Mumbai High Court Decision: मंत्रालयातील दोन उपाहारगृहांत नियमांचे ९८ टक्के पालन असल्याने सुधारणा नोटीस दिल्याची माहिती मिळाली तेव्हा, ‘एकही कीटक सापडला नाही? नवी मुंबईतील हॉटेलमध्ये एक माशी दिसली म्हणून थेट परवाना निलंबित केला. इथे तसे काही नाही का?’ अशी विचारणा खंडपीठाने केली.
‘एकही कीटक सापडला नाही?’
मंत्रालय व सरकारी, निमसरकारी संस्था तसेच वैधानिक संस्थांमधील उपाहारगृहांचीही तपासणी करून अहवाल देण्याचे निर्देश प्रभारी मुख्य न्यायमूर्ती रवींद्र घुगे व न्या. गौतम अंखड यांच्या खंडपीठाने दिले होते. त्याप्रमाणे सरकारी वकील पूजा पाटील यांनी एफडीएच्या अहवालाची प्रत देत, मंत्रालयातील दोन उपाहारगृहांत नियमांचे ९८ टक्के पालन असल्याने सुधारणा नोटीस दिल्याची माहिती दिली. तेव्हा, ‘एकही कीटक सापडला नाही? नवी मुंबईतील हॉटेलमध्ये एक माशी दिसली म्हणून थेट परवाना निलंबित केला. इथे तसे काही नाही का?’, अशी विचारणा खंडपीठाने केली.
चार वकिलांना मंत्रालयातील कँटीनला पाठवलं
त्याचवेळी, ‘आमच्या रेस्टॉरंटमध्ये एफडीएने केळी व भाज्यांवर काळे डाग असल्यासह अन्य त्रुटी नोंदवत केवळ ३७ टक्के नियमपालन असल्याचे सांगून थेट परवाना निलंबित केला’, असे पूर्णिमा रेस्टॉरंटतर्फे ज्येष्ठ वकील व्यंकटेश धोंड यांनी निदर्शनास आणले. या पार्श्वभूमीवर, खंडपीठाने मंत्रालयातील तपासणीबाबत शंका उपस्थित करून उच्च न्यायालयातील चार वकिलांना तात्काळ मंत्रालय व मंत्रालय ॲनेक्स इमारतीतील उपाहारगृहांची आणि विधानभवनातील उपाहारगृहाची तपासणी करून अहवाल देण्यास सांगितले. त्याप्रमाणे वकिलांनी तपासणी करून त्याचे चित्रीकरण करत छायाचित्रेही काढली आणि दुपारच्या सत्रात न्यायालयात माहिती दिली.
Shehzad Poonawalla : मोदींच्या कट्टर समर्थकाने पक्ष सोडला, शहजाद पूनावालांचा राजीनामा, सोशल मीडियावरुन ‘भाजप’ची ओळख मिटवली
फ्रिजपेक्षा चप्पल स्टँड स्वच्छ
‘आम्ही तिथे पोचण्याआधीच साफसफाई केल्याचे आढळले. तरीही अनेक त्रुटी दिसून आल्या. फ्रिज अस्वच्छ व डिफ्रॉस्टही अत्यंत अस्वच्छ, नळ गळके, सांडपाणी जाण्याचे ठिकाण गलिच्छ, तुटके व घाणेरडे टाइल्स असे बरेच काही आढळले’, असे निदर्शनास आणत वकिलांनी छायाचित्रे दाखवली. शिवाय एफडीएने एवढ्या मोठ्या उपाहारगृहाची अवघ्या अर्ध्या तासात तपासणी करून गुण दिल्याचेही वकिलांनी निदर्शनास आणले.
Maharashtra Rainfall : 3 दिवसात चित्र बददलं, IMD Report पावसाची तूट कमी, अनेक जिल्ह्यांना दिलासा
तेव्हा, ‘हे फोटोच बोलके आहेत. फ्रिजची अवस्था पाहता यापेक्षा चप्पल स्टँड स्वच्छ असते. असे असूनही तुम्ही ९८ टक्के नियमपालन असल्याचे कागदावर दाखवता. असे का? खासगी आस्थापनांच्या बाबतीत कठोर भूमिका, मग सरकारी आस्थापनांच्या बाबतीत का नाही? त्यांचा परवाना थेट निलंबित करता आणि अशा संस्थांविषयी नरमाईची भूमिका घेता. ते कोण अधिकारी आहेत, ज्यांनी अर्ध्या तासात तपासणी करून मंत्रालयात ९८ टक्के नियमपालन झाल्याचा अहवाल तयार केला?’, असे विचारत खंडपीठाने एफडीएला धारेवर धरले.Narendra Modi : मला-माझ्या स्वर्गीय आईला शिवीगाळ, पण खोडकर मुलांना माफ करण्याची इच्छा; पंतप्रधान मोदी म्हणतात, भरकटलेल्यांना दिशा दाखवू
‘आम्ही यापूर्वी एफडीएच्या या मोहिमेची प्रशंसा केली आहे. लोकही त्याचे स्वागत करत आहेत. परंतु, तुम्ही आधी गोळी झाडता आणि नंतर प्रश्न विचारता. सुधारणेसाठी एक संधी द्यायला हवी’, असेही खंडपीठाने सुनावले. अखेरीस, ‘याचिकाकर्त्यांना दिलेले परवाना निलंबनाचे आदेश कारणे दाखवा किंवा सुधारणा नोटीस म्हणून मानले जातील आणि बुधवारी पुन्हा तपासणी करून अहवाल तयार करण्यात येतील’, असे सरकारी वकिलांनी सांगितले. तसे खंडपीठाने नोंदवून सुनावणी तहकूब केली.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
