Devendra Fadnavis Daughter on CJP Protest : महाराष्ट्राचे मुख्यमंत्री देवेंद्र फडणवीस यांची कन्या दिविजा फडणवीस यांनी इन्स्टाग्राम स्टोरीच्या माध्यमातून देशभरात सुरु असलेल्या विद्यार्थ्यांच्या आंदोलनावर आपली मतं व्यक्त केली आहेत.
दिविजा फडणवीस यांची इन्स्टा स्टोरी काय?
“आंदोलनांबाबत भाष्य करण्यासाठी मला अनेकदा विचारणा करण्यात आली आहे, त्यावर मी इतकेच म्हणेन की, लोकशाहीत शांततापूर्ण आंदोलन करणे हा नागरिकांचा अधिकार आहे. आंदोलकांकडून पोलिसांवर होणारी हिंसा आणि पोलिसांकडून आंदोलकांवर होणारी हिंसा, या दोन्ही गोष्टींना परवानगी मिळता कामा नये.” असं दिविजा इन्स्टा स्टोरीत म्हणतात.
Sonam Bajwa : सोनम वांगचुक का? मला वाटलं अभिनेत्री सोनम बाजवा उपोषण करतेय; तरुणाची ‘गलती से मिस्टेक’, जंतरमंतरवर पोहोचल्यावर डोक्याला हात
‘आंधळेपणाने पाठिंबा देऊ नका’
“तुम्ही शैक्षणिक सुधारणांच्या चळवळीला पाठिंबा देऊ शकता, परंतु त्या चळवळीचे नेतृत्व करणाऱ्या राजकीय पक्षाला आणि त्यांच्या विचारसरणीला आंधळेपणाने पाठिंबा देऊ नका; त्याऐवजी, आधीच सावध राहा आणि त्यांच्या खऱ्या उद्देशांची माहिती करुन घ्या.” असा सल्लाही दिविजा फडणवीस यांनी दिला आहे.
Manoj Jarange | कॉकरोच जनता पार्टीच्या व्यासपीठावरून जरांगे कडाडले,’तर सरकार आंदोलन मोडून काढेल’
‘विरोधकांनी सत्ताधाऱ्यांचा शत्रू बनू नये’
“लोकशाहीत विरोधी पक्षाने देशाचे हित डोळ्यांसमोर ठेवून आणि सर्वोच्च विकासाचे उद्दिष्ट साध्य करण्यासाठी सत्ताधारी पक्षांना अधिक चांगले निर्णय घेण्यास मदत केली पाहिजे, सत्ताधाऱ्यांचा शत्रू बनू नये किंवा त्यांची बदनामी करु नये.” अशी अपेक्षाही दिविजांनी व्यक्त केली आहे.Sharad Pawar : शरद पवारांची नरेंद्र मोदींसोबत बैठक, NDA सहभागाच्या चर्चांना पुन्हा जोर, भेटीचं कारण गुलदस्त्यात
‘धर्माच्या दिशेने गेल्यास आंदोलन भरकटते’
“सोशल मीडियावर चर्चेत येणाऱ्या कोणत्याही गोष्टीचे आंधळेपणाने समर्थन करु नका, केवळ ‘ट्रेंड’ आहे म्हणून बंड करु नका आणि कोणत्याही विचारसरणीच्या प्रभावाखाली येऊन स्वतःचे मत बनवू नका. जोपर्यंत विद्यार्थ्यांचे हित केंद्रस्थानी आहे, तोपर्यंत सर्व काही ठीक आहे; परंतु ज्या क्षणी ही आंदोलने धर्माच्या दिशेने वळतात किंवा ‘नीट’, पेपरफुटी व ‘एनटीए’ यांच्या मूळ मुद्द्यांच्या कक्षेबाहेर जातात, तेव्हा त्यामागचा उद्देश बदलतो — याबद्दल सावध राहा.” असा इशाराही दिविजा देवेंद्र फडणवीस यांनी दिला आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
