Bhandara Younger Brother Kills Elder Brother : राज्यात गुन्हेगारीच्या धक्कादायक घटना उघडकीस येत आहेत. अशीच एक घटना भंडारा जिल्ह्यातील आंबाटोली भागात घटली आहे. येथे लहान भावाने घरगुती वादातून मोठ्या भावाची हत्या केलीय.
मंगळवार ५ ऑगस्ट रोजी रोशन, त्याचा धाकटा भाऊ राकेश आणि मित्र किरण उर्फ लारा दारू पिण्यासाठी गेले होते. दारू पिल्यानंतर राकेशने त्याचा मोठा भाऊ रोशनशी वाद घालण्यास सुरुवात केली आणि विचारले ‘की तू आपल्या आईशी का भांडतोस’. या मुद्द्यावरून राकेश आणि रोशनमध्ये झालेल्या वाद इतका वाढला की राकेश आणि त्याचा मित्र किरण यांनी रोशनला पकडलं आणि मारहाण केली. त्यांनी त्याच्यावर विटांनी हल्ला केला. त्यानंतर रोशन घरी आला आणि बाहेर असलेल्या ओट्यावर झोपला.
Maharashtra Weather Update : पावसाचे पुनरागमन, मुंबईत संततधार; राज्यात ऑगस्टच्या मध्यापासून पाऊस परतणार
मद्यधुंद अवस्थेत राकेशने रोशनच्या पोटावर लाथा बुक्क्यांनी मारहाण केली. आधीच गंभीर जखमी असलेल्या रोशनचा जागीच मृत्यू झाला. सुरुवातीला असं दर्शवण्यात आलं की रोशनचा मृत्यू दारूच्या नशेत झाला आहे. परंतु काही स्थानिकांना यावर संशय आला. पोलिसांनी सखोल तपास केला असता रोशनची हत्या झाल्याचं आढळून आलं.
Mumbai Crime : दुसऱ्या लग्नाची आस महागात, न्यूयॉर्कच्या डॉक्टरचा मधाळ बोलून गंडा, बोरिवलीच्या विवाहितेने स्वतःची…
पोलिसांनी किरण उर्फ लारा आणि राकेशला अटक केली. आरोपींविरुद्ध भारतीय दंड संहितेच्या कलम १०३ (१), ३ (५) अंतर्गत गुन्हा दाखल करण्यात आला आहे. सहाय्यक पोलिस अधीक्षक मयंक माधव, पोलिस निरीक्षक संजय गायकवाड यांनी घटनास्थळी भेट दिली. घटनेचा तपास पोलिस निरीक्षक संजय गायकवाड करीत आहेत.
लेखकाबद्दलमहाराष्ट्र डेस्कमटा महाराष्ट्र डेस्क एक अनुभवी आणि जागरूक टीम आहे. ही टीम राज्य, जिल्हा, शहर आणि गाव पातळीच्या बातम्यांसह राज्यातील सामाजिक, राजकीय, प्रशासकीय आणि स्थानिक घडामोडींवर बारकाईने लक्ष ठेवते. स्थानिक पातळीवर जनतेच्या समस्या, विकास योजनांचा आढावा, स्थानिक राजकारणातील बदल आणि सांस्कृतिक घडामोडींचे तटस्थ व विश्वासार्ह वार्तांकन करणे हेच या डेस्कचे उद्दिष्ट आहे. प्रत्येक बातमीला संदर्भासह सादर करून वाचकांपर्यंत योग्य माहिती पोहोचविणे हा या टीमचा नेहमीच प्रयत्न असतो.… आणखी वाचा
