अमेरिकेतील ल्युझियाना स्टेट युनिव्हर्सिटी आणि कॅलिटेकच्या शास्त्रज्ञांनी विज्ञान जगतात अभूतपूर्व चमत्कार केला आहे. त्यांनी खोलीच्या सामान्य तापमानाला काम करणारे जगातील पहिले ‘क्वांटम मेटाक्रिस्टल’ तयार केले आहे. या एका शोधामुळे आगामी काळात सुपरकॉम्प्युटर, डेटा सेंटर्स आणि इंटरनेटचा वेग थेट 100 पटीने वाढण्यास मोठी मदत होणार आहे. चला तर मग याविषयीची माहिती पुढे जाणून घेऊया.
तुमचा इंटरनेट स्पीड संथ असेल किंवा कॉम्प्युटर हँग होत असेल, तर आगामी काळात ही समस्या कायमची मिटणार आहे. अमेरिकेतील ल्युझियाना स्टेट युनिव्हर्सिटी (LSU) आणि कॅलिटेक (Caltech) च्या शास्त्रज्ञांनी विज्ञान जगतात एक असा चमत्कार केला आहे, ज्यामुळे संपूर्ण जगाचे तंत्रज्ञान बदलेल. (REF.)
डेटा सेंटर्सचा वेग थेट 100 पटीने वाढणार
शास्त्रज्ञांनी खोलीच्या सामान्य तापमानालाकाम करणारे जगातील पहिले ‘क्वांटम मेटाक्रिस्टल’तयार करण्यात यश मिळवले आहे. या एका शोधामुळे सुपरकॉम्प्युटर, इंटरनेट आणि डेटा सेंटर्सचा वेग थेट 100 पटीने वाढणार आहे. ‘नेचर’ या सायन्स जर्नलमध्ये हा शोधनिबंध प्रसिद्ध झाला असून, येत्या काही वर्षांतच स्मार्टफोन आणि कॉम्प्युटर चिप्स या तंत्रज्ञानाने सुसज्ज होणार आहेत.
‘हे’ संशोधन इतकं खास का?
आतापर्यंतचे क्वांटम कॉम्प्युटर्स किंवा प्रगत तंत्रज्ञान हे अत्यंत थंड तापमानात (उणे 250 अंश सेल्सिअसपेक्षा कमी) काम करायचे. इतकी थंडी निर्माण करण्यासाठी कोट्यवधी रुपयांचे रेफ्रिजरेटर आणि प्रचंड वीज लागायची. परंतु, शास्त्रज्ञांनी सोन्याच्या अतिसूक्ष्म फिल्मवर (Gold Film) शेकडो मायक्रोस्कोपिक डिझाईन्स कोरून हा नवा ‘मेटाक्रिस्टल’ बनवला आहे. हा स्फटिक सामान्य घरातल्या पंख्याच्या तापमानातही प्रकाशाच्या क्वांटम स्टेट्स नियंत्रित आणि फिल्टर करू शकतो.
तुमच्या आयुष्यावर काय बदल होणार?
सुपरफास्ट इंटरनेट: ऑप्टिकल फायबरची कार्यक्षमता थेट सिलिकॉन चिपवर उतरवल्यामुळे डेटा ट्रान्सफरचा स्पीड अकल्पनीय गतीने वाढेल. अखंड बॅटरी लाईफ: या तंत्रज्ञानामुळे डेटा सेंटर्स आणि इलेक्ट्रॉनिक उपकरणांमधून होणारा ऊर्जेचा अपव्यय (Heating) प्रचंड प्रमाणात कमी होईल, ज्यामुळे उपकरणांची बॅटरी जास्त काळ टिकेल. हॅकिंग अशक्य: या क्रिस्टलच्या मदतीने ‘क्वांटम कम्युनिकेशन’ करणे सोपे होईल, ज्यामुळे इंटरनेटवरील तुमचा डेटा 100 टक्के सुरक्षित राहील आणि तो हॅक करणे अशक्य होईल.
(Disclaimer: प्रस्तुत वृत्त केवळ उपलब्ध माहिती आणि सर्वसामान्य संदर्भांच्या आधारावर तयार करण्यात आले आहे. या वृत्तातील माहितीची अचूकता, पूर्णता किंवा विश्वासार्हतेबाबत ‘मटा’ (महाराष्ट्र टाइम्स ऑनलाईन) कोणताही दावा करत नाही किंवा त्याची पुष्टी करत नाही.)
लेखकाबद्दलशुभम कुलकर्णीशुभम कुलकर्णी हे गेल्या नऊ वर्षांहून अधिक काळ मुख्य प्रवाहातील माध्यम क्षेत्रात सक्रिय असलेले एक व्यासंगी पत्रकार आहेत. सध्या ते ‘महाराष्ट्र टाईम्स’च्या ‘टेक आणि सायन्स’ विभागात कन्सल्टंट म्हणून आपली जबाबदारी सांभाळत आहेत. तंत्रज्ञान विश्वातील वेगाने बदलणारे आर्टिफिशियल इंटेलिजन्स (AI) चे प्रगत तंत्रज्ञान, नवनवीन गॅझेट्स, टेक ट्रेंड्स, स्मार्टफोन रिव्ह्यूज आणि सायन्स क्षेत्रातील क्लिष्ट वैज्ञानिक घडामोडी अतिशय सोप्या, सर्वसामान्यांना समजेल अशा रंजक भाषेत मांडण्यात त्यांचा विशेष हातखंडा आहे. डिजिटल मीडियातील अचूक SEO आणि Google Discover च्या बदलत्या अल्गोरिदमचा वापर करून लाखो वाचकांपर्यंत तांत्रिक माहिती पोहोचवण्यात त्यांचा मोलाचा वाटा आहे.
छत्रपती संभाजीनगर येथील नामांकित ‘MGM’ संस्थेतून ‘एम.ए. पत्रकारिता आणि जनसंवाद’ ही मास्टर पदवी संपादन केल्यानंतर, त्यांनी आपल्या कारकिर्दीची सुरुवात ‘आकाशवाणी’ या प्रतिष्ठित संस्थेतून केली. 2017 मध्ये त्यांनी ‘दैनिक सामना’ या अग्रगण्य मुखपत्रात प्रवेश करत वृत्तपत्र पत्रकारितेचा भक्कम पाया रचला. त्यानंतर मुंबईतील ABP माझा, TV9 मराठी, साम TV, पुढारी न्यूज चॅनेल आणि लोकशाही न्यूज या महाराष्ट्रातील आघाडीच्या वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली आहे. राजधानी दिल्ली येथे ‘News Nation Marathi’ साठी राष्ट्रीय आणि आंतरराष्ट्रीय स्तरावरील वेगवेगळ्या न्यूज बुलेटिन्सचा दांडगा अनुभव त्यांच्या पाठीशी आहे.
प्रिंट, इलेक्ट्रॉनिक आणि डिजिटल मीडियाच्या सखोल अनुभवामुळे राजकारण, व्यापार-उद्योग, विज्ञान, तंत्रज्ञान, ऑटोमोबाईल, सायबर सुरक्षा आणि लाइफस्टाईल क्षेत्रातील गुंतागुंतीच्या विषयांचे अचूक विश्लेषण करणे ही त्यांची प्रमुख ओळख आहे. पत्रकारितेच्या या व्यस्त प्रवासातून वेळ काढत, निसर्गाच्या सानिध्यात वेळ घालवणे हा त्यांचा छंद आहे.… आणखी वाचा
