KKR New Captain Options : अजिंक्य रहाणेच्या निवृत्तीनंतर कोलकाता नाईट रायडर्ससमोर नव्या कर्णधाराचा प्रश्न निर्माण झाला आहे. हार्दिक पंड्या, सूर्यकुमार यादव, केएल राहुलसह पाच खेळाडूंची नावं चर्चेत आहेत.
हार्दिक पांड्या
जर KKR ला एखाद्या अनुभवी आणि आक्रमक कर्णधाराची गरज असेल, तर मुंबई इंडियन्सकडून हार्दिक पांड्याला ट्रेड करणे मास्टरस्ट्रोक ठरू शकते. हार्दिकने २०२२ मध्ये गुजरात टायटन्सला चॅम्पियन बनवले होते आणि २०२३ मध्ये फायनलमध्ये पोहोचवले होते. मुंबई इंडियन्ससोबत त्याचे संबंध फारसे चांगले राहिलेले नाहीत. त्यामुळे KKR त्याला आपल्या संघात समाविष्ट करून थेट कर्णधारपद सोपवू शकते.
रिंकू सिंग
बाहेरून खेळाडू आणण्याऐवजी संघातूनच नवा कर्णधार निवडायचा झाल्यास रिंकू सिंग हे पहिले नाव असेल. २०२६ च्या मोसमात रहाणेसोबत उपकर्णधार म्हणून त्याने काम पाहिले आहे. रिंकू KKR चा सर्वात भरवशाचा खेळाडू मानला जातो. फिनिशर म्हणून करिअर सुरू करणारा रिंकू आता संघाचा महत्त्वाचा चेहरा बनला आहे.
के. एल. राहुल
दिल्ली कॅपिटल्सनंतर के. एल. राहुल जर ट्रेड मार्केटमध्ये आला, तर KKR त्याच्यावर नक्कीच विचार करेल. KKR च्या मॅनेजमेंटमधील अभिषेक नायर यांच्यासोबत राहुलचे मैत्रीचे संबंध आहेत. याशिवाय पंजाब किंग्स आणि लखनऊ सुपर जायंट्सचे नेतृत्व केल्यामुळे राहुलकडे आयपीएलमधील कप्तानीचा मोठा अनुभव आहे.
सूर्यकुमार यादव
सूर्यकुमार यादवच्या नेतृत्वात भारताने दुसऱ्यांदा T20 वर्ल्ड कप जिंकला आहे. मुंबई इंडियन्समध्ये त्याला कर्णधारपदाची संधी मिळताना दिसत नाही. त्यामुळे तो संघ प्रशासनावर नाराज असल्याच्या बातम्या आहेत. KKR च्या माध्यमातून सूर्याचे जुन्या संघात पुनरागमन होऊ शकते. त्याने आपल्या आयपीएल करिअरची खरी सुरुवात गौतम गंभीरच्या नेतृत्वाखाली KKR मधूनच केली होती.
सुनील नरेन
जर वरील चार खेळाडूंपैकी कोणाचेही नाव पक्के झाले नाही, तर KKR चा अनुभवी खेळाडू सुनील नरेन याच्याकडे पर्याय म्हणून पाहिले जाऊ शकते. तो बऱ्याच वर्षांपासून या फ्रँचायझीशी जोडलेला आहे. मात्र, त्याला कर्णधार बनवण्याची शक्यता सर्वात कमी मानली जात आहे. अंतिम पर्याय उरला नाही तरच KKR हा निर्णय घेऊ शकते.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
