CM विजय यांना त्रिशा कृष्णनचा सॅल्युट, ध्वजारोहण सोहळ्यात व्हीआयपी पॅव्हेलियनमध्ये उपस्थिती; कुटुंबाशी संवाद, चर्चेला उधाण

मुंबई: तमिळनाडूचे मुख्यमंत्री आणि प्रसिद्ध अभिनेते विजय यांनी १५ ऑगस्ट रोजी चेन्नईतील फोर्ट सेंट जॉर्ज इथं ध्वजारोहण करून स्वातंत्र्यदिन सोहळा साजरा केला. या सोहळ्यात लोकप्रिय अभिनेत्री त्रिशा कृष्णन हिच्या उपस्थितीनं उपस्थितांचं लक्ष वेधून घेतलं आहे. विजय यांच्या पत्नी संगीता यांनी न्यायालयातून घटस्फोटाची याचिका मागे घेतल्यानंतरचा हा पहिलाच मोठा सार्वजनिक कार्यक्रम होता, ज्यामुळं त्रिशाच्या या उपस्थितीची सध्या मीडियामध्ये जोरदार चर्चा सुरू आहे.

व्हीआयपी पॅव्हेलियनमधील त्रिशाची उपस्थिती आणि विजय यांच्या कुटुंबाशी संवाद

तर स्वातंत्र्यदिनाच्या कार्यक्रमाचे अनेक व्हिडिओ आणि फोटो सोशल मीडियावर व्हायरल झाले आहेत. परेडदरम्यान मुख्यमंत्री विजय आपल्या जीपमधून पुढं जात असताना त्रिशानं त्यांना आदरपूर्वक सॅल्यूट ठोकल्याचे व्हिडिओमध्ये दिसत आहे. या कार्यक्रमात त्रिशा ही विजय यांचे वडील एस. ए. चंद्रशेखर आणि आई शोभा चंद्रशेखर यांच्या शेजारीच पहिल्या रांगेत बसलेली पाहायला मिळाली. तिनं पिवळ्या रंगाची साडी परिधान केली होती आणि ती विजय यांच्या पालकांशी संवाद साधताना अतिशय आनंदात दिसत होती.

पत्नी संगीतानं मागे घेतली आहे घटस्फोटाची याचिका

काही दिवसांपूर्वीच विजय यांची पत्नी संगीता यांनी चेंगलपट्टू कौटुंबिक न्यायालयात दाखल केलेली घटस्फोटाची याचिका मागे घेतल्याचं समोर आलं होतं. व्हिडिओ कॉन्फरन्सिंगद्वारे न्यायालयात हजर राहून त्यांनी हा खटला पुढं चालवण्याची इच्छा नसल्याचे सांगितलं होतं, ज्यानंतर न्यायालयानं ही याचिका निकाली काढली. संगीता यांनी याचिकेत केलेल्या काही आरोपांनंतर त्रिशा आणि विजय यांच्या वैयक्तिक नातेसंबंधांबद्दल विविध चर्चांना उधाण आलं होतं.

South Actor Siddharth: द्वेषाविरोधात एकत्र उभं राहिलो, प्रेम वाढवलं, तर त्यापेक्षा मोठी देशभक्ती नाही; साऊथ अभिनेता सिद्धार्थ सूर्यनारायणचं वक्तव्य चर्चेत
अनेक प्रसंगांत त्रिशाची हजेरी

यापूर्वीही विजय यांच्या मुख्यमंत्री पदाच्या शपथविधी सोहळ्याला त्रिशानं हजेरी लावली होती. विजय आणि त्रिशा यांनी ‘गिळ्ळी’, ‘तिरुपाची’, ‘कुरुवी’ आणि ‘लिओ’ यांसारख्या अनेक यशस्वी तमिळ चित्रपटांमध्ये एकत्र काम केलं आहे.

विजय आणि त्रिशा या दोघांनी नेहमीच एकमेकांना चांगले मित्र म्हटलं असले, तरी स्वातंत्र्यदिन सोहळ्यातील त्रिशाच्या सॅल्यूट आणि तिच्या उपस्थितीनं पुन्हा एकदा सगळ्याचं लक्ष वेधून घेतलं आहे.

त्रिशाची भूमिका आणि स्पष्टीकरण

राजकीय विरोधकांकडून जेव्हा त्रिशा नावाचा वापर राजकीय चिखलफेकीसाठी केला गेला, तेव्हा तिनं कायदेशीर नोटीस पाठवून स्पष्ट केलं की, तिचा कोणत्याही राजकीय पक्षाशी थेट संबंध नाही आणि तिची ओळख केवळ एक अभिनेत्री म्हणून राहावी.

Udhayanidhi Stalin Detained: तामिळनाडूचे राजकारण तापलं, CM विजय आणि अभिनेत्री त्रिशा कृष्णनवर अत्यंत आक्षेपार्ह टिप्पणी, माजी उपमुख्यमंत्री उदयनिधी स्टॅलिन पोलिसांच्या ताब्यात
विजय आणि त्रिशा या दोघांनीही नेहमीच स्पष्ट केलं आहे की, त्यांच्यामध्ये मैत्रीचं नातं आहे.तमिळनाडूच्या राजकारणात सिने-कलाकारांचं स्थान नेहमीच महत्त्वाचं राहिलं आहे. त्यामुळं विजय यांच्या राजकीय प्रवासात त्रिशाची ही उपस्थिती केवळ एक मैत्री म्हणून पाहिली जाते की भविष्यात तिचं राजकारणात आगमन होतं, याकडं सर्वांचे लक्ष लागलं आहे.