१०० % नियमांचं पालन तरी निलंबन मागे नाही, हायकोर्टानं तुकाराम मुंढेंच्या FDA ला झापलं – mumbai high court indications of recovering financial losses of restaurant from the fda

तुकाराम मुंढे यांनी पदभार स्वीकारल्यापासून FDA नं धडाकेबाज कारवाया राज्यभर सुरु केल्या.. नागरिकांच्या सुरक्षेच्या दृष्टीनं चाललेल्या या कारावायांचा राज्यभरात बोलबाला झाला. पण त्याचवेळी ज्यांच्यावर या कारवाया झाल्या त्यांनी आवाज उठवला आणि थेट FDA कारवाईला न्यायालयात आव्हान दिलं. गोरस भंडारवरील कारवाई, त्यानंतर ८ दूध डेअऱ्यांवरील FDA कारवायांवर न्यायालयानं स्थगिती आणली. त्यानंतर खाजगी रेस्टॉरंट आणि सरकारी आस्थापनांच्या कारवाईत होणाऱ्या तफावतीकडे बोट दाखवत न्यायालयानं FDA वर ताशेरे ओढले. आणि आता नवी मुंबईतील रेस्टॉरंटने अन्नसुरक्षा नियमांचे १०० टक्के पालन केल्याचे पुनर्तपासणीत आढळून आल्यानंतरही उपाहारगृहाचा परवाना निलंबनाचा आदेश रद्द न करणाऱ्या अन्न व औषध प्रशासनाच्या कार्यपद्धतीवर उच्च न्यायालयाने पुन्हा एकदा संताप व्यक्त केला. नेमकं प्रकरण काय आहे आणि या सुनावणी दरम्यान नेमकं काय घडलंय तेच या व्हिडिओच्या माध्यमातून समजून घेऊया..