Naxalite Encounter In Bijapur: गडचिरोली जिल्हा सीमेपासून ५० किलोमीटर अंतरावर ही कारवाई सुरू आहे. धुमश्चक्रीत पाच माओवादी ठार झाले असून हा आकडा वाढण्याचा अंदाज आहे.
हायलाइट्स:
- सुरक्षा दलांचे जवान हिडमासह जहाल माओवाद्यांच्या मागावर
- गडचिरोलीपासून ५० किमीवर आजवरची सर्वांत मोठी मोहीम
- महाराष्ट्रासह छत्तीसगड, तेलंगण राज्यांच्या सीमेवरील तळ लक्ष्य
- शेकडो स्फोटके निष्क्रिय; दोन ते तीन दिवस चालणार मोहीम
महाराष्ट्र तसेच छत्तीसगड आणि तेलंगण या राज्यांच्या सीमेवर करेगुट्टा पहाडीचा दहा किलोमीटरचा हा परिसर घनदाट जंगल आणि टेकड्यांनी वेढलेला आहे. माओवाद्यांच्या बटालियन क्रमांक १चा तो तळ मानला जातो. तीनशेपेक्षा जास्त जवानांच्या हत्येस जबाबदार असलेला माओवाद्यांचा मास्टरमाइंड, पीएलजीए या बटालियनचा कमांडर वासे हिडमा याच्यासह जहाल माओवादी नेते येथे असल्याची माहिती आहे. हिडमावर सहा कोटींचे बक्षीस आहे. मृत पाच माओवाद्यांमध्ये तीन महिला आहेत. काही दिवसांपूर्वी माओवाद्यांनी करेगुट्टा पहाडीवर आयईडी पेरल्याने या भागात येऊ नका, असे आवाहन माओवाद्यांनी स्थानिक नागरिकांना दबक्या सुरात केले होते. यानंतर सुरक्षा यंत्रणा सक्रिय झाली. केंद्रीय गृह मंत्रालयाच्या निर्देशानुसार दहा दिवस या मोहिमेची पूर्वतयारी करण्यात आली. 
विमान कंपन्यांची ‘दहशत’! ऐन वेळी प्रवासी भाड्यात वाढ, श्रीनगरहून येण्यासाठी तिकीटदर किती?
गुरुवारी पहाटे ही मोहीम सुरू झाली. या भागात हिडमासह माओवाद्यांच्या तेलंगण स्टेट कमिटीचा दामोदर, देवा विकास तसेच दंडकारण्य स्पेशल झोनल समितीचे वरिष्ठ नेते, डिव्हिजनल एरिया कमिटीचे स्थानिक मोठे कॅडर असे पाचशेपेक्षा जास्त माओवादी असल्याचा अंदाज आहे. माओवाद्यांकडून हेलिकॉप्टरवर गोळीबार होण्याची शक्यता बघता हेलिकॉप्टरमधून प्रत्युत्तर देण्याची सज्जता होती. पुढील दोन ते तीन दिवस ही मोहीम सुरू राहणार आहे. सुरक्षा दलांच्या कारवाईमुळे माओवाद्यांनी सरकारपुढे शांतता प्रस्ताव ठेवून कारवाया थांबवण्याची मागणी केली होती. मात्र, केंद्र तसेच राज्य सरकारांनी ही मागणी धुडकावून लावली. मार्च २०२६पर्यंत देशातील माओवाद संपुष्टात आणण्याचा केंद्राचा निर्धार आहे. या पार्श्वभूमीवर गुरुवारी सुरू झालेल्या मोहिमेने माओवादी हादरले आहेत.Pahalgam Terror Attack: हल्लेखोरांना कठोर शिक्षा देऊ; पंतप्रधान मोदींचा दहशतवाद्यांना सज्जड इशारा
गडचिरोली हाय अॅलर्टवर
भोपालपट्टणम तालुक्यातील पुजारी कांकेरचा कारवाई सुरू असलेला भाग गडचिरोली जिल्ह्यातील सिरोंचा तालुक्याला लागून आहे. करेगुट्टा भागात सुरक्षा दलांचा दबाव वाढल्यास माओवादी तेलंगण किंवा महाराष्ट्राच्या हद्दीत प्रवेश करण्याची शक्यता आहे. या दोन्ही राज्यांच्या सीमांवर हायअॅलर्ट जारी करण्यात आला आहे. ‘माओवाद्यांच्या विरोधात सुरू असलेल्या सगळ्यात मोठ्या मोहिमेच्या पार्श्वभूमीवर गडचिरोली पोलिस सतर्क आहेत. सीमेवर आमची विशेष नजर आहे. या अभियानाला संपूर्ण मदत देण्यासाठी सज्ज आहोत’, असे महाराष्ट्राच्या माओवादविरोधी अभियानाचे विशेष पोलिस महानिरीक्षक संदीप पाटील यांनी सांगितले. आगामी अमरनाथ यात्रेवर पहलगाम हल्ल्याचे सावट; काश्मीरमधील पर्यटक परतण्याच्या मार्गावर, यात्रा रद्द होणार?
विविध दलांची संयुक्त मोहीम
बस्तर प्रदेशात सुरू केलेल्या या सर्वांत मोठ्या कारवाईत जिल्हा राखीव रक्षक (डीआरजी), बस्तर फायटर्स, स्पेशल टास्क फोर्स (एसटीएफ), राज्य पोलिस दल, तसेच केंद्रीय राखीव पोलिस दल (सीआरपीएफ) आणि त्याच्या एलिट कमांडो बटालियन फॉर रिझोल्यूट अॅक्शन (कोब्रा), तेलंगण पोलिस दलामधील जवान सहभागी झाले आहेत. एमआय-१७ या वायुदलाच्या हेलिकॉप्टरचा माओवादीविरोधी मोहिमेत पहिल्यांदाच वापर होत आहे. ड्रोन आणि इतर अत्याधुनिक यंत्रणांचीही मदत घेतली जात आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
