Rahul Dravid Son Batting: राहुल द्रविडच्या फलंदाजीची आजही क्रिकेटच्या चाहत्यांना भूरळ आहे. त्यांनी भारतीय क्रिकेटमध्ये दिलेलं योगदान हे महत्त्वाचं आहे, त्यांच्यानंतर त्यांचा मुलगा आता अचानक चर्चेत आला आहे. समित द्रविडच्या आक्रमक फलंदाजीच्या जोरावर संघाने थरारक विजय मिळवला आहे.
समितने २३ चेंडूंत ६ चौकारांच्या मदतीने ३२ धावांची खेळी केली. मात्र नवव्या षटकात धावबाद झाल्याने त्याला मोठी खेळी करता आली नाही. तरीही त्याच्या फलंदाजीने चाहत्यांना प्रचंड प्रभावित केले.
चौकारांची जोरदार आतषबाजी
समितच्या फलंदाजीचा व्हिडिओ सोशल मीडियावर चांगलाच व्हायरल होत आहे. त्याने बॅकफूटवर अप्रतिम कट शॉट खेळत पहिला चौकार मारला. त्यानंतर कव्हरच्या दिशेने आकर्षक फटके खेळत सलग चौकार मारले. शॉर्ट-पिच चेंडूवर खेचलेला दमदार फटका पाहून त्याच्या आक्रमक शैलीचीही झलक दिसून आली.
ब्लास्टर्सचा रोमहर्षक विजय
प्रथम फलंदाजी करताना रोहन पाटीलच्या ६४ धावा आणि प्रवीण दुबेच्या महत्त्वाच्या योगदानाच्या जोरावर कल्याणी बंगळुरू ब्लास्टर्सने २०४ धावांचा डोंगर उभा केला.
या आव्हानाचा पाठलाग करताना हुबळी टायगर्सने अखेरपर्यंत झुंज दिली. मनवंत कुमारने केवळ २२ चेंडूंत ६० धावांची तुफानी खेळी केली. मात्र त्याची खेळी संघाला विजय मिळवून देऊ शकली नाही आणि हुबळीचा डाव २०१ धावांवर थांबला. ब्लास्टर्सने अवघ्या २ धावांनी सामना जिंकला.
गुणतालिकेत संघ अव्वल
या विजयासह कल्याणी बंगळुरू ब्लास्टर्सने सात सामन्यांत सहावा विजय मिळवला. १२ गुणांसह संघाने गुणतालिकेतील अव्वल स्थान अधिक भक्कम केले आहे. दुसरीकडे, हुबळी टायगर्सला या हंगामातील तिसऱ्या पराभवाचा सामना करावा लागला.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
