महत्वाचे म्हणजे ही कॉन्ट्रॅक्ट पद्धत एफ अँड ओ सेगमेन्टसाठीच उपलब्ध आहे. तसेच या संबंधित सेक्युरिटीज डी सिरिज Prefix अंतर्गत असतील. या नव्या सुविधेमुळे एसएलबी मार्केट आणखीन फ्लेक्सिबल होण्यास मदत होईल.
एसएलबी म्हणजे काय?
एसएलबी म्हणजेच सेक्युरिटीज लेंडिंग अँड बोरोविंग. एकंदरीत, जेव्हा गुंतवणूकदाराला एखादे शेअर्स विकत घेण्याऐवजी काही काळासाठी फक्त उधारीवर घ्यायचे असते तेव्हा गुंतवणूकदार एसएलबीचा पर्याय निवडतो. उधारीवर घेण्यात आलेल्या शेअर्सच्या माध्यमातून नफा कमावून ते नंतर पुन्हा मालकाला सुपूर्त केले जाते. या संबंधित एक कॉन्ट्रॅक्ट तयार होतो.
बीएसई क्लियरिंगने आणलेल्या नवीन एसएलबी सुविधेत हा कॉन्ट्रॅक्ट फक्त तीन दिवसाचा असणार आहे. हे तीन दिवस तीन टप्पे म्हणून पाहीले जातील. त्यांना T, T+1, T+2 आणि T+3 या नावांनी संबोधले जाईल. ज्या दिवशी ट्रेड केला जाईल तो दिवस म्हणजे T. ट्रेडचा पहिला वर्किंग डे म्हणजे T+1. ट्रेडचा दूसरा वर्किंग डे म्हणजे T+2 आणि ट्रेडचा तिसरा वर्किंग डे म्हणजे T+3. T+1 या टप्प्यात शेअर्स हातात मिळतात तर T+3 या टप्प्यात शेअर्स परत करावे लागतात. जर या तीन दिवसांच्या कालावधीत हॉलिडे असेल तर तो दिवस या कॉन्ट्रॅक्टच्या तीन दिवसांमध्ये गणले जात नाही.
जर एखाद्या गुंतवणूकदाराला थोड्या काळासाठी एखादे शेअर्स हवे असतील तर त्यांच्यासाठी ही सुविधा फार महत्वाची ठरणार आहे. विशेष म्हणजे इंटर एक्सचेज Arbitage करण्यासाठी ही सुविधा फायद्याची ठरेल. एकंदरीत, जर एखादा शेअर बीएसईवर 1,000 रुपयांनी आहे आणि त्याच शेअरची एनएसईवर 1,010 किंमत आहे. तर या फरकाचा फायदा घेण्यासाठी बीएसई क्लियरिंगची ही शॉर्ट टर्म एसएलबी सुविधा फायदेशीर ठरू शकते.
पेन्शनर्ससाठी महत्वाची अपडेट! लोकसभेत पेन्शनवाढीच्या मुद्द्यावर झाली चर्चा, Higher Pension संदर्भात दिली स्पष्टताया महत्वाच्या अटींना लक्षात घ्या!
3 दिवसांच्या या कालावधीत कंपनीचे AGM/EGM झाले तर याचा कॉन्ट्रॅक्टवर काहीच परिणाम जाणवणार नाही. परंतु, या तीन दिवसांच्या काळात इच्छा असूनही कॉन्ट्रॅक्ट थांबवता येणार नाही. या सुविधेत Repay, Recall तसेच Rollover करता येत नाही. एकंदरीत, जर तुम्ही 3 दिवसांच्या एसएलबीवर एखादा शेअर उधारीवर घेतला तर तीन दिवस पूर्ण करणे बंधनकारक आहे. या तीन दिवसांच्या ट्रेडिंग डेज दरम्यान तुम्हाला मी शेअर्स आधीच परत देतो किंवा मला माझे शेअर्स आधीच परत पाहिजेत असे करता येणार नाही. कॉन्ट्रॅक्टचे सर्व दिवस पूर्ण करावे लागतील तसेच कॉन्ट्रॅक्ट संपत आला की कॉन्ट्रॅक्ट पुढे सुरू ठेवता येत नाही.
लेखकाबद्दलदिवेश चव्हाणदिवेश दिनेश चव्हाण हे मराठी पत्रकार असून ते सध्या महाराष्ट्र टाइम्स येथे कंटेंट रायटर म्हणून कार्यरत आहेत. ऑगस्ट 2026 पासून ते महाराष्ट्र टाइम्स येथे अर्थ, पर्सनल फायनान्स आणि देश-विदेशातील बातम्यांसंबंधित लेखन करत आहेत. शेअर बाजारातील घडामोडी, बँकिंग, नवे आर्थिक धोरण आणि तांत्रिक नियम अतिशय सोप्या भाषेत आणि सविस्तर पद्धतीने समजावून सांगणे हे त्यांचे वैशिष्ट्य आहे.
यापूर्वी ते नवराष्ट्र या मराठी वेबसाइटसाठी कंटेंट रायटर म्हणून काम करत होते. या काळात त्यांनी अर्थ, व्यवसाय, करिअर आणि नोकरीसह विविध क्षेत्रातील घडामोडींचे वार्तांकन केले आहे. यासोबतच काल्पनिक कथा लेखन आणि एखाद्या कथेचे स्वारस्यपूर्ण विश्लेषण करण्यातही ते पटाईत आहेत.
त्यांचे शिक्षण ठाणे येथील जोशी बेडेकर महाविद्यालयात झाले. याच ठिकाणी त्यांनी पत्रकारितेचे शिक्षण पूर्ण केले. त्यांच्याकडे मास्टर ऑफ आर्ट्स इन मल्टीमीडिया अँड मास कम्युनिकेशन ही पदव्युत्तर पदवी आहे. विविध विषयांवर अचूक आणि विश्वासार्ह बातम्या पुरवणे हा त्यांच्या लेखन, पत्रकारितेच्या माध्यमातून वाचकांना दर्जेदार माहिती देऊन त्यांना जागतिक घडामोडींविषयी जागरुक ठेवणे हा त्यांचा हेतु आहे.
जोशी बेडेकर महाविद्यालयात शिक्षण घेत असताना महाविद्यालयीन वार्षिक अंक Rta मध्ये इंग्रजी रिपोर्टींग विभागाचे हेड म्हणून त्यांनी कारोभार सांभाळला आहे.… आणखी वाचा
