8000mAh ची बॅटरीसह POCO M8 Power 5G बाजारात, 50MP AI कॅमेऱ्यासह फीचर्सही खास। Maharashtra Times

नवीन POCO M8 Power 5G स्मार्टफोन 24,999 रुपयांच्या सुरुवातीच्या किमतीत लाँच करण्यात आला असून, बँक ऑफर्ससह तो 21,999 रुपयांना खरेदी करता येईल. क्वालकॉम स्नॅपड्रॅगन 4 जेन 4 प्रोसेसर आणि 120Hz रिफ्रेश रेट असलेल्या AMOLED डिस्प्लेमुळे हा फोन मनोरंजन आणि गेमिंगसाठी एक उत्तम पर्याय ठरणार आहे. या फोनची अधिकृत विक्री Flipkart वर 7 ऑगस्टपासून सुरू होणार आहे.

Poco M8 Power 5G या फोनच्या मागील बाजूस ड्युअल कॅमेरा सेटअप उपलब्ध आहे. यात 50MP ड्युअल AI मेन कॅमेरा मिळेल. यात सेकंडरी कॅमेरा देखील आहे. सेल्फी आणि व्हिडिओ कॉलिंगसाठी 8 मेगापिक्सलचा कॅमेरा दिला आहे.

Poco M8 Power 5G चे फीचर्स कोणते?

पोकोचा Poco M8 Power 5G हा फोन शक्तिशाली 5G फोन 6.9 इंचाच्या AMOLED डिस्प्लेने सुसज्ज आहे. फोनचा डिस्प्ले 120Hz रिफ्रेश रेट आणि 1800 nits पर्यंत पीक ब्राइटनेसला सपोर्ट करतो. डिस्प्लेच्या प्रोटेक्शनसाठी कॉर्निंग गोरिल्ला ग्लास 7i उपलब्ध असेल. Poco M8 Power 5G या फोनमध्ये कंपनीने क्वालकॉम स्नॅपड्रॅगन 4 जेन 4 चिपसेटचा वापर केला आहे. हे 8 GB पर्यंत रॅम आणि 128 GB पर्यंत स्टोरेजला सपोर्ट करेल.

Poco M8 Power 5G फोनची रॅम 8 GB पर्यंत वाढवता येवू शकते. स्टोरेजला मायक्रोएसडी कार्डच्या मदतीने वाढवता येवू शकते.

Poco M8 Power 5G किंमत किती?

पोकोचा हा फोन भारतात 6 GB रॅम + 128 GB आणि 8 GB रॅम + 128 GB स्टोरेज व्हेरिएंटमध्ये सादर करण्यात आला आहे. याची सुरुवातीची किंमत 24,999 रुपये आहे. त्याच वेळी, त्याचे टॉप व्हेरिएंट 27,999 रुपयांमध्ये येते.

Poco M8 Power 5G या फोनच्या खरेदीवर 2,000 रुपयांचा इन्स्टंट बँक डिस्काउंट आणि 1,000 रुपयांचा कूपन डिस्काउंट दिलाजात आहे. डिस्काउंटनंतर हा फोन 21,999 रुपयांच्या सुरुवातीच्या किंमतीत उपलब्ध होणार आहे. Poco M8 देखील कंपनीने 21,999 रुपयांच्या सुरुवातीच्या किंमतीत लाँच केले होते.

Poco M8 Power 5G 7 ऑगस्ट रोजी भारतात विक्रीसाठी उपलब्ध होणार आहे. ई-कॉमर्स वेबसाइट फ्लिपकार्टवरून खरेदी करता येईल. कंपनीने घोषणा केली आहे की सेलच्या पहिल्या 12 तासांसाठी 1,000 रुपयांची कूपन सूट उपलब्ध असेल. यानंतर, युजर्सना फोन खरेदी केल्यावर 22,999 रुपयांच्या सुरुवातीच्या किंमतीत मिळेल.

Poco M8 Powerमध्ये 8000mAh सिलिकॉन-कार्बन बॅटरी मिळते. हे चार्ज करण्यासाठी 45W वायर्ड फास्ट चार्जिंगचा सपोर्ट मिळेल. तसेच 22.5W रिव्हर्स वायर्ड चार्जिंग प्रदान केले आहे. फोनमध्ये इन-डिस्प्ले फिंगरप्रिंट सेन्सर मिळेल. कनेक्टिव्हिटीसाठी ड्युअल बँड वायफाय, आयआर ब्लास्टर, ब्लूटूथ यासारखे फीचर्स मिळणार आहेत. हा स्मार्टफोन अँड्रॉइड 3 वर आधारित शाओमी हायपरओएस 16 वर काम करतो.

लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा