धामणगाव रेल्वे तालुक्यातील बोरगाव निस्ताने येथे एका ५२ वर्षीय शेतकऱ्याने आत्महत्या केली आहे. संजय भोपतराव भलावी (वय ५२) असे या शेतकऱ्याचे नाव असून, त्यांनी शनिवारी दुपारी आपल्या शेतातील झाडाला गळफास लावून जीवन संपवले. गेल्या काही वर्षांपासून सततची नापिकी, वाढते कर्ज आणि कर्जमाफीच्या अनिश्चिततेमुळे ते हताश झाले होते. त्यांच्याकडे दोन एकर शेती होती. कर्जमाफीच्या पहिल्या यादीत त्यांचे नाव नव्हते. आधार आणि फार्मर आयडीच्या अटीमुळे त्यांची कर्जमाफी अनिश्चित झाली होती. कर्ज मिळेल की नाही याची शाश्वती नसल्याने आणि नवीन कर्जही मिळण्याची शक्यता नसल्याने ते चिंतेत होते. शेतात पेरलेल्या पिकांना पाण्याची गरज असताना, अल निनोच्या संकटामुळे त्यांना आणखी तणाव जाणवत होता. त्यांच्या पश्चात पत्नी आणि दोन मुले असा परिवार आहे. घटनेची माहिती मिळताच मंगरूळ दस्तगिर पोलिसांनी घटनास्थळी पंचनामा केला असून, पुढील तपास सुरू आहे.
Source link
बोरगाव निस्ताने येथील शेतकऱ्याची आत्महत्या:नापिकी आणि कर्जबाजारीपणातून टोकाचे पाऊल
