सरकारी सेवेत प्रवेश केला. सुरुवातीला त्यांनी महाराष्ट्र लोकसेवा आयोगाच्या माध्यमातून पोलीस उपनिरीक्षक (PSI) पद मिळवले. डिसेंबर 2009 मध्ये मुंबई येथे त्यांनी पीएसआय म्हणून सेवेला सुरुवात केली. मात्र, त्यानंतर त्यांनी अधिक मोठे ध्येय ठेवत स्पर्धा परीक्षांची तयारी सुरू ठेवली आणि 2011 मध्ये पीएसआय पदाचा राजीनामा दिला. यानंतर त्यांनी नायब तहसीलदार पदासाठी निवड मिळवत महसूल प्रशासनात प्रवेश केला. गावातील एका तरुणाने अधिकारीपद मिळवल्यामुळे संपूर्ण परिसरात त्यांचा गौरव होत होता. अनेक युवक त्यांना आदर्श मानत होते.
महसूल विभागातील दीर्घ अनुभव
जवळपास 19 वर्षांच्या शासकीय सेवेत विजय चव्हाण यांनी विविध महत्त्वाच्या पदांवर काम केलं. कंधार तहसील कार्यालयात नायब तहसीलदार म्हणून त्यांनी सेवा बजावली, त्यानंतर अतिरिक्त तहसीलदार म्हणूनही त्यांनी काम केलं. 2021 मध्ये कंधार नगरपालिकेचे मुख्याधिकारी (CO) म्हणून त्यांनी पदभार स्वीकारला. त्याचबरोबर मुखेड नगरपालिकेतही मुख्याधिकारी म्हणून त्यांनी काम पाहिलं. त्यांच्या कारकीर्दीतील मोठा कालावधी हा नांदेड जिल्ह्यात गेला आहे. ऑगस्ट 2024 मध्ये त्यांची जालना जिल्ह्यातील अंबड येथे तहसीलदार म्हणून नियुक्ती झाली. महसूल विभागातील अनुभव आणि प्रशासनातील सक्रियता यामुळे त्यांची ओळख निर्माण झाली होती.
कायद्याचे शिक्षणही घेतलं
प्रशासकीय सेवेसोबतच विजय चव्हाण यांनी शिक्षणालाही प्राधान्य दिलं. 2020 साली त्यांनी कंधार येथील लॉ कॉलेजमधून कायद्याची पदवी (LLB) पूर्ण केली. तसेच, कायद्याची पदव्युत्तर पदवी (LLM) घेत असल्याची माहिती त्यांनी स्वतः सोशल मीडियावर दिली होती. कायद्याचं सखोल ज्ञान आणि प्रशासनातील अनुभव यामुळे त्यांची प्रतिमा अभ्यासू आणि सक्षम अधिकारी अशी तयार झाली होती. मात्र, आता त्याच अधिकाऱ्यावर लाचखोरीचे गंभीर आरोप सिद्ध होण्याच्या दिशेने चौकशी सुरू असल्यानं अनेक प्रश्न उपस्थित होत आहेत.
मराठवाड्यातील दुसरी मोठी कारवाई
अंबडचे तहसीलदार विजय चव्हाण यांच्यावरील कारवाई ही मराठवाड्यातील अलीकडील काळातील मोठ्या एसीबी कारवायांपैकी एक मानली जात आहे. सरकारी कार्यालयांमध्ये कामांसाठी नागरिकांना अनेकदा त्रास सहन करावा लागतो. अशा परिस्थितीत उच्च पदावरील अधिकाऱ्यालाच लाच घेताना अटक झाल्यानं सर्वसामान्य नागरिकांमध्ये संतापाची भावना व्यक्त होत आहे.
Rajendra Jain : भुजबळांची अट पक्षश्रेष्ठींनी धुडकावली, प्रफुल पटेलांचा विश्वासू शिलेदार राज्यसभेवर, NCP च्या अडीच तासांच्या बैठकीत काय घडलं?
एकेकाळी गावाचा अभिमान मानला जाणारा अधिकारी आज भ्रष्टाचाराच्या आरोपांमुळे चर्चेत आला आहे. छोट्या तांड्यातून सुरू झालेला यशाचा प्रवास आता एका गंभीर आरोपामुळे वादाच्या भोवऱ्यात सापडला आहे. एसीबीच्या या कारवाईनंतर महसूल विभागातील कामकाज, अधिकारी वर्गातील पारदर्शकता आणि भ्रष्टाचाराच्या प्रश्नांवर पुन्हा एकदा मोठी चर्चा सुरू झाली असून या प्रकरणाकडे संपूर्ण राज्याचं लक्ष लागलं आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
