Aditi Sharma : लोकप्रिय अभिनेत्रीची पोलीस ठाण्यात धाव, पतीवर शारीरिक आणि मानसिक छळाचा आरोप; सासू विरोधातही दाखल केली तक्रार

अभिनेत्रीनं दाखल केली तक्रार

पोलीस सध्या या प्रकरणाचा तपास करत आहेत. अदितीच्या तक्रारीनुसार, लग्नानंतर छळ सुरू झाला. अभिनेत्रीनं तिचा पती आणि त्याच्या कुटुंबावर वारंवार होणारा छळ, मारहाण आणि तिचे दागिने जप्त करणे यांसह अनेक आरोप केले आहेत. हे प्रकरण उघडकीस आल्यानं मनोरंजन क्षेत्रातील घरगुती हिंसाचाराच्या मुद्द्यावर पुन्हा एकदा चर्चा सुरू झाली आहे.
Milind Pathak : ‘रील स्टार्सना सिनेमाच्या प्रमोशनसाठी बोलावतात, ज्यांनी सिनेमा बनवला त्यांच्या कष्टाला किंमत नाही’, मराठी अभिनेत्याचं बेधडक वक्तव्य
अदिती शर्मा आणि अभनीत कौशिक यांनी १२ नोव्हेंबर २०२४ रोजी गोरेगाव येथील त्यांच्या घरी एका खाजगी समारंभात लग्न केलं. लग्नानंतर अवघ्या चार महिन्यांतच ते विभक्त झाले. अदिती शर्मानं नुकतीच पोलिसांत तक्रार दाखल केली आहे, ज्यात तिनं दावा केला आहे की, नोव्हेंबर २०२४ मध्ये अभिनीत कौशिकशी लग्न केल्यानंतर तिला शाब्दिक, शारीरिक, मानसिक आणि भावनिक छळाला सामोरं जावं लागलं. सुरुवातीला तिची भांडणं तिच्या कपड्यांवरून व्हायची. पण नंतर त्याचं रूपांतर गंभीर मुद्द्यांमध्ये झालं. अभिनेत्रीने पुढे सांगितलं की, तिचा नवरा घरखर्चात हातभार लावण्याऐवजी अनेकदा तिच्याकडून पैसे घ्यायचा. तो तिच्यावर संशय घ्यायचा, तिचा मोबाईल फोन तपासायचा.
अदिती शर्मानं तिच्या सासूवर सोन्याचे दागिने जप्त केल्याचा आरोपही केला आहे. सासू आणि नणंद भांडण सोडवण्याऐवजी तिच्या नवऱ्याला पाठिंबा द्यायची, असंही अभिनेत्रीनं तक्रारीत म्हटलं आहे. मुंबई पोलिसांनी गुन्हा दाखल केला असून तपास सुरू आहे.

अदिती शर्मा आणि अभनीत कौशिक यांचं लग्न

अदिती शर्मा आणि अभनीत कौशिक यांची पहिली भेट जून २०२१ मध्ये एका ऑनलाइन अभिनय वर्गात झाली. त्यांच्या मैत्रीचं प्रेमात रूपांतर झालं आणि त्यांनी नोव्हेंबर २०२४ मध्ये गोरेगाव येथील त्यांच्या घरी लग्न केलं.