विदर्भातील काही जिल्ह्यांमध्ये हलका ते मध्यम स्वरूपाचा पाऊस होण्याची शक्यता आहे. मात्र, मोठ्या पावसासाठी आवश्यक असलेली हवामान प्रणाली सध्या विदर्भाच्या आसपास सक्रिय नसल्याने मुसळधार पावसाची शक्यता कमी असल्याचे हवामान विभागाचे शास्त्रज्ञ डॉ. प्रवीण कुमार यांनी सांगितले. त्यामुळे आगामी काही दिवस विदर्भातील पावसाची स्थिती सामान्यपेक्षा कमीच राहण्याची शक्यता आहे.
ऑगस्टमध्ये पावसाचा वेग मंदावला
पावसाळ्याच्या सुरुवातीच्या काळात विदर्भातील काही भागांत चांगला पाऊस झाला असला, तरी ऑगस्टच्या सुरुवातीपासून पावसाचा वेग मंदावला आहे. परिणामी पावसाच्या एकूण आकडेवारीत तूट निर्माण झाली आहे. १ जूनपासून १७ ऑगस्टपर्यंत विदर्भात सरासरीपेक्षा १८ टक्के कमी पाऊस झाला आहे. नागपूर शहराची स्थिती त्यापेक्षाही चिंताजनक असून, येथे सरासरीच्या तुलनेत २५ टक्के पावसाची कमतरता नोंदविण्यात आली आहे.
पावसाची ही तूट आगामी काळात भरून निघण्याची शक्यता सध्या कमी आहे. विदर्भाच्या आसपास पावसाशी संबंधित कोणतीही ठोस हवामान प्रणाली सक्रिय नसल्याने चांगल्या पावसासाठी आवश्यक वातावरण तयार झालेले नाही. त्यामुळे पुढील चार ते पाच दिवस विदर्भातील अनेक भागांत पावसाच्या सरींची तीव्रता कमी राहण्याची शक्यता आहे.
पश्चिम बंगाल, झारखंड, उत्तर प्रदेशात पावसाचा जोर
सध्या पश्चिम बंगाल आणि त्यालगतच्या भागात हवामान प्रणाली तयार झाली आहे. या प्रणालीचा प्रभाव मुख्यतः पश्चिमेकडील भागांवर राहण्याची शक्यता आहे. त्यामुळे झारखंड, पश्चिम बंगाल, उत्तर प्रदेश आणि मध्य प्रदेशातील काही भागांत आगामी काळात चांगला पाऊस होण्याचा अंदाज आहे. मात्र, या प्रणालीचा विदर्भावर अपेक्षित प्रभाव पडत नसल्याने विदर्भात पावसाचा जोर वाढण्याची शक्यता कमी असल्याचे हवामान विभागाने स्पष्ट केले आहे. तर विदर्भात काही ठिकाणी हलका ते मध्यम पाऊस पडू शकतो.
२० ऑगस्टनंतर तापमानात वाढ
पावसाचा जोर कमी होत असतानाच पुढील काही दिवसांत विदर्भातील तापमानात वाढ होण्याची शक्यता आहे. विशेषत: २० ऑगस्टच्या आसपास कमाल तापमानात तीन ते चार अंश सेल्सिअसपर्यंत वाढ होऊ शकते. नागपूर शहरातील कमाल तापमान ३० ते ३२ अंश सेल्सिअसपर्यंत पोहोचण्याचा अंदाज आहे. सध्या असलेले ढगाळ वातावरण हळूहळू कमी होऊन ऊन वाढण्याची शक्यता आहे.
दरम्यान, यंदाच्या हंगामात सरासरीपेक्षा कमी पाऊस राहण्याची शक्यता हवामान विभागाने व्यक्त केली आहे. यंदा एकूण पाऊस सरासरीच्या सुमारे ९० टक्क्यांपर्यंत राहण्याचा अंदाज आहे. सध्याच्या हवामान परिस्थितीनुसार पुढील चार ते पाच दिवस पावसाचा जोर कमी राहणार असून, विदर्भाला दमदार पावसासाठी आणखी काही काळ प्रतीक्षा करावी लागण्याची शक्यता आहे.
लेखकाबद्दलअक्षय शितोळेअक्षय शितोळे हे २०१८ पासून डिजिटल मीडियात कार्यरत असून सध्या मटा ऑनलाइनमध्ये प्रिन्सिपल डिजिटल कंटेंट प्रोड्युसर म्हणून जबाबदारी सांभाळत आहेत. राज्यभरातील रिपोर्टर्ससोबत समन्वय साधत महाराष्ट्रातील गावगाड्यापासून मोठ्या शहरांमधील दैनंदिन घडामोडी मटा ऑनलाइनसाठी वेगवान आणि अचूक पद्धतीने मिळवण्याचा त्यांचा प्रयत्न असतो. राजकीय बातम्यांमध्ये विशेष रस, बातम्यांमागची बातमी अर्थात घडामोडींचा विश्लेषणात्मक आढावा घेण्याचा सातत्याने प्रयत्न असतो. शेती आणि ग्रामीण जीवन हे जिव्हाळ्याचे विषय आहेत.
पत्रकारितेतील अनुभव
अक्षय शितोळे यांनी २०१८ मध्ये आपल्या पत्रकारितेतील प्रवासाचा प्रारंभ केला. सुरुवातीला न्यूज १८ लोकमत या वेबसाईटसाठी काम करताना ट्रेनी, सब एडिटर असा त्यांचा प्रवास राहिला. या कार्यकाळात प्रामुख्याने राजकीय बातम्यांसह स्थानिक पातळीवरील विविध घडामोडी कव्हर करण्याचे काम त्यांनी केले. २०१९ च्या विधानसभा आणि लोकसभा निवडणुकीदरम्यान त्यांनी विविध राजकीय घडामोडींचा विश्लेषणात्मक आढावा घेतला. पुढे २०२१ मटा ऑनलाइनमध्ये डिजिटल कंटेट प्रोड्युसर म्हणून जॉइन झाले. यावेळी राजकीय बातम्यांसह विविध जिल्ह्यांतील प्रतिनिधींशी समन्वय ठेवत वेबसाईटसाठी वेगवान आणि अचूक बातम्या मिळवण्याचा त्यांचा प्रयत्न राहिला. तसंच मटा ऑनलाइनला २५ वर्षे पूर्ण झाल्याच्या पार्श्वभूमीवर त्यांनी महाराष्ट्राच्या दोन दशकांच्या सामाजिक वाटचालीचा आढावा घेणारा विशेष लेख लिहिला होता. “आरक्षणाचे लढे आणि तिढे, टोकदार जातीय अस्मिता ; २५ वर्षांत कसं ढवळून निघालं महाराष्ट्राचं समाजमन?” शीर्षकाखाली लिहिलेल्या या लेखाच्या माध्यमातून महाराष्ट्रात मागील २५ वर्षांत जी सामाजिक स्थित्यंतरे झाली, ज्या घटनांनी महाराष्ट्राच्या सामाजिक रचनेवर परिणाम केला, अशा घडामोडींचा सविस्तर आढावा घेतला होता. २०२३ मध्ये त्यांनी लोकमत ऑनलाइनसोबतही काम केले असून ते २०२५ पासून पुन्हा मटा ऑनलाइनमध्ये प्रिन्सिपल डिजिलट कंटेंट प्रोड्युसर म्हणून रुजू झाले. विविध जिल्ह्यांतील रिपोर्टर्ससोबत संवाद साधत स्थानिक घडामोडींसह राज्यभरात महत्त्वाच्या बातम्या कव्हर करण्याचा त्यांचा प्रयत्न असतो. तसंच विश्लेषणात्मक व्हिडिओच्या माध्यमातून राजकीय घटनांचे अन्वयार्थ प्रेक्षकांसमोर उलगडण्याचा त्यांचा प्रयत्न असतो. महाराष्ट्रात २०२५-२६ साली झालेल्या स्थानिक स्वराज्य संस्थांच्या निवडणुकीदरम्यान त्यांनी विविध विश्लेषणात्मक व्हिडिओंच्या माध्यमातून राजकीय घडामोडींचं सोप्या शब्दांत विश्लेषण केले. तसंच महानगरपालिका निवडणूक निकालानंतर राजकीय विश्लेषकांची मुलाखत घेत या निवडणूक निकालाचा वेध घेण्याचा प्रयत्न केला.
मुलाखतीची लिंक: Uddhav Thackeray यांचा BMC मध्ये का झाला पराभव? सविस्तर विश्लेषण – https://youtu.be/8UeV9w1vwxQ?si=2sMWoovyx07EpjVU
शैक्षणिक पात्रता
अक्षय शितोळे यांनी १२ वी पर्यंतचे शिक्षण आपल्या मूळ गावी घेतले असून नंतर त्यांनी मुंबई येथील नामांकित असलेल्या रुईया महाविद्यालयातून पत्रकारितेतील पदवी (Bachelor of mass media) चे शिक्षण पूर्ण केले.… आणखी वाचा
