Elon Musk Faced Loss On Spacex Shares ; यांना मोठा आर्थिक फटका! SPACEX च्या शेअर्सची घसरण पडली महागात, काहीच तासात लाखो कोटींचा लॉस

जगातील सगळ्यात श्रीमंत व्यक्ती म्हणून नावाजलेले उद्योगपती एलोन मस्क यांना बुधवारी मोठ्या आर्थिक नुकसानाला सामोरे जावे लागले आहे. त्यांना तब्बल 8 कोटी 52 लाख डॉलर्सचा लॉस झाला आहे. हा लॉस देशातील सगळ्यात श्रीमंत व्यक्ती मुकेश अंबानी यांच्या नेटवर्थपेक्षाही खूप जास्त आहे. एलोन मस्क यांना झालेले आर्थिक नुकसान हे पेपर वर्कवरील नुकसान आहे. एकंदरीत, हे आर्थिक नुकसान मोठे असले तरी त्यांच्या SPACEX शेअर्समधील घसरणामुळे गुंतवणुकीत झालेला लॉस आहे, यात प्रत्यक्ष आर्थिक तोटा झालेला नाही. भविष्यात जर संबंधित शेअर्सचे बाजारमूल्य वाढले तर नक्कीच या तोट्यातून मार्ग सुटू शकतो.

या आर्थिक नुकसानाचे नेमकं कारण काय?

एलोन मस्क यांच्याकडे Spacex या कंपनीचे सगळ्यात जास्त शेअर्स आहेत. जर एखाद्या कंपनीचा सगळ्यात मोठा भाग त्यांच्याकडे असेल तर नक्कीच त्या कंपनीचा मोठा परिणामही त्यांच्यावर जाणवेल. जून 2026 मध्ये Spacex कंपनीचा IPO लिस्ट करण्यात आला. त्यावेळी या IPO ची प्राईज 135 डॉलर ठेवण्यात आली. Spacex ने संपूर्ण कार्यकाळात आजपर्यंत 200 डॉलर्सचा आकडा गाठला आहे.

मध्यंतरी कंपनीने जाहीर केलेल्या दुसऱ्या तिमाही निकालात वाढलेल्या खर्चाचा परिणाम घसरणीवर झाला असल्याची चर्चा सुरु आहे. दुसऱ्या तिमाही निकालात कंपनीचा कॅपेक्स 18.4 अब्ज डॉलर्सवर पोहचला, तो आधीच्या तुलनेत फार जास्त होता. कंपनीने अपेक्षेपेक्षा मोठा खर्च AI वर केल्याने गुंतवणूकदार चिंतेत पडले. याचा मोठा परिणाम कंपनीच्या शेअर्सवर दिसून येत आहे. बुधवारी SPACEX च्या शेअर्समध्ये एकूण 13.6% ची घसरण नोंदवली गेली आहे.

गडगंज श्रीमंत एलोन मस्क यांना लाखो कोटींचे नुकसान?

जरी एलोन मस्क यांना SPACEX या शेअर्समध्ये मोठा आर्थिक नुकसान झाला असला तरी त्यांच्याकडे अजूनही ते शेअर्स आहेत, त्यामुळे भविष्यात जर SPACEX शेअर्सचे बाजारमूल्य वाढले तर नक्कीच एलोन मस्क यांच्या तोट्याचे रूपांतर नफ्यात होऊ शकतात. त्यांना प्रत्यक्ष आर्थिक नुकसान झालेला नाही. काही सूत्रांनुसार, एलोन मस्क यांची टोटल नेटवर्थ सुमारे 687 अरब डॉलर्स आहे.

LPG Price Hike : सरकारचा एक होकार अन् सामान्यांच्या खिशावरील भार वाढणार; LPG सिलेंडरच्या किंमतीत वाढ होण्याची शक्यताघसरणीला कारणीभूत ठरलेला ‘कॅपेक्स’ नेमकं काय असतं?

कॅपेक्स म्हणजे कंपनीने केलेला खर्च. जेव्हा एखादी कंपनी उत्पन्न किंवा क्षमता वाढवण्यासाठी पैसे खर्च करते किंवा गुंतवते, त्या खर्चाला किंवा गुंतवणुकीला कॅपेक्स म्हणतात. साधारपणे, नवे कारखाने उभारणे, यंत्रसामग्री खरेदी करणे तसेच डेटा सेंटर उभारणे अशा गोष्टींवर केल्या जाणाऱ्या खर्चांना कॅपेक्स म्हणतात. येथे एलोन मस्क यांच्या Spacex या कंपनीने AI वर अपेक्षेपेक्षा खर्च केला आहे. म्हणजेच कंपनीचा दुसऱ्या तिमाही निकालातील कॅपेक्स हा 18.4 अब्ज डॉलर्स असून त्यातील मोठा वाटा हा AI क्षेत्रासंबंधित आहे, जे शेअर्सच्या गुंतवणूकदारांना पटलेले नाही.

लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा