Pune-Nashik Semi-High-Speed Railway: मुख्यमंत्री देवेंद्र फडणवीस यांची याप्रश्नी भेट घेण्याचा निर्णयही बैठकीत घेण्यात आला. पुणे-नाशिक हायस्पीड रेल्वेमार्ग बदलून तो शिर्डीमार्गे वळविण्यासाठी भूसंपादन प्रक्रिया सुरू करण्यात आली आहे.
या मार्गाला नाशिकसह अहिल्यानगर जिल्ह्यातील लोकप्रतिनिधींनीही तीव्र विरोध केला आहे. मंत्री विखे-पाटील यांच्या उपस्थितीत विधिमंडळात पुणे-नाशिक सेमी हायस्पीड रेल्वेसंदर्भात महत्त्वपूर्ण बैठक पार पडली. त्यात पुणे-नाशिक रेल्वे सरळ मार्गानेच गेली पाहिजे, अशी मागणी सर्वपक्षीय नेत्यांकडून लावून धरण्यात आली.
Nashik News : वारीने जीवदान दिले अन् व्यसन सुटले! महिला वारकरी सुमनबाईंची डोळ्यांत पाणी आणणारी भावना, डोक्यावर तुळशी वृंदावन घेऊन पंढरीच्या दिशेने
अन्य रेल्वेमार्गांबाबत सकारात्मक
हा रेल्वे प्रकल्प पूर्वनियोजित सरळ मार्गाने पूर्ण झाला तरच त्याचा मूळ उद्देश साध्य होईल, हा मुद्दाही बैठकीत ठामपणे मांडण्यात आला. यासोबतच नाशिक-शिर्डी आणि अहिल्यानगर-पुणे या रेल्वेलाही आमचा अजिबात विरोध नसून, उलट हे प्रकल्पही व्हावेत यासाठीही ठामपणे सोबत असल्याचा विश्वास पुन्हा एकदा या बैठकीच्या निमित्ताने उपस्थित सर्वांनी दिला. मात्र, आमच्या हक्काची सरळ मार्गावरील रेल्वे रद्द करून ती शिर्डी-अहिल्यानगरमार्गे वळवली जाऊ नये, ही स्पष्ट भूमिकाही यावेळी अधोरेखित करण्यात आली. या बैठकीला माजी मंत्री दिलीप वळसे-पाटील, ॲड. माणिकराव कोकाटे, माजी खासदार शिवाजीराव पाटील, आमदार विठ्ठलराव लंघे-पाटील, प्राजक्त तनपुरे, बाबाजीशेठ काळे, शरद सोनवणे, अमोल खताळ, अक्षय कर्डिले आदी उपस्थित होते.
Amol Kolhe : अमोल कोल्हे यांच्याकडून देवेंद्र फडणवीस यांचं कौतुक, ऑफरबाबतही मोठं वक्तव्य
मुख्यमंत्री फडणवीस यांना भेटणार शिष्टमंडळ
शेतकरी, विद्यार्थी, युवक, उद्योजक आणि उत्तर महाराष्ट्रासह पुणे जिल्ह्यातील जनतेचे व्यापक जनहित लक्षात घेऊन हे सर्व प्रकल्प या बैठकीच्या माध्यमातून मार्गी लागतील आणि सकारात्मक निर्णय होईल, असा विश्वास बैठकीत व्यक्त करण्यात आला. पूर्वनियोजित सरळ मार्ग क्षेत्रातील सर्व लोकप्रतिनिधींना सोबत घेऊन मुख्यमंत्री देवेंद्र फडणवीस यांची भेट घेण्याचा निर्णयही बैठकीत घेण्यात आला. हा प्रकल्प मार्गी लागेपर्यंत कोणीही मागे हटणार नाही, असा निर्धारही करण्यात आला.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
