अपघातग्रस्तांना मदत महापौर सहाय्यता निधीची घोषणा ; नियोजनाची कमी पडल्याची कबुली

आंदोलनाला अराजकीय स्वरूप

शहरातील रस्त्यांवरील जीवघेण्या खड्ड्यांमुळे शहरात दररोज अपघात होत असल्याने नागरिक संतप्त आहेत. खड्ड्यांमुळे आतापर्यंत पाच जणांचा बळी गेला आहे. या पार्श्वभूमीवर महापालिकेबाहेर आंदोलनाचा ओघ थांबत नसल्याचे चित्र आहे. या आंदोलनाला अराजकीय स्वरूप मिळाले आहे.

‘आम्ही नाशिककर’

राजकारण विरहित नाशिककरांच्या संतापाला वाचा फोडण्यासाठी व प्रशासनाला जाब विचारण्यासाठी ‘आम्ही नाशिककर’ या संकल्पनेखाली आंदोलनाची दिशा ठरविली जात असून, महासभेच्या दिवशी आंदोलन उभारले जाणार आहे. त्या पार्श् वभूमीवर ॲड. अजिंक्य गिते, देवेंद्र पाटील, प्रवीण जाधव, विनोद थोरात, सागर देशमुख यांनी बुधवारी (दि.५) महापौर, उपमहापौरांसोबत चर्चा केली. महापौरांच्या रामायण बंगल्यावर बैठकीचे आयोजन करण्यात आले होते. यावेळी उपमहापौर विलास शिंदे, स्थायी समिती सभापती मछिंद्र सानप, चंद्रकांत खोडे उपस्थित होते.

Chhatrapati Sambhajinagar News:नांदेड रेल्वे विभागात विशेष रेल्वे तिकीट तपासणी मोहीम ;एक हजारावर फुकटे प्रवासी ताब्यात

कोतकर कुटुंबीयांच्या शिक्षणाची जबाबदारी महापौर घेणार

प्रशासन कामांच्या नियोजनात कमी पडले हे मान्य त्यांना जाब विचारण्यासाठीच महासभा बोलाविण्यात आली. नागरिकांच्या सूचनांची अंमलबजावणी करण्यासाठी कटिबद्ध असल्याचे उपमहापौर शिंदे यांनी सांगितले. अपघातात जखमी कुटुंबाना पाच लाखांचा निधी जाहीर करण्यात आला आहे. कोतकर कुटुंबीयांच्या शिक्षणाची जबाबदारी महापौर स्वत: घेणार आहेत, असे त्यांनी सांगितले.

RAC Ticket Bedroll : रेल्वेत AC कोचमध्ये आता थंडीने कुडकुडत बसावं लागणार नाही, RAC प्रवाशांसाठी रेल्वेचा मोठा निर्णय; जाणून घ्या

आंदोलकांची भूमिका कायम

. शहरातील समस्यांवर एकत्रित तोडगा काढण्याची
तसेच नागरिकांच्या सूचनांची अंमलबजावणी करण्याची महापौर , उपमहापौरांची ग्वाही

. आयुक्तांची बदली करा, दोषी अधिकाऱ्यांवर कारवाई करा व तातडीने रस्ते दुरूस्त करा या मागणीवर आंदोलक ठाम

. नाशिककरांच्या व्यथा मांडण्यासाठी आंदोलन सरू ठेवणार

. आंदोलनाचे स्वरुप बैठकीनंतर निश्चित केले जाणार ,मानवी साखळी पध्दतीने आंदोलनाला प्राधान्य दिले जाणार