David Warner Drink Driving Case : सिडनी थंडरचा कर्णधार डेव्हिड वॉर्नरने मद्यपान करून गाडी चालवल्याचा आरोप मान्य केला आहे. या प्रकरणात त्याला न्यायालयात हजर राहण्याची गरज पडली नाही. आता वॉर्नरच्या शिक्षेचा निर्णय कधी होणार आणि त्याच्या वकिलांनी या प्रकरणावर काय म्हटलं आहे, जाणून घ्या.
डेव्हिड वॉर्नरने गुन्हा केला कबूल
वॉर्नरचे वकील बॉबी हिल यांनी सांगितलं की, ईस्टरच्या दिवशी मद्यपान करून गाडी चालवल्याचा आरोप त्याने स्वीकारला आहे. त्यामुळे ३९ वर्षीय वॉर्नरला बुधवारी वेव्हरली स्थानिक न्यायालयात प्रत्यक्ष हजर राहण्याची गरज पडली नाही. या प्रकरणात वॉर्नरने आपली चूक मान्य केली आहे. त्याच्या वकिलांनी यापूर्वी वॉर्नरने उबर घेण्याऐवजी स्वतःची गाडी चालवण्याचा निर्णय घेतल्याबद्दल पश्चात्ताप व्यक्त केल्याचं सांगितलं होतं.
‘डेव्हिड वॉर्नरने जे केलं ते चुकीचं होतं’
बॉबी हिल यांनी सांगितलं की, वॉर्नरला आपली चूक समजली आहे. ईस्टरच्या रविवारी एक ग्लास वाइन पिणं हा गुन्हा नसला, तरी मद्यपान केल्यानंतर स्वतः गाडी चालवण्याचा निर्णय चुकीचा होता, असं त्याच्या वकिलांनी स्पष्ट केलं. हिल यांच्या मते, वॉर्नरने गाडी चालवण्याऐवजी दुसरा पर्याय निवडायला हवा होता. मात्र, त्याने चुकीचा निर्णय घेतला आणि आता त्याला त्याचा पश्चात्ताप आहे.
मद्यपान करून वाहन चालवण्याविरोधातील मोहिमेत संघांचा सहभाग
वॉर्नरच्या प्रकरणानंतर क्रिकेट न्यू साउथ वेल्सचे मुख्य कार्यकारी ली जारमन यांनीही प्रतिक्रिया दिली. हे आरोप गंभीर असून, क्रिकेट न्यू साउथ वेल्स हे प्रकरण गांभीर्याने घेत असल्याचं त्यांनी सांगितलं. सिडनी थंडर, सिडनी सिक्सर्स आणि एनएसडब्ल्यू ब्लूज हे संघ राज्य सरकारच्या मद्यपान करून वाहन चालवण्याविरोधातील मोहिमेचा भाग आहेत. या मोहिमेच्या माध्यमातून नागरिकांना मद्यपान केल्यानंतर वाहन न चालवण्याचं आवाहन केलं जातं.
१८ ऑगस्टला शिक्षेचा निर्णय
पाकिस्तान सुपर लीगमध्ये कराची किंग्सचं कर्णधारपद सांभाळत असताना ईस्टरच्या सुट्टीसाठी वॉर्नर ऑस्ट्रेलियात परतला होता. त्यावेळी त्याला या प्रकरणात अटक करण्यात आली होती. मात्र, त्याला नंतर सोडण्यात आलं. वॉर्नरच्या वकिलांच्या म्हणण्यानुसार, तो आपल्या कृतीबद्दल पश्चात्ताप करत असून न्यायालयाकडून सौम्य शिक्षेची मागणी केली जाण्याची शक्यता आहे. इतर नागरिकांप्रमाणेच या प्रकरणात आपल्याशी वागणूक मिळावी, अशी अपेक्षा वॉर्नरची असल्याचंही सांगण्यात आलं आहे. त्याच्या शिक्षेबाबतचा निर्णय १८ ऑगस्ट रोजी जाहीर होणार आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
