Gondia Shivshahi Bus Accident : शिवशाही बस उलटल्यानंतर जखमी मदतीसाठी धावा करीत होते. त्यांचा आक्रोश ऐकून या मार्गावरून जाणारा गोंदियाचा जाबिर शेख हा युवक थांबला.
भंडारा-गोंदिया ही लाखनी, साकोली मार्गे जाणारी शिवशाही बस खजरी-डव्वा गावाजवळ दुचाकीला ओव्हरटेक करण्याच्या प्रयत्नात उलटली. या बस अपघाताच्या कारणांचा शोध घेतला जात आहे. दरम्यान, पंतप्रधान नरेंद्र मोदी यांनी मृताचे कुटुंबीय आणि जखमींना मदतीची घोषणा केली. उपमुख्यमंत्री देवेंद्र फडणवीस यांनी ‘एक्स’वरून शोकसंवेदना व्यक्त केल्या. जखमींना खासगी रुग्णालयात उपचार द्यावे लागले तरी तातडीने द्या, आवश्यकता भासल्यास नागपूरला पाठवा, असे निर्देश जिल्हाधिकाऱ्यांना दिले.
घटनेची माहिती मिळताच गोंदियाचे आमदार विनोद अग्रवाल, माजी आमदार राजेंद्र जैन यांनी शासकीय महाविद्यालयात पोहचून जखमींची विचारपूस केली. सोबतच अपघातातील मृतांच्या नातेवाइकांबद्दल माहिती घेतली. खासदार डॉ. प्रशांत पडोळे यांनी बस अपघाताील मृतांच्या कुटुंबीयांना २५ लाख तर जखमींच्या कुटुंबीयांना १५ लाख रुपये तत्काळ जाहीर करण्याची मागणी केली. अधिकाऱ्यांशीही चर्चा केली. आमदार राजकुमार बडोले यांनीही मदतकार्याच्या अनुषंगाने प्रशासनाला सूचना केल्या.
मुंबई-बेंगळुरू बायपासवर टँकर पलटी, वारजे पुलावर अपघात झाल्याने वाहतूक कोंडी
जिगरबाज जाबिर
शिवशाही बस उलटल्यानंतर जखमी मदतीसाठी धावा करीत होते. त्यांचा आक्रोश ऐकून या मार्गावरून जाणारा गोंदियाचा जाबिर शेख हा युवक थांबला. बसमधील परिस्थिती पाहून कुणीही आतमध्ये जायची हिंमत करीत नव्हते. पण, आतमधील प्रवाशांच्या मदतीसाठी धावा ऐकून जाबिर गहिवरला. खिडकीचे काच फोडून त्याने आत प्रवेश केला. सुमारे १५-१६ महिला आणि पुरुषांना लोकांच्या मदतीने बाहेर काढले. रुग्णवाहिका आणि जेसीबी पाठविण्याची विनंती केली. त्याच्या मदतीची चर्चा होत आहे.
Nanded Crime : लॉजचा तिसरा मजला, पोलिसांची छापेमारी, ६ महिला आणि १२ पुरुष, नसत्या अवस्थेत रंगेहाथ सापडले
स्मिताचाही मृत्यू
पतीचे आजारपणाने निधन झाले. पदरी छोटेशे बाळ आणि सासू-सासऱ्यांची जाबबदारी आली. अनुकंपा तत्त्वातून तिला नोकरी लागली. शुक्रवारी सकाळी ती शिवशाही बसने नोकरीवर निघाली. पण, या बसला अपघात झाला. पतीनंतर तिचाही मृत्यू झाला. बाळ, सासू-सासरे उघड्यावर आले आहेत. अर्जुनी-मोरगाव तालुक्यातील रहिवासी असलेली स्मिता विक्की सूर्यवंशी (३२) हिची ही कहानी. यासोबतच भंडारा जिल्ह्यातील जवाहरनगर परिसरातील पिपरी पुनर्वसन येथील राजेश आणि मंगला लांजेवार या दाम्पत्याचाही या अपघातात मृत्यू झाला. त्यांचा दोन वर्षांचा सियांशू हा मुलगा गंभीर जखमी आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा