लॉर्ड्सवर ऐतिहासिक शतकानंतर हिटमॅनची नवी इनिंग! इन्स्टा व्हिडिओनं चाहत्यांमध्ये वाढली धाकधूक, रोहितच्या मनात नेमकं काय?

मुंबई : आंतरराष्ट्रीय स्तरावरुन टी-२० आणि टेस्ट क्रिकेटमधून निवृत्त झालेला हिटमॅन रोहित शर्मा गेल्या अनेक दिवसांपासून सातत्याने चर्चेत आहे. त्याने इंग्लंडविरुद्ध लॉर्ड्स मैदानावर ऐतिहासिक शतक झळकावलं होतं. त्याची ही १३८ धावांची खेळी चाहते अजिबात विसरणार नाहीत. रोहितच्या या शतकापूर्वी हिटमॅनचा हा सामना शेवटचा असण्याची शक्यताही वर्तवण्यात आली होती. त्याच्या रिटायर्टमेंटच्या चर्चांनी टोक गाठलं होतं. परंतू त्याच्या खेळीनंतर रोहितची क्षमता पुन्हा एकदा सिद्ध झाली आणि तो २०२७ चा वर्ल्डकप खेळणार अशा चर्चा सुरु झाल्या.

दरम्यान, रोहित निवृत्त होणार की नाही हे सध्या काही स्पष्टपणे समोर आलेलं नाही, पण एक मात्र आहे की, रोहित आता नव्या ढंगात चाहत्यांच्या समोर येणार आहे. आपल्या धडाकेबाज फलंदाजीने चाहत्यांच्या मनावर अधिराज्य गाजवणारा रोहित शर्मा आता पहिल्यांदाच एका आगळ्या वेगळ्या ढंगात प्रेक्षकांचे मनोरंजन करताना दिसणार आहे. रोहित शर्मा लवकरच एका नव्या टीव्ही शोमध्ये झळकणार आहे. रोहित आता त्याच्या मनोरंजन विश्वातल्या पदार्पणाकडे वळला आहे.

त्याच्या या नव्या शोबद्दल सध्या सर्वकाही माहिती समोर आली नाही. परंतू एका टीझरमधून समोर आलेला रोहित शर्माचा लूक आणि त्याचा अभिनय वगैरे पाहून चाहते भारावून गेले आहेत. रोहितने त्याच्या इन्स्टाग्रामवरुन एक व्हिडिओ शेअर केला आहे. ज्यामध्ये या शोचा टीझर पाहायला मिळाला आहे. सदर क्लिपमध्ये रोहित शर्मा त्याच्या एका शूटींगच्या लोकेशनला दिसत आहे. त्यामध्ये तो इतरांशी संवाद साधताना दिसून येत आहे. एकप्रकारे तो योग्य चित्रिकरण कसे येईल, याचा सल्ला देताना दिसतोय. त्याचा हा व्हिडिओ सध्या सोशल मीडियावर प्रचंड व्हायरल झाला आहे.

IND vs SL 1st Test : डोमेस्टिकच्या हिटमॅनची भारतीय संघात निवड, साई सुदर्शनच्या जागी संधी, कष्टाचं फळ मिळालंच, पाहा कोण?

दरम्यान, यापूर्वीही रोहितच्या शोबद्दल एक व्हिडिओ प्रसिद्ध करण्यात आला होता. सोनी वाहिनीने प्रसिद्ध केलेल्या या व्हिडिओमध्ये रोहित शर्मा त्याच्या चाहत्याशी संवाद साधताना दिसतो. चाहते त्याला डायलॉग बोलायला लावतात. जो त्याचा मैदावरील प्रसिद्ध व्हायरल झालेला डॉयलॉग आहे. ‘नो वन विल रोम इंन द गार्डन’ हा संवाद रोहितला पुन्हा पुन्हा त्याचे चाहते म्हणायला लावतात. त्यानंतर रोहित चाहत्यांच्या पुन्हा पुन्हा येणाऱ्या विनंत्या पाहून अस्वस्थ होतो आणि त्यानंतर तिथून निघून जातो. हा सर्व भाग त्याच्या याच शोचा आहे. त्यामुळे दोन्ही टीझर व्हिडिओ पाहता रोहित शर्मा चाहत्यांचे जोरदार मनोरंजन करण्यासाठी सज्ज झाल्याचे पाहायला मिळत आहे. या शोमध्ये रोहितचा अनोखा अंदाज चाहत्यांना पाहायला मिळणार यात शंका नाही.

Zaheer Khan : भारतीय संघात पुन्हा कमबॅक करायचं असेल तर एकच गोष्ट लक्षात ठेव’; झहीर खानचा मोहम्मद शमीला कानमंत्र, काय म्हणाला?

दरम्यान, रोहितने या व्हिडिओला सोशल मीडियावर शेअर करताना खास कॅप्शनही दिलं आहे. ‘Stage ready. Cameras ready. See you soon‘ असं रोहितनं लिहिलं आहे. त्याच्या या व्हिडिओवर चाहत्यांच्या लाईक्स अन् कमेंट्सचा वर्षाव होत आहे. आतापर्यंत केवळ इन्स्टाग्रावर ५,५ मिलियन लाइक्स मिळवत त्याच्या या आगामी शोच्या टीझर व्हिडिओ ट्रेंडला आला आहे. त्यामुळे आता हा शो नेमका कधी प्रदर्शित होणार. त्याचे नाव काय असणार या सर्व गोष्टींबद्दल चाहत्यांची उत्सुकता वाढली आहे.