FPI Stake In Indian Share Market Fallen And Impacted Shares ; FPI In Share Market : परदेशी गुतवणूकदारांचा भारतीय शेअर बाजारावर विश्वास कमी होतोय, 14 वर्षांचा गाठला नीचांक; याचा अर्थ काय?

FPI ची हालचाल अन् शेअर बाजारावर परिणाम

भारतीय शेअर बाजारातील FPI ची एकूण हिस्सेदारी कमी झाली आहे. ती गेल्या 14 वर्षांच्या नीचांकी पातळीवर पोहचली आहे. महत्वाचे म्हणजे FPI ने भारतीय शेअर बाजारातील एकूण 990 कंपन्यांमधून माघार घेतली आहे. विशेष म्हणजे 756 कंपन्यांमध्ये हिस्सेदारी वाढवलीसुद्धा आहे. ज्या कंपन्यांमध्ये FPI ने हिस्सेदारी वाढवली आहे त्या कंपन्यांच्या शेअर्समध्ये 39.57% बदल दिसून आला. तर ज्या कंपन्यांमधून FPI ने हिस्सेदारी कमी केली त्या कंपन्यांच्या शेअर्सच्या किंमतीमध्ये सरासरी 23.71% बदल दिसून आला. एकंदरीत, मुख्य मुद्दा असा आहे की जिथे FPI ने गुंतवणूक वाढवली त्या शेअर्सच्या किमतीत गुंतवणूक कमी करण्यात आलेल्या शेअर्सच्या किंमतीपेक्षा जास्त बदल नोंदवण्यात आला आहे.

FPI च्या हालचालीचा Promoters पेक्षा मोठा परिणाम

FPI सह प्रमोटर्स यांनीही शेअर बाजारात मोठी हालचाल घडवून आणली आहे. परंतु, प्रमोटर्स यांच्या Entry-Exit मुळे शेअर बाजारात घडून आलेला बदल हा FPI च्या हालचालींइतका तीव्र नव्हता. प्रमोटर्स म्हणजे कंपनीचे मालक किंवा कंपनीच्या कामकाजावर नियंत्रण ठेवणारे प्रमुख भागीदार. ज्या कंपन्यांमध्ये प्रमोटर्स यांनी हिस्सेदारी वाढवली, त्या कंपन्यांच्या शेअर्सच्या किंमतीमध्ये 35.67% बदल नोंदवण्यात आला. तर ज्या कंपन्यांच्या शेअर्समधून प्रमोटर्स यांनी हिस्सेदारी कमी केली, त्या कंपन्यांच्या शेअर्स प्राईजमध्ये 32.61% बदलीची नोंद झाली. एकंदरीत, हे परिणाम FPI च्या हालचालींमुळे झालेल्या बदलाइतके तीव्र जरी नसले तरी तेही फार महत्वाचे आहेत.

Milk Price Hike : वाढत्या डिझेलच्या किंमतीचा फटका दुधाला! पनीर, दही, ताक महागणार; दोन दिवसांत नव्या किंमती होणार लागूभारतीय शेअर बाजारातून FPI चा टक्का घसरला

31 मार्च 2026 रोजी जारी झालेल्या वर्षाच्या पहिल्या तिमाही निकालातील आकड्यांनुसार भारतीय शेअर बाजारातील परदेशी गुंतवणूकदारांची हिस्सेदारी (FPI) 16.12% होती. तर 31 जून 2026 रोजी जारी करण्यात आलेल्या वर्षाच्या दुसऱ्या तिमाही निकालातील आकड्यांनुसार भारतीय शेअर बाजारातील FPI 15.88% इतका होता. एकंदरीत, दुसऱ्या तिमाहीत भारतीय शेअर बाजारातील FPI चा आकडा 0.24 पॉईंट्सने घसरला आहे. FPI चा हा आकडा गेल्या 14 वर्षांतील सगळ्यात कमी आकडा आहे.