farmer kidney sale cambodia for loan repayment international organ trafficking suspected; सावकारीतून लाखोंचं कर्ज, किडनीची विदेशात विक्री; शेतकऱ्याच्या दावा खरा की खोटा?

काय आहे घटना?

चंद्रपुरातल्या नागभीड तालुक्यात येणाऱ्या मिथुर गावातील रोशन यांच्याकडे चार एकर शेती आहे. या शेतीवरच त्यांच्या कुटुंबाच्या उदरनिर्वाह चालतो. निसर्गाचा लहरीपणामुळे शेती फायदेशीर ठरली नाही. त्यामुळे शेतीपूरक व्यवसाय करण्याचे त्यांनी ठरविले. दुग्ध व्यवसायातून थोडी मिळकत होईल म्हणून त्यांनी दुधाळ गाई खरेदी केल्या. यासाठी त्यांनी दोन सावकारांकडून 50-50 हजार रुपये कर्ज घेतले. येथेही त्यांना नशिबाने धोका दिला. खरेदी केलेल्या गायी मरण पावल्या .त्यात शेतीही पिकेना. कर्जाचा डोंगर वाढत गेला. सावकार घरी येऊन नको ते बोलू लागले. कर्जातून मुक्त होण्यासाठी त्यांनी दोन एकर जागा विकली. ट्रॅक्टर आणि घरातील सामान विकले. मात्र कर्ज काही संपेना. एक लाख कर्ज 74 लाखावर गेले. शेवटी कर्ज घेतलेल्या एका सावकाराने किडनी विकण्याचा सल्ला दिला. एका एजंटने रोशन कुडे यांना कलकत्ता येथे नेले. कुडे यांची वैद्यकीय तपासणी करण्यात आली. तपासणीनंतर कंबोडिया येथे त्यांच्यावर शस्त्रक्रिया झाली आणि किडनी काढण्यात आली. ही किडनी कुडे यांनी आठ लाखाला विकली.

Manikrao Kokate: मंत्री कोकाटेंचा पाय खोलात! तातडीच्या सुनावणीस हायकोर्टाचा नकार; अटकेची टांगती तलवार

सहा सावकारांवर गुन्हा दाखल

कर्जफेड करण्यासाठी किडनी विकावी लागल्याचा गंभीर आरोप शेतकरी रोशन कुडे यांनी केल्यावर पोलिसांनी हे प्रकरण युद्धपातळीवर तपासासाठी घेतले असून, या प्रकरणातील सर्व सहा आरोपी सावकारांवर काल 16 डिसेंबर रोजी सायंकाळी सात वाजता गुन्हा दाखल करण्यात आला. यात आरोपींवर कलम 29, 31, 32 अन्वये गुन्हा दाखल करण्यात आला. हे सर्व कलम अवैध सावकारी संदर्भात आहेत. आरोपींमध्ये किशोर बावनकुळे,मनीष घाटबांधे,लक्ष्मण उरकुडे,प्रदीप बावनकुळे,संजय बल्लारपूरे, सत्यवान बोरकर या सहा जणांचा समावेश आहे. ब्रम्हपुरी पोलिस ठाण्यात हा गुन्हा नोंदवण्यात आला असून, पीडित शेतकऱ्याने किडनी संदर्भात केलेल्या आरोपांची वेगळी चौकशी केली जाणार आहे. वैद्यकीय अहवाल आल्यानंतर ही किडनी कर्ज फेडण्यासाठीच विकली का?, कंबोडिया देशात जाऊन त्याला ही किडनी का विकावी लागली, त्याला त्याची माहिती कुणी दिली, तो तिथपर्यंत कसा गेला, त्यासाठी माहिती आणि व्यवस्था कुणी केली? हे सगळे प्रश्न चौकशीत आहेत. त्यामुळे किडनीच्या संदर्भात अजून गुन्हा नोंदवण्यात आलेला नाही.

तर मोठे रॅकेट पुढे येईल

कर्जाचा परतावा करण्यासाठी ज्या सावकारांनी किडनी विकण्याचा सल्ला दिला. त्याला कलकत्ता येथे घेऊन गेले ,त्यांची सखोल चौकशी व्हायला हवी. कलकत्ता ते थेट कंबोडिया हा प्रवास करणाऱ्या या एजंटचे संपर्क दुरवर पसरले असावे, हे यातून दिसते. या आधी सुद्धा असे प्रकार घडले असावे, अशी शंका व्यक्त केली जात आहे. या दिशेने पोलिसांनी तपास केला तर अतिशय धक्कादायक तथ्य पुढे येथील, असं बोललं जात आहे.

कोण खरं, कोण खोटं?

त्या शेतकऱ्याने खरंच किडनी विकली का? हा खरा प्रश्न आहे. त्या दिशेनेही पोलिसांचा तपास सुरु आहे. या तपासात किडनी विकणारे शेतकरी कलकत्ता, कंबोडिया येते गेल्याचे पुरावे मिळाले आहेत. एक सामान्य शेतकरी दुसऱ्या देशात किडनी विक्री करायला जातोय, हे अतिशय धक्कादायक आहे.