Drunken Teacher In School: शिक्षणासाठी गावातील प्राथमिक शाळा हाच एकमेव पर्याय पालकांसमोर असतो. मात्र याच शाळेतील शिक्षकांचे असे प्रताप समोर येत असल्याने पालकदेखील चांगलेच संतापले.
मोहगाव जिल्हा परिषद शाळेत दोन शिक्षक असून २२ विद्यार्थी शिकत आहेत. बहेकार यांना दारूचे व्यसन असल्याने वर्षभरापासून ग्रामस्थांनी त्यांना सुधारण्याची संधी दिली. तरीही त्यांच्यात सुधारणा झाली नाही. गुरुवारी बहेकार हे टेबलवर पाय ठेवून चक्क खुर्चीत झोपी गेले. मद्यधुंद अवस्थेत असल्याने नागरिक आल्याचेही त्यांना लक्षात आले नाही. संतप्त गावकऱ्यांनी या घटनेचा व्हिडीओ तयार करून सोशल मीडियावर व्हायरल केला. सोबतच वरिष्ठांना याविषयीची माहिती दिली. संबंधित शिक्षकाची चौकशी करून कारवाई करावी, अशी मागणी गावकऱ्यांनी केली आहे.
Solapur Rain: सोलापुरात रात्रीत ढगफुटीसदृश पाऊस; जनजीवन विस्कळित, घरे, शेती, रस्ते पाण्यात
‘गावातील जिल्हा परिषद शाळेतील विद्यार्थी शालेय वेळेत फिरत असल्याने गावकऱ्यांसह शाळेला अचानक भेट दिली. याचवेळी शिक्षक बहेकार दारू पिऊन खुर्चीवर झोपलेल्या अवस्थेत दिसले. शिक्षण क्षेत्रात मद्यपी शिक्षक असतील तर, विद्यार्थी काय धडे शिकतील. या शिक्षकावर कठोर कारवाई करण्यात यावी,’ अशी मागणी ग्रामपंचायत सदस्य हंसराज वालदे यांनी केली आहे.
पालक संतापले…
शाळेतील शिक्षकाचा हा प्रताप पाहून पालकांनीदेखील संताप व्यक्त केला आहे. ग्रामीण भागात शिक्षणाच्या सोयी उपलब्ध नसतात. त्यात अनेक नागरिक आर्थिकदृष्ट्या प्रबळ नसतात. त्यामुळे ग्रामीण भागातील मुलांना शिकवणे पालकांसमोर मोठे आव्हान असते. Nandurbar Crime : नंदुरबारमध्ये पोलिसांची धडक कारवाई, राज्यात बंदी असलेला माल पकडला; मुख्य सूत्रधार मात्र पडद्याआड
कारवाईचे आदेश देणार : हर्षे
अशा घटना निंदनीय आहेत. दोषी शिक्षकावर तातडीने कारवाई करण्यासाठी आदेश देणार. शिक्षण विभागात असे प्रकार खपवून घेतले जाणार नाहीत, असे गोंदिया जिल्हा परिषदेचे शिक्षण व आरोग्य सभापती सुरेश हर्षे यांनी सांगितले.
मी एलआयसीच्या कामानिमित्त साकोलीला गेलो होतो आणि शाळेची पूर्ण जबाबदारी बहेकार यांच्यावर सोपविली होती. शाळेत दारू पिऊन यायचे नाही असे त्यांना कित्येकदा बजावून सांगण्यात आले होते. – एन. के. सोनवणे, मुख्याध्यापक, जिल्हा परिषद प्राथमिक शाळा मोहगाव
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा