पाकिस्तानविरुद्धच्या कसोटी मालिकेदरम्यान वेस्ट इंडिज क्रिकेटमध्ये नवा वाद समोर आला आहे. अल्झारी जोसेफने प्रशिक्षक डॅरेन सॅमी यांच्या वक्तव्यावर पहिल्यांदाच प्रतिक्रिया दिली आहे.
डॅरेन सॅमी काय म्हणाले होते?
मालिका सुरू होण्यापूर्वी हेड कोच डॅरेन सॅमी यांनी एक विधान केले होते. ते म्हणाले होते, “आम्हाला अल्झारी जोसेफला या मालिकेसाठी संघात घ्यायचे होते. पण त्याने स्वतःच या दौऱ्यावर येण्यास नकार दिला.” सॅमी यांच्या या दाव्यामुळे वेस्ट इंडिजच्या चाहत्यांमध्ये मोठी चर्चा सुरू झाली होती.
अल्झारी जोसेफचा सॅमींवर पलटवार
आता एका स्पोर्ट्स शोमध्ये बोलताना अल्झारी जोसेफने सॅमी यांच्या विधानाचा तीव्र निषेध केला आहे. अल्झारी म्हणाला, “माझ्यात आणि हेड कोचमध्ये या विषयावर चर्चा झाली होती. पण मी खेळत नसल्याचे मुख्य कारण माझी फिटनेस होती. सॅमी दीर्घकाळापासून क्रिकेट खेळत आहेत. अशा वक्तव्याचा काय परिणाम होतो, हे त्यांना चांगलेच ठाऊक आहे. मी त्यांच्या या विधानाशी अजिबात सहमत नाही.”
“माझ्या शरीराला विश्रांतीची गरज होती”
आपल्या दुखापतीबद्दल बोलताना अल्झारी म्हणाला, “मी स्ट्रेस फ्रॅक्चरमुळे जवळपास वर्षभर मैदानाबाहेर होतो. दुखापतीतून परतल्यानंतर मी लगेच दोन कसोटी आणि पाच एकदिवसीय सामने सलग खेळलो. एवढ्या सामन्यांनंतर माझ्या शरीराला विश्रांतीची गरज होती. माझी बॉडी मला आणखी खेळण्याची परवानगी देत नव्हती. मूळ कारण समजून न घेता डॅरेन सॅमी यांनी दिलेले हे विधान चुकीचे आणि वादग्रस्त आहे.”
नात्यांवर परिणाम होणार नाही
अल्झारीने पुढे स्पष्ट केले की, “मी एक व्यावसायिक खेळाडू आहे. वेस्ट इंडिजसाठी खेळणे मी पुढेही चालूच ठेवेन. या वादाचा डॅरेन सॅमींसोबतच्या माझ्या वैयक्तिक संबंधांवर कोणताही वाईट परिणाम होणार नाही. पण त्यांनी जे विधान केले, ते योग्य नव्हते.”
२ ऑगस्टला रंगणार दुसरी कसोटी
पाकिस्तान आणि वेस्ट इंडिज यांच्यातील मालिकेतील दुसरी कसोटी २ ऑगस्टपासून पोर्ट ऑफ स्पेन येथे खेळवली जाणार आहे. पण त्याआधीच खेळाडू आणि कोच यांच्यातील हा वाद चव्हाट्यावर आल्याने वेस्ट इंडिज क्रिकेटमधील अंतर्गत गोंधळ पुन्हा एकदा समोर आला आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
