Most Expensive Countries Cost of Living; वाढत्या महागाईने सर्वच हैराण; सौंदर्याची खाण पण जगातील महागड्या देशांमध्ये राहणे-खाणे आणि फिरायला लागतील लाखो रुपये

स्वित्झर्लंडचा Cost of Living Index 109.8 आहे, ज्यामुळे युरोपमधील हा देश जगातील सर्वात महागड्या देशांपैकी बनला आहे. उच्च-गुणवत्तेच्या सेवा, उत्कृष्ट अन्न आणि महागड्या घरांमुळे येथील राहणीमानाचा उच्च खर्च प्रामुख्याने आहे पण प्रचंड पगार, उत्कृष्ट दर्जाच्या सार्वजनिक सेवा आणि सामाजिक सुरक्षा चांगल्या दर्जाच्या असल्यामुळे येथील नागरिकांचे राहणीमान सुनिश्चित करते. येथे एका आठवड्यासाठी 1.75 लाख ते 2.6 लाख रुपये म्हणजे प्रत्येक दिवसाला 25000 ते 37000 रुपये खर्च होऊ शकतो.

नॉर्वेमध्येही तुम्हाला पर्यटनासाठी जायचे असेल तर, मोठा बजेट तयार करावा लागेल. जास्त मूल्यवर्धित कर, महागडे किराणा सामान आणि वाढलेला मजुरीचा खर्च या कारणांमुळे येथे 7 दिवसांच्या ट्रिपसाठी साधारणपणे 1.61 लाख ते 2.21 लाख रुपये खर्च होऊ शकतो.

बर्मुडा आणि आइसलँड मनमोहक निसर्गरम्य दृश्यांसाठी प्रसिद्ध आहेत, पण त्याचबरोबर तिथे प्रवासासाठी प्रचंड खर्च करावा लागेल. पर्यटकांना एका आठवड्यासाठी 1.47 लाख ते 2.17 लाख म्हणजे दररोज सरासरी 21000 ते 31000 खर्च अपेक्षित आहे. बर्मुडाचा Cost Of Living इंडेक्स 135.8 आहे.

तर, आइसलँडचा 97.6 आहे. दोन्ही बेटे आयात केलेल्या अन्न आणि ग्राहकोपयोगी वस्तूंवर मोठ्या प्रमाणावर अवलंबून आहेत. किनारपट्टीवरील स्थान आणि मर्यादित लोकसंख्या यामुळे आइसलँडमध्ये जास्त महागाई आहे. बहुतेक वस्तू आयात कराव्या लागत असल्याने अन्न आणि दैनंदिन गरजेच्या वस्तू महाग होतात. तसेच वाढत्या पर्यटनामुळे रेक्याविकमधील किमती सतत वाढत आहेत.

न्यूयॉर्क आणि कॅलिफोर्निया या सारख्या अमेरिकेतील आकर्षक शहरांमध्ये प्रवास करण्यासाठी काळजीपूर्वक आर्थिक नियोजन करणे आवश्यक आहे. एका आठवड्याच्या ट्रिपसाठी साधारणपणे 1.05 लाख रुपये ते 1.75 लाख रुपये खर्च होऊ शकतो.

केमन बेटे जगातील सर्वात महागड्या ठिकाणांपैकी असून इथे Cost of Living निर्देशांक 100 च्या खूप वर आहे. या बेटावर बहुतेक वापराच्या वस्तू आयात केल्या जातात त्यामुळे, राहणीमानाचा खर्च अमेरिकेपेक्षा अंदाजे 72.7% जास्त आहे.

आशियातील हा देश आकाराने लहान असला तरीही खूप महाग आहे. इथे एका आठवड्याच्या ट्रिपसाठी साधारणपणे 84000 रुपये ते 1.4 लाख रुपये खर्च होऊ शकतो. जमीन मर्यादेत उपलब्ध असल्यामुळे हॉटेलच्या दरात लक्षणीय वाढ झाली आहे.