स्मार्टफोन युझर्सची बॅटरी संपण्याची चिंता आता कायमची मिटणार आहे. कारण, ओप्पो कंपनी बाजारात आपला नवीन Oppo A7 Pro Max हा 5G स्मार्टफोन लाँच करण्याच्या तयारीत आहे. या फोनमध्ये तब्बल 10,000mAh ची दमदार बॅटरी देण्यात आली असून, ती वेगाने चार्ज करण्यासाठी 80W फास्ट चार्जिंगचा सपोर्ट देखील मिळणार आहे. चला तर मग जाणून घेऊया.
ओप्पोने आपल्या A6 लाइनअप अंतर्गत जागतिक बाजारात आतापर्यंत 15 हून अधिक स्मार्टफोन लाँच केले आहेत. असे दिसते आहे की ओप्पो आता या लाइनअपचा उत्तराधिकारी सोडण्याच्या तयारीत आहे. ऑनलाइन समोर आलेल्या रिपोर्ट्सनुसार, कंपनी लवकरच A7 Pro Max बाजारात लाँच करू शकते. Oppo A7 सीरिजमधील हा सर्वात शक्तिशाली स्मार्टफोन असेल. Oppo A7 Pro Max या फोनच्या लाँचिंगपूर्वी बरीच माहिती समोर आली आहे.
Oppo A7 Pro Max चे संभाव्य स्पेसिफिकेशन्स
लोकप्रिय टिपस्टर डिजिटल चॅट स्टेशनने आगामी Oppo A7 Pro Max बद्दल माहिती शेअर केली आहे. ओप्पोच्या या फोनमध्ये 6.78 इंचाचा ओएलईडी पैनल दिला जाऊ शकतो. Oppo A7 Pro Max हे फ्लॅट डिझाइनसह येईल. यात 1.5 के रिझोल्यूशन आणि 120 हर्ट्जचा रिफ्रेश रेट असू शकतो. यासह, Oppo A7 Pro Max फोनमध्ये इन-स्क्रीन फिंगरप्रिंट सेन्सर आढळू शकतो.
फोनमध्ये 10,000 mAh सिंगल सेल बॅटरी
ओप्पोच्या आगामी Oppo A7 Pro Max फोनमध्ये 10,000 mAh सिंगल सेल बॅटरी असल्याचा दावा केला जात आहे. Oppo A7 Pro Max हा फोन 80W फास्ट चार्जिंग सपोर्टसह बाजारात लाँच केला जाईल. मोठी बॅटरी असूनही, ओप्पोच्या या फोनची जाडी केवळ 8.47 मिमी आणि वजन सुमारे 226 ग्रॅम आहे.
क्वालकॉमचा स्नॅपड्रॅगन 4 जेन 5 चिपसेट
ओप्पोच्या Oppo A7 Pro Max या फोनमध्ये क्वालकॉमचा स्नॅपड्रॅगन 4 जेन 5 चिपसेट दिला जाऊ शकतो. Oppo A7 Pro Max स्मार्टफोन हा या चिपसेटसह येणारा पहिला स्मार्टफोन असेल. सध्या Oppo A7 Pro Max फोनच्या रॅम आणि स्टोरेज पर्यायांबद्दल कोणतीही माहिती उपलब्ध नाही.
मिड सेगमेंटमध्ये लाँच होणाऱ्या Oppo A7 Pro Max स्मार्टफोनमध्ये ड्युअल रियर कॅमेरा सेटअप मिळेल. रिपोर्ट्सनुसार, Oppo A7 Pro Max यात 50 मेगापिक्सलचा प्रायमरी आणि 2 मेगापिक्सलचा सेकंडरी कॅमेरा लेन्स मिळेल. Oppo A7 Pro Max या फोनमध्ये 50 मेगापिक्सलचा फ्रंट कॅमेरा लेन्स दिला आहे.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा