अभिनेत्री संभावना सेठ आणि अविनाश द्विवेदी यांच्या आयुष्यात जुळ्या बाळांच्या आगमनाने आनंदाचे वातावरण निर्माण झाले आहे. अनेक वर्षांच्या प्रतीक्षेनंतर पार पडलेल्या नामकरण सोहळ्याने चाहत्यांचे लक्ष वेधून घेतले.या खास सोहळ्यात बाळांसोबतच संभावना सेठच्या सुंदर आणि आकर्षक घराच्या सजावटीचीही जोरदार चर्चा झाली.
संभावना सेठने आपल्या आयुष्यात अनेक चढ-उतार पाहिले आहेत. आई होण्याच्या प्रवासात तिला कठीण काळातून जावे लागले होते. गर्भावस्थेदरम्यान बाळाच्या हृदयाचे ठोके थांबल्याने तिला मोठ्या दुःखाचा सामना करावा लागला होता. या वेदनादायक अनुभवातून सावरल्यानंतर अनेक वर्षांनी तिच्या आयुष्यात पुन्हा एकदा आनंदाचे क्षण आले आहेत. जुळ्या बाळांच्या आगमनाने संभावना आणि तिच्या कुटुंबाचा आनंद द्विगुणित झाला आहे.(फोटो सौजन्य :- @sambhavnasethofficial, @Sambhavna Seth Entertainment)
व्हाईट थीमचा वापर
संभावना सेठच्या घराच्या सजावटीतील सर्वात लक्षवेधी गोष्ट म्हणजे व्हाईट थीमचा सुंदर वापर. पांढरा रंग घराला केवळ आलिशान लूक देत नाही, तर तो घरातील वातावरण अधिक शांत, स्वच्छ आणि प्रशस्त असल्याचा भास निर्माण करतो. नामकरण सोहळ्यासाठी केलेल्या सजावटीतही पांढऱ्या रंगाचा एलिगंट टच दिसून आला. व्हाईट थीमसोबत सौम्य लाईटिंग, फुलांची सजावट आणि मिनिमल डेकोरचा वापर केल्याने घराला मॉडर्न आणि प्रीमियम लूक मिळतो. विशेषतः पांढऱ्या रंगाच्या भिंती, फर्निचर किंवा सजावटीच्या वस्तूंसोबत गोल्डन, बेज किंवा पेस्टल शेड्सचा वापर केल्यास घर अधिक आकर्षक दिसते.
कॉफी मगसाठी खास जागा
संभावना सेठच्या घराच्या सजावटीतील आणखी एक आकर्षक कल्पना म्हणजे कॉफी मगसाठी तयार केलेली खास जागा. आजकाल घराच्या डेकोरमध्ये छोट्या-छोट्या गोष्टींना महत्त्व दिले जाते. सकाळच्या कॉफीचा आनंद घेण्यासाठी किंवा पाहुण्यांना कॉफी सर्व्ह करण्यासाठी एक सुंदर कॉफी कॉर्नर घराला वेगळा आणि स्टायलिश लूक देऊ शकतो. कॉफी मग ठेवण्यासाठी ओपन शेल्फ, वॉल रॅक किंवा छोटा कॉफी स्टेशन तयार करता येतो. यावर सुंदर मग्स, कॉफी जार, छोट्या झाडांच्या कुंड्या आणि डेकोरेटिव्ह लाईट्स ठेवून आकर्षक कोपरा तयार करता येतो.
साध्या गोष्टींनी सजवा घर
घर सजवण्यासाठी नेहमी महागड्या डेकोरेशन वस्तूंची गरज नसते. संभावना सेठच्या घराच्या सजावटीप्रमाणेच साध्या, पण सुंदर कल्पनांचा वापर करून घराला एलिगंट आणि आलिशान लूक देता येतो. कमी गोष्टींमध्येही घर आकर्षक, उबदार आणि स्टायलिश दिसू शकते.व्हाईट थीम, मिनिमल डेकोर आणि छोट्या-छोट्या बारकाव्यांमुळे घराला खास व्यक्तिमत्त्व मिळते. तुम्हीही काही सोप्या टिप्स वापरून घराचा लूक बदलू शकता.
हलक्या रंगांना द्या प्राधान्य
पांढरा, क्रीम, बेज, पेस्टल आणि हलके ग्रे यांसारखे रंग घराला शांत आणि प्रशस्त लूक देतात. विशेषतः लहान जागांसाठी हे रंग अधिक योग्य ठरतात. व्हाईट थीमसोबत सौम्य रंगांचे कॉम्बिनेशन केल्यास घरात आलिशानपणा जाणवतो.
घरात फोटो फ्रेमचा वापर करा
घराची सजावट केवळ महागड्या वस्तूंनी होत नाही, तर त्यात आठवणींचा स्पर्श असेल तर ते घर अधिक सुंदर आणि आपलेसे वाटते. फोटो फ्रेम्स हा घर सजवण्याचा एक सोपा आणि प्रभावी मार्ग आहे. संभावना सेठच्या घराच्या मिनिमल आणि एलिगंट डेकोरप्रमाणेच, योग्य पद्धतीने फोटो फ्रेम्सचा वापर केल्यास घराला स्टायलिश तसेच वैयक्तिक लूक मिळतो.
लेखकाबद्दलमृणाल पाटीलमृणाल पाटील या महाराष्ट्र टाइम्स.कॉममध्ये कार्यरत असलेल्या अनुभवी पत्रकार आणि डिजिटल कंटेंट रायटर असून मीडिया क्षेत्रात त्यांना 11 वर्षांहून अधिक काळाचा अनुभव आहे. टेलिव्हिजन, डिजिटल मीडिया, प्रिंट पत्रकारिता आणि जनसंपर्क या विविध क्षेत्रांमध्ये काम करत त्यांनी विश्वसनीय,अभ्यासपूर्ण आणि वाचकाभिमुख लेखनाची भक्कम ओळख निर्माण केली आहे. मनोरंजन, लाइफस्टाईल, फिचर स्टोरीज, ट्रेंडिंग विषय आणि सेलिब्रिटी मुलाखती या विषयांवर सखोल माहिती देणारे लेखन हे त्यांचे प्रमुख कौशल्य आहे.
मृणाल यांनी ‘प्रहार’ वर्तमानपत्रामध्ये प्रवास आणि खाद्यसंस्कृती विषयावर साप्ताहिक लेखन केले आहे. विविध शहरांची संस्कृती, स्थानिक परंपरा आणि खाद्यवैशिष्ट्ये यावर आधारित त्यांच्या लेखांना वाचकांकडून उत्तम प्रतिसाद मिळाला आहे. ‘TV 9’ या प्रतिष्ठित न्यूज चॅनलसाठी त्यांनी अनेक नामांकित कलाकारांच्या मुलाखती घेतल्या असून मनोरंजन पत्रकारितेमध्ये त्यांनी भक्कम अनुभव मिळवला आहे. तसेच आकाशवाणी मुंबईसाठी ‘मन की बात’ या कार्यक्रमासाठी व्हॉइस ओव्हरचे काम करण्याचा अनुभव देखील त्यांच्या कार्यात महत्त्वपूर्ण ठरला आहे.
जनसंपर्क क्षेत्रात कार्यरत असताना त्यांनी 30 पेक्षा अधिक क्लायंट्सचे यशस्वीपणे व्यवस्थापन केले असून ब्रँड कम्युनिकेशन, कंटेंट स्ट्रॅटेजी आणि मीडिया समन्वय यामध्ये त्यांनी उल्लेखनीय कामगिरी केली आहे. सध्या महाराष्ट्र टाइम्समध्ये ट्रेंडिंग आणि लाईफस्टाईल विषयांवर संशोधनाधारित, अचूक आणि विश्वसनीय माहिती देणारे लेख लिहिणे ही त्यांची विशेष ओळख आहे. तथ्य पडताळणी, विश्वासार्ह स्रोतांचा वापर आणि वाचकांसाठी उपयुक्त माहिती सादर करण्यावर त्यांचा विशेष भर असतो.
लेखनासोबतच वाचन आणि सोलो ट्रॅव्हलिंग ही त्यांची आवड असून विविध ठिकाणांच्या संस्कृती, जीवनशैली आणि सामाजिक रचनेचा अभ्यास करण्यामध्ये त्यांना विशेष रस आहे. व्यायाम, हॉलिवूड चित्रपट आणि नव्या तंत्रज्ञानाविषयी माहिती मिळवणे हे देखील त्यांचे आवडते छंद आहेत. आपल्या अनुभव, संशोधन आणि निरीक्षणांच्या आधारे वाचकांना दर्जेदार, अचूक आणि विश्वासार्ह माहिती देण्याचा त्या सातत्याने प्रयत्न करतात.
शैक्षणिक पात्रता
मृणाल पाटील यांनी 2017-18 मध्ये मुंबई विद्यापीठातून मास्टर ऑफ आर्ट्स इन कम्युनिकेशन अँड जर्नालिझम (MACJ) पदवी प्राप्त केली आहे. डिजिटल मीडिया ट्रेंड्स, बदलती वाचक प्रवृत्ती आणि माहिती सादरीकरणाच्या आधुनिक पद्धतींचा त्या सातत्याने अभ्यास करतात.… आणखी वाचा
