Ajinkya Rahane : कंठ दाटला, डोळे पाण्याने डबडबले, काळजाचा ठाव घेणारं एकच मराठी वाक्य, रहाणे निवृत्तीच्या घोषणेत काय म्हणाला? – ajinkya rahane retirement post video viral social media emotional marathi sentence

अजिंक्य रहाणे काय म्हणाला?

अजिंक्यने संपूर्ण व्हिडीओ इंग्रजीमध्ये बनवला होता. दोन मिनिटे ५० सेकंदाच्या व्हिडीओमध्ये अजिंक्यने आपला प्रवास मांडला. यामध्ये त्याने सर्वांचे आभार मानले, डोंबिवलीपासून सरावाला येण्याबाबत सांगत आपणही क्रिकेटसाठी भविष्यात योगदान देणार असल्याचं म्हणाला. व्हिडीओ संपत असताना त्याने आवंढा गिळला आणि एक मराठीमध्ये बोलला की, तुम्ही मला कधी परकं मानलं नाही. अजिंक्यचे डोळे पाण्याने भरले होते. लढवय्या मराठमोळा अज्जू आता निवृत्त होत असल्याने चाहत्यांनाही दु:ख झालं आहे.

Ajinkya Rahane : मानलं भावा! अजिंक्य रहाणेने निवृत्ती घेतली पण 2015चा रेकॉर्ड कोणीच मोडू शकलं नाही, काय आहे तो अनब्रेकेबल विक्रम ; जाणून घ्या
आयुष्याचं सत्य हेच आहे की प्रत्येक गोष्टीला सुरुवात असते आणि शेवटही असतो. जेव्हा ती वेळ येते तेव्हा ती स्वीकारून पुढे जावंच लागतं. बॅटिंग करताना मी नेहमीच टायमिंगवर विश्वास ठेवला आहे आणि त्याचं महत्त्वही नेहमी समजून घेतलं आहे. आज मला वाटतं की माझ्यासाठी पुढे जाण्याची आणि आंतरराष्ट्रीय क्रिकेट तसेच सर्व फॉरमॅटमधून निवृत्ती घेण्याची योग्य वेळ आली आहे. डोंबिवलीहून फक्त प्रॅक्टिससाठी प्रवास करणाऱ्या त्या लहान मुलापासून आजपर्यंत मी या खेळासाठी माझं सर्वस्व दिलं. दररोज, प्रत्येक इनिंगमध्ये, फलंदाजीची मिळालेली प्रत्येक संधी… माझं स्वप्न नेहमीच भारताची कॅप घालण्याचं होतं. मी एकाच नियमाने आयुष्य जगलो – देश आणि संघाला नेहमी स्वतःपेक्षा आधी ठेवायचं. मी हा खेळ पूर्ण प्रामाणिकपणे खेळल्याचं अजिंक्य रहाणेने म्हटलं आहे.
Ajinkya Rahane : 7 वर्षांचा अजिंक्य रहाणे डोंबिवली लोकलच्या गर्दीतून एकटा प्रॅक्टिसला जायचा, बाबांची ट्रिक, सहा वर्षांनी कारण समजताच गहिवरला
फर्स्ट-क्लास क्रिकेटमध्ये पदार्पण केल्यापासून भारतीय क्रिकेटने प्रचंड प्रगती केली आहे. गेल्या वीस वर्षांत त्याचा एक भाग असल्याचा मला खूप अभिमान आहे. भारतीय क्रिकेटपटू म्हणून माझा अध्याय इथे संपला तरी खेळासोबतचा माझा प्रवास संपत नाही. पुढच्या पिढीला मदत करण्यासाठी, या खेळाने मला शिकवलेल्या मूल्यांची जाणीव करून देण्यासाठी आणि ज्याने मला सर्व काही दिलं त्या खेळाला परत देण्यासाठी मी उत्सुक आहे असल्याचं सांगत अजिंक्यने BCCI, MCA, माझे सहकारी, माझे प्रशिक्षक, प्रत्येक IPL फ्रँचायझी, राधिका, माझं संपूर्ण कुटुंब, मित्र आणि ज्यांनी माझ्यासोबत साथ दिली त्या प्रत्येकाचे मनापासून आभारन मानले.