Tecno Spark Go 3 Pro चे इतर फीचर्स
रॅम आणि स्टोरेज: Tecno Spark Go 3 Pro मध्ये 4GB LPDDR4X रॅम आणि 128GB पर्यंत UFS 2.2 स्टोरेज मिळते. विशेष म्हणजे, यातील इनबिल्ट रॅम व्हर्च्युअली 12GB पर्यंत वाढवता येऊ शकते.
कॅमेरा: फोटो आणि व्हिडिओसाठी, या फोनच्या मागील बाजूस f/1.8 अपर्चर आणि ऑटोफोकससह १३-मेगापिक्सेलचा मुख्य कॅमेरा दिला आहे. तसेच, सेल्फी आणि व्हिडिओ चॅटसाठी f/2.0 अपर्चर आणि फिक्स्ड फोकस असलेला 8-मेगापिक्सेलचा फ्रंट कॅमेरा मिळतो.
पाणी आणि धुळीपासून संरक्षण: सुरक्षिततेसाठी या फोनला IP68 आणि IP69 रेटिंग मिळाली आहे, ज्यामुळे हा फोन पाणी आणि धुळीमध्ये सहज खराब होत नाही.
कनेक्टिव्हिटी: कनेक्टिव्हिटीसाठी यात Wi-Fi, Bluetooth, GPS, OTG सपोर्ट आणि Type-C पोर्ट समाविष्ट आहे.
सेन्सर्स: फोनमध्ये अॅम्बियंट लाईट सेन्सर, अॅक्सलेरोमीटर, ई-कंपास, साईड-माउंटेड फिंगरप्रिंट सेन्सर आणि इन्फ्रारेड सेन्सर देण्यात आले आहेत.
विशेष फीचर्स: बॅकग्राउंडचा गोंगाट आणि आवाज कमी करण्यासाठी यात AI Voiceprint Noise Cancellation हे फीचर दिले आहे. तसेच, घरातील इलेक्ट्रॉनिक उपकरणे नियंत्रित करण्यासाठी यात IR रिमोट आणि उत्तम आवाजासाठी ड्युअल DTS स्पीकर्स मिळतात.
Tecno Spark Go 3 Pro चे स्पेसिफिकेशन्स
हा फोन Android 16 वर काम करतो. यात 6.78 इंचाचा HD+ (720×1,526 पिक्सल्स) IPS LCD पॅनेल दिला आहे. ज्याचा अस्पेक्ट रेशो 20:9, रिफ्रेश रेट 120Hz आणि पीक ब्राइटनेस 580 निट्सपर्यंत आहे. या डिस्प्लेचा इन्स्टंट टच सॅम्पलिंग रेट 240Hz आहे. हा फोन ऑक्टा-कोर मीडियाटेक हेलिओ G81 (MediaTek Helio G81) 4G चिपसेट आणि माली-G52 MC2 GPU वर चालतो.
Tecno Spark Go 3 Pro ची भारतात किंमत
भारतात Tecno Spark Go 3 Pro च्या 4GB रॅम + 64GB स्टोरेज व्हेरिएंटची किंमत 15,999 रुपये आहे. तर, 4GB रॅम आणि 128GB स्टोरेज असलेल्या टॉप-एंड मॉडेलची किंमत 16,999 रुपये ठेवण्यात आली आहे. या नवीन हँडसेटची विक्री भारतात 4 सप्टेंबरपासून ॲमेझॉन, फ्लिपकार्ट आणि इतर रिटेल स्टोअर्सवर सुरू होईल. हा फोन बर्गंडी रेड, एक्लिप्स ब्लॅक, मिस्ट सिल्व्हर आणि सनराईज ऑरेंज अशा चार रंगांमध्ये उपलब्ध आहे.
लेखकाबद्दलशुभम कुलकर्णीशुभम कुलकर्णी हे गेल्या नऊ वर्षांहून अधिक काळ मुख्य प्रवाहातील माध्यम क्षेत्रात सक्रिय असलेले एक व्यासंगी पत्रकार आहेत. सध्या ते ‘महाराष्ट्र टाईम्स’च्या ‘टेक आणि सायन्स’ विभागात कन्सल्टंट म्हणून आपली जबाबदारी सांभाळत आहेत. तंत्रज्ञान विश्वातील वेगाने बदलणारे आर्टिफिशियल इंटेलिजन्स (AI) चे प्रगत तंत्रज्ञान, नवनवीन गॅझेट्स, टेक ट्रेंड्स, स्मार्टफोन रिव्ह्यूज आणि सायन्स क्षेत्रातील क्लिष्ट वैज्ञानिक घडामोडी अतिशय सोप्या, सर्वसामान्यांना समजेल अशा रंजक भाषेत मांडण्यात त्यांचा विशेष हातखंडा आहे. डिजिटल मीडियातील अचूक SEO आणि Google Discover च्या बदलत्या अल्गोरिदमचा वापर करून लाखो वाचकांपर्यंत तांत्रिक माहिती पोहोचवण्यात त्यांचा मोलाचा वाटा आहे.
छत्रपती संभाजीनगर येथील नामांकित ‘MGM’ संस्थेतून ‘एम.ए. पत्रकारिता आणि जनसंवाद’ ही मास्टर पदवी संपादन केल्यानंतर, त्यांनी आपल्या कारकिर्दीची सुरुवात ‘आकाशवाणी’ या प्रतिष्ठित संस्थेतून केली. 2017 मध्ये त्यांनी ‘दैनिक सामना’ या अग्रगण्य मुखपत्रात प्रवेश करत वृत्तपत्र पत्रकारितेचा भक्कम पाया रचला. त्यानंतर मुंबईतील ABP माझा, TV9 मराठी, साम TV, पुढारी न्यूज चॅनेल आणि लोकशाही न्यूज या महाराष्ट्रातील आघाडीच्या वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली आहे. राजधानी दिल्ली येथे ‘News Nation Marathi’ साठी राष्ट्रीय आणि आंतरराष्ट्रीय स्तरावरील वेगवेगळ्या न्यूज बुलेटिन्सचा दांडगा अनुभव त्यांच्या पाठीशी आहे.
प्रिंट, इलेक्ट्रॉनिक आणि डिजिटल मीडियाच्या सखोल अनुभवामुळे राजकारण, व्यापार-उद्योग, विज्ञान, तंत्रज्ञान, ऑटोमोबाईल, सायबर सुरक्षा आणि लाइफस्टाईल क्षेत्रातील गुंतागुंतीच्या विषयांचे अचूक विश्लेषण करणे ही त्यांची प्रमुख ओळख आहे. पत्रकारितेच्या या व्यस्त प्रवासातून वेळ काढत, निसर्गाच्या सानिध्यात वेळ घालवणे हा त्यांचा छंद आहे.… आणखी वाचा
