Nagpur News: जमिनीखाली नेमकं काय याचा शोध न घेताच केले रस्ते खोदकाम ;केबल्स ,जलवाहिन्यांचे झाले नुकसान
शहरात कोट्यवधी रुपयांची विकासकामे सुरू असताना जमिनीखालील वाहिन्यांची अचूक माहिती देणारी आधुनिक युटिलिटी मॅपिंग यंत्रणा नागपूर महापालिकेकडे नसल्याची बाब समोर आली आहे. त्यामुळे ‘अमृत २.० योजनें’तर्गत सुरू असलेल्या खोदकामादरम्यान वीजवाहिन्या, दूरसंचार केबल्स आणि जलवाहिन्यांचे नुकसान होत आहे. रस्ते खोदण्यापूर्वी जमिनीखाली नेमके काय आहे, याची माहिती नसल्याने महापालिकेच्या नियोजनक्षमतेवर प्रश्नचिन्ह निर्माण झाले आहे.
