Work From Home Scam Alert: घरबसल्या जॉब करण्याचा विचार करत असाल, तर आधी ही बातमी वाचा. नाशिकमधील ३१ वर्षीय तरुणाची तब्बल ११ लाखांची फसवणूक झालीय.
सिडको परिसरातील पाटीलनगर येथे राहणारा ३१ वर्षीय तरुण खासगी नोकरी करतो. अतिरिक्त उत्पन्नाच्या शोधात असताना एप्रिलच्या सुरुवातीला त्यांने ‘www.clubmall.vip’ नावाची एक वेबसाइट सापडली. संशयितांनी तरुणाला सुरुवातीला ‘ऑनलाइन डेमो’ दिला. ७ एप्रिल रोजी तरुणाने ९ हजार ४०१ रुपये भरून दोन ‘प्रॉडक्ट्सना रेटिंग’ दिले. अवघ्या काही वेळात पंधरा टक्के कमिशनसह पैसे वेबसाइटवरील डिजिटल वॉलेटमध्ये दिसू लागले. 
Girish Mahajan: नाशिक सर्वांत सुंदर करु! खड्ड्यांवरुन असंतोषानंतर कुंभमेळामंत्री गिरीश महाजन यांची ग्वाही
पैसे त्वरित वाढताना दिसल्याने तरुणाचा विश्वास बसला. त्यानंतर सायबर गुन्हेगारांनी त्यांना अधिक कमिशनचे आमिष दाखवत विविध ‘टास्क’ पूर्ण करण्यास सांगितले. ७ ते १० एप्रिल या अवघ्या चार दिवसांत तरुणाने स्वतःच्या बँक खात्यातून ८ व्यवहारांद्वारे ६ लाख ५५ हजार ६३६ रुपये आणि वडिलांच्या बँक खात्यातून ५ लाख ४ हजार १२६ रुपये असे एकूण दहा टप्प्यांत ११ लाख २७० रुपये संशयितांच्या खात्यावर ट्रान्स्फर केले. जेव्हा तरुणाने मूळ भरलेली रक्कम आणि त्यावरील कमिशन बँक खात्यात काढण्याचा प्रयत्न केला. तेव्हा संशयितांनी नवीन नियम, टॅक्स आणि प्रोसेसिंग फीच्या नावाखाली पैशांची मागणी केली.Nashik Trimbakeshwar Temple: ऑनलाइन देव, ऑफलाइन धक्का! त्र्यंबकमध्ये 2100च्या अधिकृत अभिषेकाला 21 रुपयांचे ‘डिजिटल दर्शन’उडवाउडवीची उत्तरे…
पैसे परत देण्यास नकार मिळताच आणि व्हॉट्सॲपवरून उडवाउडवीची उत्तरे मिळताच तरुणाने नाशिक सायबर पोलिसांत धाव घेतली. त्यानुसार संशयिताविरुद्ध भारतीय न्याय संहितेचे कलम ३१८(४), ३(५) आणि माहिती तंत्रज्ञान कायदा कलम ६६ (ड) अन्वये गुन्हा नोंद झाला आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
