Today’s Gold-Silver Rates 29 June 2026: सोने आणि चांदीच्या बाजारात उलट ट्रेंड सुरू झाला आहे. जागतिक घडामोडींचा देशांतर्गत सोनं- चांदीच्या दरांवर परिणाम स्पष्ट दिसून येत असून एकीकडे देशांतर्गत वायदे बाजारात सोन्या-चांदीचे गुंतवणूकदार माघारी फिरत आहेत तर, आता सोन्याचे भाव कोसळण्याच्या भीतीमुळे भारतातील लोकांनीही नव्या सोन्याच्या खरेदीला ब्रेक लावला आहे. परिणामी सराफा बाजरातील किमतींनाही उतरती कळा लागली आहे.
सोने-चांदीचा आजचा दर काय
इराण आणि अमेरिका यांच्यातील तणावात नव्याने वाढ झाल्याच्या पार्श्वभूमीवर एकीकडे तेलाचे भाव वधारले ज्यामुळे अमेरिकन फेड रिझर्व्हकडून व्याजदर वाढवण्याच्या शक्यतेला बळ मिळाले. या पार्श्वभूमीवर MCX वर सोन्या आणि चांदीच्या दरांनी घसरणीच्या दिशेने कूच सुरूच ठेवली.
US Iran Tension: होर्मुझची सामुद्रधुनी पेटली, इराण-अमेरिका पुन्हा भिडले; तेलाच्या किमतीत अचानक खळबळ, आता पुन्हा महागाईची भडका!
सोमवार, जून रोजी, सकाळी 9:15 वाजता मल्टी कमोडिटी एक्सचेंज – MCX – वर सोन्याचे ऑगस्ट फ्युचर्स 0.40 टक्के घसरून 1,43,583 रुपये 10 ग्रॅमवर कमी झाले तर चांदीचा सप्टेंबर वायदा भाव 0.26 टक्के घसरणीसह 2.22 लाख रुपयांच्या आसपास व्यवहार करत आहे.
भारतीयांकडून जुन्या सोन्याची विक्री
सोने-चांदीच्या दरांमध्ये घसरणीचा कल सुरूच असून पुढेही आणखी घसरणीचा अंदाज आहे. जून महिन्यात सोन्याची किंमत 15,000 रुपयांनी स्वस्त झाली आहे तर, चांदीची चकाकी देखील 45,000 रुपयांनी उतरली आहे. दोन्ही मौल्यवान धातूंच्या किमती आणखी खाली येण्याचा अंदाज असून या दरम्यान, भारतीय कुटुंबे जुने सोने विकून कॅश मिळवण्यासाठी घाई करत आहेत. IBJA ने सांगितले की ग्राहकांनी एप्रिल-जून तिमाहीत जवळपास 50 टन जुने सोने विकले, जे गेल्या वर्षीच्या कालावधीच्या तुलनेत 43% जास्त आहे.LPG Cylinder New Rule : 1 जुलैपासून नियम बदलणार, या ग्राहकांचे एलपीजी कनेक्शन थेट बंद होणार
सोने-चांदीची किंमत आणखी किती घसरणार
सध्या देशांतर्गत बाजारात 1.40 लाखांच्या आसपास व्यवहार करणाऱ्या सोन्याची किंमत 1.2 लाख रुपयांवर कमी होण्याचा अंदाज आहे. यामुळे अनेक ग्राहक घरातील जुन्या दागिने देऊन नवीन दागिने घेण्याऐवजी विकून रोख रक्कम मिळवून नफा कमावत आहेत. ईटीच्या एका अहवालानुसार, IBJA चे राष्ट्रीय सचिव सुरेंद्र मेहता म्हणाले, “भारतीय ग्राहक सोन्याच्या वाढलेल्या किमतींचा फायदा घेऊन एनकॅश करत आहेत.” या हालचालींमुळे भारतातील संघटित सुवर्ण पुनर्वापर उद्योगालाही चालना मिळत असून वाढत्या किमतींमुळे लोक सोने घरी साठवून ठेवण्याऐवजी पुनर्वापर करत आहेत.
(Disclaimer : सोन्या-चांदीमधील गुंतवणूक जोखमीच्या अधीन असते, तुम्ही सोने किंवा चांदीमध्ये गुंतवणूक करण्याचा विचार करत असाल, तर आधी तुमच्या भरवशाच्या आर्थिक तज्ञाचा सल्ला अवश्य घ्या.)
लेखकाबद्दलप्रियांका वर्तकप्रियांका वसंत वर्तक या 2023 पासून महाराष्ट्र टाइम्स ऑनलाईनमध्ये डिजिटल कन्टेन्ट प्रोड्युसर पदावर काम करत आहेत. 2015 पासून डिजिटल मीडियामध्ये विविध वेबपोर्टलसाठी काम केले असून क्रीडा आणि बिझनेस यासारख्या विषयांवरील बातम्यांचं लेखन आणि कव्हरेज करायचा दहा वर्षाचा अनुभव आहे.
मुंबई विद्यापीठातून बीएमएम आणि मग मास्टर्सच शिक्षण घेतल्यावर त्यांनी एनडीटीव्हीमध्ये या अग्रगण्य वृत्तवाहिनीमध्ये इंटर्नशीप केली. मग एनबीटी या वृत्तपत्रात शिक्षण आणि मनोरंजन डेस्कवर काम केले. इथे काम करताना त्यांनी शिक्षण व मनोरंजनाशी संबंधित मुलाखती घेतल्या. त्यानंतर 2016 मध्ये फ्री प्रेस जर्नल या इंग्रजी वृत्तपत्रातील ऑनलाईन डिपार्टमेंटमध्ये तीन वर्ष केले जिथे त्यांनी मनोरंजन आणि क्रीडा क्षेत्रातील घडामोडींचे कव्हरेज सुरु करून तीन वर्षाचा अनुभव घेतला.
पत्रकारिता क्षेत्रात 15 वर्षांचा अनुभव
2019 मध्ये लेट्सली या मराठी वेबसाईटसाठी क्रीडा क्षेत्रात न्यूज रायटर म्हणून काम केले. मे 2023 मध्ये महाराष्ट्र टाइम्समध्ये सर्वप्रथम कन्सल्टंट म्हणून तीन महिन्यांचा अनुभव घेतला. या दरम्यान बिझनेस आणि क्रीडा क्षेत्रातील घडामोडी जसे की आयपीएल आणि वेगवेगळ्या क्रीडा मालिका तसेच बिझनेसमध्ये वेतन आयोगासह आंतरराष्ट्रीय घडामोडी कव्हर केल्या.
2023 मध्ये फुल-टाइम्स बिझनेस कव्हरेज सुरु केले. व्यापार कार्यक्षेत्रातील बातमी आणि विश्लेषण लेखांना प्राधान्य दिलं. आंतराष्ट्रीय तसेच राष्ट्रीय शेअर मार्केट, रिअल इस्टेट आणि व्यापार उद्योगाशी संबंधित घडामोडी आदी विषयांवर लेख मालिका लिहिले. केंद्रीय अर्थसंकल्प, अमेरिकेसोबत ट्रेड डील आणि त्यांचा जनसामान्यांसोबत भारतीय अर्थव्यवस्थेवर होणार परिणाम यांचे विश्लेषण केले.
शैक्षणिक पात्रता
प्रियांका वर्तक यांनी 2014 मध्ये विद्याविहार येथील एस.के. सोमैया महाविद्यालयातून मीडिया व जर्नालिसममधून पदवी आणि पदव्युत्तर शिक्षण घेतले. महाविद्यालयीन काळात बॅडमिंटन आणि क्रिकेट यासारख्या खेळात भाग घेऊन पारितोषिके जिंकली. खेळ, चित्रपट, संगीत, पर्यटन यामध्ये प्रियांका यांना रुची आहे.… आणखी वाचा
