Independence Day 2026 : देशाच्या ८०व्या स्वातंत्र्यदिनानिमित्त गॉलमध्ये टीम इंडियाने तिरंगा फडकावून स्वातंत्र्यदिन साजरा केला. गिल-गंभीरसह सचिन, विराट, रोहित आणि व्हीव्हीएस लक्ष्मण यांनी देशवासीयांना खास शुभेच्छा दिल्या.
टीम इंडियाने गॉलमध्ये तिरंगा फडकावला
देश आज ८०वा स्वातंत्र्यदिन साजरा करत आहे. देशभरात स्वातंत्र्यदिनाचा उत्साह पाहायला मिळत असतानाच भारतीय क्रिकेट विश्वानेही या खास दिवसाच्या शुभेच्छा दिल्या. श्रीलंका दौऱ्यावर असलेल्या टीम इंडियाने गॉलमध्ये तिरंगा फडकावून स्वातंत्र्यदिन साजरा केला. कर्णधार शुभमन गिल आणि मुख्य प्रशिक्षक गौतम गंभीर यांच्या उपस्थितीत हा सोहळा पार पडला.
सचिनने तिरंग्यासोबतचा फोटो शेअर केला
भारताचा महान फलंदाज सचिन तेंडुलकरनेही सोशल मीडियावर तिरंग्यासोबतचा फोटो शेअर करत देशवासीयांना शुभेच्छा दिल्या. आंतरराष्ट्रीय क्रिकेटमध्ये सर्वाधिक धावा आणि सर्वाधिक शतके करणाऱ्या सचिनने आपल्या खास अंदाजात स्वातंत्र्यदिनाच्या शुभेच्छा दिल्या.
गंभीरची सोशल मीडियावर पोस्ट
गौतम गंभीरनेही आपल्या पोस्टमधून देशासाठी बलिदान देणाऱ्यांना आदरांजली वाहिली. ‘त्यांचे बलिदान. आपले स्वातंत्र्य. आपली जबाबदारी. भारत, जय हिंद’, असा संदेश त्याने दिला.
विराट, रोहित आणि लक्ष्मणकडूनही शुभेच्छा
माजी कर्णधार विराट कोहली आणि रोहित शर्मा यांनी इन्स्टाग्राम स्टोरीच्या माध्यमातून देशवासीयांना स्वातंत्र्यदिनाच्या शुभेच्छा दिल्या.
जय शाह यांच्या देशवासीयांना शुभेच्छा
आयसीसीचे अध्यक्ष आणि बीसीसीआयचे माजी सचिव जय शाह यांनीही देशवासीयांना शुभेच्छा दिल्या. तर बीसीसीआय क्रिकेट ऑफ एक्सलन्सचे संचालक आणि माजी क्रिकेटपटू व्हीव्हीएस लक्ष्मण यांनी स्वातंत्र्याच्या भावनेचा उत्सव साजरा करण्यासोबतच अधिक मजबूत आणि एकजूट भारत घडवण्यासाठी योगदान देण्याचे आवाहन सोशल मीडियावरुन केले.
भज्जीची पोस्ट
माजी फिरकीपटू हरभजन सिंगनेही हा फाटो पोस्ट करत स्वातंत्र्य दिनाच्या हार्दिक शुभेच्छा दिल्या आहेत.
इरफान पठाण
माजी क्रिकेटपटू इरफान पठाणने त्याच्या वडिलांचा फोटो पोस्ट करत सर्वांना स्वातंत्र्यदिनाच्या खूप खूप शुभेच्छा, असं लिहिलं.
शिखर धवनची खास पोस्ट
शिखरने त्याच्या पोस्टमध्ये लिहिलं की, “भारताची जर्सी परिधान करून घालवलेले क्षण हे माझ्या आयुष्यातील अत्यंत अभिमानास्पद क्षण आहेत. त्या देशाचे आभार, ज्याने मला स्वप्न दिले, ते पूर्ण करण्याची संधी दिली आणि त्या स्वप्नाचा पाठपुरावा करण्याचा आत्मविश्वास दिला. ८० व्या स्वातंत्र्यदिनाच्या शुभेच्छा.”
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
