अनेक वर्षे बाजाराचा अभ्यास केल्यानंतर 2016 मध्ये त्यांना बाजारात संधी दिसून आली. त्याकाळी ऑडिओ मार्केटमध्ये JBL तसेच Bose यांची हवा होती. पण हे ब्रँड सामन्यांच्या खिशाला परवडणारे नव्हते. अमन आणि समीर यांना यातून कल्पना सुचली. त्यांनी स्वस्त, टिकाऊ, स्टायलिश आणि उत्कृष्ट दर्जाचे ऑडिओ उपकरणे तयार करण्याचे ठरवले.
एका ऑडिओ ब्रँडची सुरुवात साध्या केबलपासून झाली
boAt ने सगळ्यात आधी Apple Charging Cable ची निर्मिती केली. त्याकाळी बाजारात मिळणाऱ्या केबलची क्वालिटी इतकी बिकट असायची की लोकं त्यावर टेप लावून कामे चालवत होती. अमन आणि समीर यांनी या कडे संधी म्हणून पाहिले आणि बाजारात झेप घेतली. boAt च्या या केबलची किंमत 1,500 रुपये होती.
आधी चीनमध्ये तयार व्हायची उपकरणे
boAt ची पायाभरणी करताना समीर आणि अमन यांच्याकडे फार मोठा महसूल नव्हता. Contract Manufacturing च्या माध्यमातून त्यांनी चीन देशातल्या काही कंपन्यांकडून माल तयार करून घेतला. माल भारतात आणून अमेझॉनसारख्या ऑनलाईन प्लॅटफॉर्म्सवरून देशभरात माल विकण्यास सुरुवात केली. त्याकाळी मालाचे उत्पादन करणे कंपनीच्या संस्थापकांसाठी सगळ्यात मोठी कसरत होती.
खासकरून तरुणाईला केले टार्गेट
केबल नंतर boAt त्याच्या खऱ्या उद्दिष्टांकडे वळला. अखेर boAt ने ऑडिओ मार्केटमध्ये पहिले पाऊल टाकले. त्याकाळी देशातल्या सामान्य ग्राहकाला स्वस्त, स्टायलिश आणि उत्तम बेस असणाऱ्या उपकरणांमध्ये रस होता. इतकी वर्ष बाजाराला घोळून प्यायलामुळे boAt च्या संस्थापकांना या गोष्टीचा अंदाज होता. त्यानुसारच boAt ची उपकरणे तयार करण्यात आली. या काळात देशाची तरुणाई boAt चे मुख्य लक्ष्य होते.
boAt ने त्यांच्या प्रत्येक उपकरणाला फॅशन म्हणून लाँच केला. त्यांची उपकरणे ग्राहकांच्या गरजांसोबत स्टाईलमध्येही भर टाकत होती. 2018 ते 19 च्या काळात boAt ची पावले ऑफलाईन बाजाराकडे वळली. देशात boAt चे 5000 रिटेल स्टोअर्स खुले झाले. आतापर्यंत फक्त ऑनलाइन प्लॅटफॉर्मवर उपलब्ध असणारा boAt आता ग्राहकांच्या शहरातही उपलब्ध झाला होता.
नक्की कोणत्या गोष्टी कंपनीच्या वाढीसाठी कारणीभूत ठरल्या?
सुरुवातीला अमन यांनी 15 लाख आणि समीर यांनी 15 लाख म्हणजे एकूण 30 लाखात boAt ची पायाभरणी केली. 2018 साली कंपनीला पहिल्यांदा फंडिंग मिळाली. सुरुवातीला कंपनीचा उद्देश फक्त ऑडिओ बाजारात चांगली जागा तयार करणे हाच होता. पण याच ब्रँडने पुढे Smartwatch तसेच ट्रॅव्हल चार्जरसारखी अनेक उपकरणे बाजारात आणली. boAt ने ग्राहकांना नेहमी अग्रस्थानी ठेवले. त्यांनी ग्राहकांच्या गरजेला स्वतःचे ध्येय समजले आणि त्यानुसार उपकरणे तयार केली.
ब्रँडची एकूण महसूल व्यवस्था किती?
अर्थ वर्ष 2019 मध्ये boAt चा एकूण महसूल 239.4 कोटी रुपये होता. हीच रक्कम 2020 मध्ये 700.44 कोटी रुपयांवर पोहचली. एकंदरीत, महसुलात तिप्पट वाढ नोंदवण्यात आली. यावरून ब्रँडच्या लोकप्रियतेच्या अंदाज बांधता येऊ शकतो. अमन आणि समीर यांनी 30 लाख रुपये जोडून तयार केलेला महसूल आज 2,931 कोटी रुपयांवर पोहचला आहे.
Gold Rate Outlook: गोल्ड रेट कमी होण्याची वाट बघताय? भाव 1 लाखाच्या खाली येणार की नाही, 3 फॅक्टर्स ठरवतील भविष्याची चालसुरुवातीला चीनमधील उत्पादक कंपन्यांशी Contract Manufacturing करणाऱ्या boAt चे जवळपास 75% प्रॉडक्ट्स आज भारतात तयार होतात. एका तुटणाऱ्या चार्जिंग केबलला संधी म्हणून पाहिले आणि बाजारात पावले ठेवली. अमन आणि समीर यांनी इतर उपकरणांच्या कमतरतेला संधी म्हणून पाहिले आणि ग्राहकांच्या गरजेला ध्येय म्हणून पाहिले. त्यांच्या याच कौशल्यामुळे आज boAt देशातील महत्वाच्या ऑडिओ ब्रँडपैकी एक आहे.
लेखकाबद्दलदिवेश चव्हाणदिवेश दिनेश चव्हाण हे मराठी पत्रकार असून ते सध्या महाराष्ट्र टाइम्स येथे कंटेंट रायटर म्हणून कार्यरत आहेत. ऑगस्ट 2026 पासून ते महाराष्ट्र टाइम्स येथे अर्थ, पर्सनल फायनान्स आणि देश-विदेशातील बातम्यांसंबंधित लेखन करत आहेत. शेअर बाजारातील घडामोडी, बँकिंग, नवे आर्थिक धोरण आणि तांत्रिक नियम अतिशय सोप्या भाषेत आणि सविस्तर पद्धतीने समजावून सांगणे हे त्यांचे वैशिष्ट्य आहे.
यापूर्वी ते नवराष्ट्र या मराठी वेबसाइटसाठी कंटेंट रायटर म्हणून काम करत होते. या काळात त्यांनी अर्थ, व्यवसाय, करिअर आणि नोकरीसह विविध क्षेत्रातील घडामोडींचे वार्तांकन केले आहे. यासोबतच काल्पनिक कथा लेखन आणि एखाद्या कथेचे स्वारस्यपूर्ण विश्लेषण करण्यातही ते पटाईत आहेत.
त्यांचे शिक्षण ठाणे येथील जोशी बेडेकर महाविद्यालयात झाले. याच ठिकाणी त्यांनी पत्रकारितेचे शिक्षण पूर्ण केले. त्यांच्याकडे मास्टर ऑफ आर्ट्स इन मल्टीमीडिया अँड मास कम्युनिकेशन ही पदव्युत्तर पदवी आहे. विविध विषयांवर अचूक आणि विश्वासार्ह बातम्या पुरवणे हा त्यांच्या लेखन, पत्रकारितेच्या माध्यमातून वाचकांना दर्जेदार माहिती देऊन त्यांना जागतिक घडामोडींविषयी जागरुक ठेवणे हा त्यांचा हेतु आहे.
जोशी बेडेकर महाविद्यालयात शिक्षण घेत असताना महाविद्यालयीन वार्षिक अंक Rta मध्ये इंग्रजी रिपोर्टींग विभागाचे हेड म्हणून त्यांनी कारोभार सांभाळला आहे.… आणखी वाचा
