फ्रीलान्सिंग, कोडिंग किंवा वर्क फ्रॉम होम करणाऱ्यांसाठी लॅपटॉप हे अत्यंत महत्त्वाचे साधन आहे. मात्र, योग्य तांत्रिक माहितीअभावी चुकीचा लॅपटॉप निवडल्यास तो वारंवार हँग होणे किंवा बॅटरी लवकर उतरणे अशा समस्या उद्भवतात. खरेदी करताना प्रोसेसर आणि एसएसडी सारख्या महत्त्वाच्या घटकांची तपासणी करून भविष्यातील नुकसान कसे टाळावे, याची सविस्तर माहिती येथे दिली आहे.
भविष्यातील हे नुकसान टाळण्यासाठी आणि तुमच्या कामाच्या गरजेनुसार योग्य लॅपटॉप निवडण्यासाठी, खरेदी करताना खालील 10 तांत्रिक गोष्टी आवर्जून तपासणे गरजेचे आहे.
1. प्रोसेसर- लॅपटॉपचा मुख्य मेंदू
लॅपटॉपचा स्पीड पूर्णपणे प्रोसेसरवर अवलंबून असतो. सध्या बाजारात इंटेल आणि AMD चे प्रोसेसर मुख्य आहेत. जर तुमचे काम फक्त ऑफिस वर्क किंवा विद्यार्थ्यांसाठी असेल तर Intel i3 किंवा AMD Ryzen 3 पुरेसा आहे. परंतु, जर तुम्ही फ्रीलान्सर असाल किंवा कोडिंग, व्हिडिओ एडिटिंग करणार असाल तर किमान Intel i5 किंवा AMD Ryzen 5 का लायसन्स असलेला लेटेस्ट जनरेशन प्रोसेसरच निवडा. (REF.)
2. रॅम- कमीत कमी 8 GB बंधनकारक
एकाच वेळी अनेक ॲप्स किंवा टॅब्स उघडल्यावर लॅपटॉप हँग होऊ नये म्हणून रॅम महत्त्वाची असते. आजच्या काळात 8GB रॅम असणे अत्यंत गरजेचे आहे. भविष्यातील सुरक्षिततेसाठी (Future-proof) जर लॅपटॉपमध्ये रॅम वाढवण्याचा (Expandable Memory Slot) पर्याय असेल तर ते अधिक उत्तम.
3. स्टोरेज प्रकार – HDD नाही, फक्त ‘SSD’ च घ्या
जुन्या लॅपटॉपमध्ये एचडीडी असायची, जी खूप संथ चालायची. आता तिची जागा एसएसडी (SSD) ने घेतली आहे. लॅपटॉप रॉकेटसारखा फास्ट सुरू होण्यासाठी आणि फाईल्स वेगाने ट्रान्सफर होण्यासाठी किमान 512 GB (512GB) SSD असलेलाच लॅपटॉप घ्या. चुकूनही फक्त HDD असलेला लॅपटॉप घेऊ नका.
4. डिस्प्ले कॉलिटी
नेहमी Full HD (1920×1080) रिझोल्यूशन आणि Anti-glare कोटिंग असलेली स्क्रीन निवडा, ज्यामुळे डोळ्यांवर ताण येत नाही. फिरून काम करणाऱ्यांसाठी 15 इंचाचा आणि एकाच ठिकाणी बसून काम करणाऱ्यांसाठी 15.6 इंचाचा डिस्प्ले सोयीचा ठरतो.
5. बॅटरी लाईफ
जाहिरातींमध्ये कंपन्या 10 ते 12 तास बॅटरी टिकण्याचा दावा करतात, पण प्रत्यक्ष वापरामध्ये तेवढी टिकत नाही. खरेदी करण्यापूर्वी ग्राहकांचे रिव्ह्यूज तपासा. प्रत्यक्ष वापरात किमान 6 ते 8 तास बॅटरी बॅकअप देणारा आणि फास्ट चार्जिंग (Fast Charging) सपोर्ट असलेला लॅपटॉप निवडा.
6. ग्राफिक कार्ड
सामान्य कामांसाठी प्रोसेसरमधील इंटिग्रेटेड ग्राफिक्सप्स पुरेसे असतात. जर तुमचे काम हेवी व्हिडिओ एडिटिंग, 3D डिझायनिंग किंवा गेमिंगचे असेल, तर लॅपटॉपमध्ये स्वतंत्र (Dedicated) ग्राफिक कार्ड जसे की NVIDIA GeForce किंवा AMD Radeon असणे आवश्यक आहे.
7. ऑपरेटिंग सिस्टीम
नेहमी Original Windows 11 होम किंवा प्रो लाईफटाईम लायसन्ससह असणारा लॅपटॉप घ्या. अनेकदा काही लॅपटॉप स्वस्त दिसतात कारण त्यात ‘DOS’ किंवा ‘Linux’ असते, ज्यामध्ये नंतर विंडोज टाकण्यासाठी वेगळा खर्च करावा लागतो.
8. कीबोर्ड आणि ट्रॅकपॅड
रात्रीच्या वेळी किंवा कमी प्रकाशात काम करताना टाईप करणे सोपे जावे, म्हणून लॅपटॉपला Backlit Keyboard (बटणांच्या खाली लाईट असणारा) आहे का ते तपासा. तसेच ट्रॅकपॅड मोठा आणि ‘Windows Precision Drivers’ सपोर्ट करणारा असावा जेणेकरून माउसशिवाय काम करणे सोपे होईल.
9. पोर्ट्सची उपलब्धता
पेनड्राईव्ह, माउस, किंवा बाहेरील मॉनिटर जोडण्यासाठी आवश्यक पोर्ट्स असणे गरजेचे आहे. लॅपटॉपमध्ये किमान 2 USB पोर्ट्स, 1 HDMI पोर्ट, एक Type-C पोर्ट आणि लेटेस्ट Wi-Fi 6 व Bluetooth 5.2 कनेक्टिव्हिटी असणे आवश्यक आहे.
10. वॉरंटी आणि सर्व्हिस सेंटर
लॅपटॉप इलेक्ट्रॉनिक वस्तू असल्याने कधीही बिघाड होऊ शकतो, त्यामुळे विक्रीपश्चात सेवा कशी आहे हे पाहणे सर्वात महत्त्वाचे आहे. नेहमी किमान 1 वर्षाची ऑन-साइट वॉरंटी असणारा ब्रँड निवडा. तसेच तुमच्या शहरात त्या ब्रँडचे अधिकृत सर्व्हिस सेंटर आहे का, हे आधीच तपासा.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा