Lionel Messi News : इंटर मियामीचा स्टार लिओनेल मेस्सी याच्यावर फिलाडेल्फिया युनियनविरुद्धच्या सामन्यातील प्रकारामुळे MLSने दंडाची कारवाई केली आहे. नेमकं मैदानात काय घडलं आणि मेस्सीवर कोणत्या नियमाखाली कारवाई झाली?
व्हिडिओ फुटेज पाहिल्यानंतर MLS ची मोठी कारवाई
सामन्याच्या अतिरिक्त वेळेत मेस्सी आणि सुलिवन यांच्यात मैदानाच्या मध्यभागी बाचाबाची झाली. यावेळी रागाच्या भरात मेस्सीने सुलिवनच्या मानेवर आणि डोक्यावर हात मारल्याचे व्हिडिओमध्ये स्पष्ट दिसत होते. विशेष म्हणजे, मैदानावरील पंचांनी (Referee) त्यावेळी मेस्सीला कोणतेही कार्ड दाखवले नव्हते. मात्र, सामन्यानंतर जेव्हा अधिकाऱ्यांनी व्हिडिओ फुटेजची कसून पाहणी केली, तेव्हा मेस्सीने प्रतिस्पर्धी खेळाडूच्या चेहरा, डोके किंवा मानेला हात न लावण्याच्या कडक नियमाचे उल्लंघन केल्याचे निष्पन्न झाले.
मेस्सीने हा नियम मोडण्याची ही पहिली वेळ नाही. या नियमांतर्गत त्याला दुसऱ्यांदा शिक्षा मिळाली आहे. यापूर्वी फेब्रुवारी २०२५ मध्ये न्यूयॉर्क सिटी एफसी (NYCFC) विरुद्धच्या सामन्यातही मेस्सीवर याच नियमाखाली कारवाई करण्यात आली होती.
सामन्याच्या अखेरीस राडा अन् ‘रेड कार्ड’चा ड्रामा!
या सामन्याच्या शेवटच्या काही मिनिटांत मैदानावरील वातावरण चांगलेच तापले होते. पेनल्टी बॉक्सच्या दिशेने चेंडू घेऊन धावणाऱ्या सुलिवनशी मियामीचा इयान फ्रे अचानक भिडला आणि त्याने थेट त्याची मान पकडली. या धक्कादायक वर्तनासाठी फ्रेवरही दंडात्मक कारवाई करण्यात आली आहे.
इतकेच नव्हे तर, मैदानाबाहेर झालेल्या हाणामारीमुळे मियामीचा यानिक ब्राइट आणि फिलाडेल्फियाचा कावन सुलिवन यांना पंचांनी थेट ‘रेड कार्ड’ दाखवत बाहेरचा रस्ता दाखवला होता. मात्र, फिलाडेल्फियाने केलेल्या अपीलवर सुनावणी करताना, MLS च्या तपास पथकाने सर्वांच्या सहमतीने कावन सुलिवनवरील रेड कार्ड आणि एका सामन्याची बंदी उठवली आहे. त्यामुळे तो आता पुढचा सामना खेळू शकणार आहे.
Zolani Tete death : ‘देशाने महान फायटर गमावला’; क्रीडा मंत्री भावुक, 38 वर्षीय वर्ल्ड चॅम्पियनचा धक्कादायक शेवट, काय घडलं?
दरम्यान, या संपूर्ण राड्यात मियामीचे खेळाडू लिओनेल मेस्सी आणि इयान फ्रे हे बंदीच्या कारवाईतून थोडक्यात बचावले असले, तरी त्यांना आर्थिक फटका सहन करावा लागला आहे. याशिवाय, अटलांटा युनायटेडविरुद्धच्या सामन्यात फाऊल होण्याचे खोटे नाटक केल्याप्रकरणी मिनेसोटा युनायटेडचा डिफेंडर अँटनी मारकनिच याच्यावरही लीगने दंडाचा बडगा उगारला आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
