Chhatrapati Sambhajinagar News: शहरातील प्रत्येक घडामोडींची साक्षीदार असलेली जुन्या पोलिस ठाण्यापैकी एक असलेली सिटी चौक पोलिस ठाण्याचीच्या इमारतीचा आता कायापालट होणार आहे. लवकरच पोलिस ठाण्याची जुनी इमारत इतिहास जमा होणार.
नवीन इमारत बांधण्याचे काम लवकरच सुरू
शहरात जुन्या पोलिस ठाण्यापैकी एक असलेले सिटी चौक पोलिस ठाण्याची जुनी इमारत आता इतिहास जमा होणार आहे. सिटी चौक पोलिस ठाण्यासाठी नवीन इमारत बांधण्याचे काम लवकरच सुरू केले जाणार आहे. यामुळे ही इमारत पाडली जाणार आहे. नवीन इमारत बांधण्याचे काम पूर्ण होईपर्यंत सिटी चौक पोलिस ठाण्यासाठी नवीन जागेचा शोध घेतला जात आहे.
नवीन प्रशस्त इमारत बांधण्याचा निर्णय
शहरात जुन्या झालेल्या इमारती पाडून ज्या ठिकाणी नवीन प्रशस्त इमारत बांधण्याचा निर्णय घेण्यात आला आहे. शहरात एकेकाळी प्रशस्त इमारतींमध्ये क्रांती चौक पोलिस ठाण्याचाही समावेश होत होता. क्रांती चौक पोलिस ठाणेतयार करण्यात आले होते. यानंतरच्या काळात शहरातील सिडको, एमआयडीसी सिडको, एमआयडीसी वाळूज या पोलिस ठाण्याच्या इमारती तयार करण्यात आलेल्या आहेत. जिन्सी पोलिस ठाण्याचीही इमारत तयार करण्यात आली आहे. सिटी चौक पोलिस ठाण्याची इमारत सर्वांत जुनी इमारत आहे.
ही इमारत शहराच्या घडामोडींची मूकदर्शक
या पोलिस ठाण्याच्या मागील बाजूला पोलिस अधिकारी यांच्यासाठी निवासस्थानाची व्यवस्थाही करण्यात आली होती. अनेक पोलिस कर्मचारी आणि अधिकारी येथे राहत होते. सिटी चौक पोलिस ठाण्याच्या इमारतीच्या परिसरात सहायक पोलिस आयुक्त यांचे कार्यालयही तयार करण्यात आलेले आहे. गेल्या अनेक वर्षांपासून ही इमारत ही जुन्या शहराच्या घडामोडींची मूकदर्शक म्हणून उभी आहे.
सिटी चौक पोलिस ठाण्याची जुनी इमारत जुन्या बनावटीची
जुन्या शहराच्या दृष्टीने सर्वांत महत्त्वाच्या पोलिस ठाण्यापैकी सिटीचौक पोलिस ठाण्याची ओळख होत आहे. सिटी चौक पोलिस ठाण्याची जुनी इमारत जुन्या बनावटीची आहे. या पोलिस ठाण्याच्या पहिल्या मजल्यावर आरोपींसाठी कारागृह तयार करण्यात आले आहे. या कारागृहात जाण्यासाठी छोट्या आकाराच्या पायऱ्याही आहेत.
FDA Raid: ‘एफडीए’चा धडाका सुरुच; मालाडमधील Blinkitचा अन्न परवाना तत्काळ निलंबित, काय कारण?
जुनी इमारत
जुनी इमारत असल्याकारणाने ही इमारत हवेशीर असून उन्हातही या इमारतीत गारवा जाणवतो. सिटीचौकाची इमारत सध्या पोलिस कर्मचाऱ्यांसाठी कमी पडत आहे. याशिवाय सिटी चौक पोलिस ठाण्याच्या मागील बाजूला असलेल्या पोलिस निवासस्थाने अनेक वर्षांपासून रिकामी आहेत. ही घरे तुटून पडत आहे. या निवासस्थानाच्या परिसरात पोलिस कर्मचाऱ्यांची वाहने लावण्यात येतात.
नवीन इमारतीचे काम लवकरात लवकर सुरू
पोलिस ठाण्याच्या इमारतीपासून ते पोलिसांसाठी जुन्या निवासस्थानापर्यंत नवीन इमारतीचे बांधकाम केले जाणार आहे. या ठिकाणी पार्किंगची जागा, पोलिस कर्मचाऱ्यांसाठी बसण्यासाठी जागेसह कारागृह; तसेच प्रतीक्षा कक्ष यासह सहायक पोलिस आयुक्त कार्यालय आणि इतर सुविधा या ठिकाणी तयार केली जाणार आहेत. या इमारतीचे काम लवकरात लवकर सुरू केले जाणार आहे, अशी माहिती पोलिस विभागाकडून देण्यात आली आहे.
लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा
