amravati varud-rajura bazar road auto rickshaw- shivai bus accident five passengers died ; अमरावतीत भीषण अपघात! शिवाई बसची ऑटोरिक्षाला धडक, पाच प्रवाशांचा मृत्यू, दोघे गंभीर जखमी

ऑटोचालक कैलाश घनश्याम नागदिवे (४२) रा. वाडेगाव), चिंतामण सदाशिव नागदिवे (६०, रा. वाडेगाव), माही प्रवीण मांगूळकर (१३, रा. वाडेगाव), हरिभाऊ दौलत शिंदे (८३, रा. जरूड) व राजकुमार भलावी (५५, रा. गव्हाणकुंड) अशी मृतांची नावे आहेत. प्रतिभा प्रकाश लाड (१८) आणि मोहिनी वंदे भोरे (१८, रा. राजुरा बाजार) या दोघी गंभीर जखमी असून, त्यांच्यावर नागपूर येथे उपचार सुरू आहेत. त्यांची प्रकृती चिंताजनक असल्याचे समजते.
SSC Student Death: क्रूर नियती! दहावीचा पेपर देऊन घरी परतताना काळाचा घाला; अपघातात विद्यार्थ्याचा मृत्यू, आई जखमी
एसटी महामंडळाची एमएच ४९, बीझेड ९४३६ या क्रमांकाची शिवाई बस वरुड बसस्थानकातून वर्ध्याकडे निघाली होती. त्याचवेळी एमएच २७ एआर १८२३ क्रमांकाची ऑटोरिक्षा काही विद्यार्थी व प्रवाशांना घेऊन वरुडकडे येत होती. वरुडपासून सुमारे दोन किलोमीटर अंतरावर असलेल्या रेल्वे क्रॉसिंगनजीक भरधाव बसने समोरून येणाऱ्या ऑटोरिक्षाला धडक दिली. क्षणार्धात ऑटोरिक्षा रस्त्याच्या कडेला फेकल्या गेली. अपघातानंतर काही काळ वाहतूक पूर्णपणे ठप्प झाली होती. घटनास्थळी नागरिकांची मोठी गर्दी जमली. जखमींना तत्काळ वरुड ग्रामीण रुग्णालयात हलविण्यात आले. प्रकृती गंभीर असल्याने त्यांना नागपूरला हलविण्यात आले. मात्र, उपचारादरम्यान भलावी यांची प्राणज्योत मालवली.
Nanded Crime: CRS पोर्टल हॅक अन् 1,700 लोकसंख्येच्या गावात 15,569 बोगस जन्म नोंदी; नांदेडमधील प्रकार, पोलिसांची मोठी कारवाई, झारखंडमधील…
दरम्यान, वरुड पोलिसांनी घटनास्थळी पंचनामा करून मृतदेह ग्रामीण रुग्णालयात पाठविले. बसचालक निखिल रामभाऊ वरठी (२६, रा. तळेगाव) श्यामजी पंत (आष्टी, जि. वर्धा) यांच्याविरुद्ध गुन्हा दाखल करून ताब्यात घेण्यात आले आहे. बस भरधाव होती आणि चालकाचे नियंत्रण सुटल्याने हा अपघात घडल्याची प्राथमिक माहिती आहे.