Chandrapur farmer sold kidney due to moneylenders debt kidney racket mastermind arrested; शेतकऱ्याने कर्ज फेडण्यासाठी किडनी विकली, पण नावापुरते पैसे मिळाले; भयंकर रॅकेटचा पर्दाफाश, मास्टरमाईंड अटकेत

नागभीड तालुक्यातील मिंथूर येथील 36 वर्षीय शेतकरी रोशन शिवदास कुळे यांनी सावकारी कर्जाच्या जाचाला कंटाळून आपली किडनी विकल्याचे प्रकरण उघडकीस आले. अवैध सावकारांच्या कर्जामुळे ते प्रचंड मानसिक तणावात होते. कर्ज फेडण्यासाठी कोणताही मार्ग उरला नसल्याने त्यांनी किडनी विकण्याचा निर्णय घेतला.
Chandrapur News : एक लाखाचं कर्ज 74 लाखांवर, सावकाराकडून भरमसाठ व्याजवसुली; पैशांसाठी शेतकऱ्याला किडनी विकायला लावली, महाराष्ट्रातील धक्कादायक प्रकार
सोशल मीडियावरून याविषयीची माहिती मिळविली. यातूनच त्यांना ‘डॉ. कृष्णा’ नावाच्या ‘प्रोफाइल’ची ओळख झाली. आरोपीने रोशन यांच्या हतबलतेचा फायदा घेत त्यांना किडनीच्या बदल्यात आठ लाख रुपये देण्याचे आमिष दाखवले. त्यानंतर विमानाचे तिकीट आणि इतर कागदपत्रांची पूर्तता करून रोशन यांना कम्बोडियाला नेण्यात आले.
Chandrapur News : महाराष्ट्रातील कर्जासाठी शेतकऱ्याने विकलेल्या किडनीची सर्जरी कंबोडियात, १७ दिवस व्हिएतनामला कॉल सेंटरमध्ये नोकरी…धक्कादायक माहिती उघड
कम्बोडियातील एका खासगी रुग्णालयात रोशन यांची किडनी काढण्यात आली. शस्त्रक्रियेनंतर त्यांना ठरलेली रक्कम देण्यासाठी आरोपीने टाळाटाळ सुरू केली. केवळ नावापुरते काही पैसे देण्यात आले आणि त्यांना भारतात परत पाठवण्यात आले. पण, भारतात परतल्यावर एका किडनीवर जगताना रोशन यांची प्रकृती खालावली आणि दुसरीकडे सावकारांचा त्रासही कमी झाला नाही. अखेर आपली फसवणूक झाल्याचे लक्षात येताच त्यांनी धाडस करून पोलिसांत तक्रार दिली, असेही पोलिस अधीक्षक सुदर्शन म्हणाले.

आरोपी कृष्णा याने 2015 मध्ये एक छोटी कंपनी सुरू केली होती. या व्यवसायात तो अपयशी ठरल्याने कर्जात बुडाला होता. आर्थिक संकटातून बाहेर पडण्यासाठी कृष्णा याने कम्बोडिया येथील रुग्णालयात आपली किडनी विकली होती. 2018 पासून तो त्या रुग्णालयाच्या संपर्कात होता. आतापर्यंत 10 ते 12 लोकांना किडनी काढण्यासाठी त्याने कम्बोडिया येथे नेल्याची माहिती पोलिस तपासातून उघडकीस आली आहे.