Sir Gary Sobers Passes Away : सर गॅरी सोबर्स यांच्या निधनानंतर विराट कोहलीने सोशल मीडियावर भावनिक पोस्ट करत श्रद्धांजली वाहिली. सचिन तेंडुलकरनेही दिग्गजासोबतच्या आठवणी शेअर करत त्यांना अखेरचा निरोप दिला.
विराट कोहलीची भावुक पोस्ट
टीम इंडियाचा स्टार फलंदाज विराट कोहली सोशल मीडियावर तसा कमीच व्यक्त होतो. पण सर सोबर्स यांच्या निधनाची बातमी येताच विराटने ‘एक्स’वर आपल्या भावनांना वाट मोकळी करून दिली.
“क्रिकेटने आज आपल्या इतिहासातील सर्वात महान खेळाडूंपैकी एकाला गमावले आहे. सर गारफिल्ड सोबर्स यांच्या आत्म्यास शांती लाभो. तुमचा वारसा आणि तुम्ही दाखवलेला मार्ग येणाऱ्या अनेक पिढ्यांना नेहमीच प्रेरणा देत राहील,” अशा शब्दांत विराटने त्यांना निरोप दिला.
सचिनने जागवल्या जुन्या आठवणी
भारताचा मास्टर ब्लास्टर सचिन तेंडुलकरनेही सर सोबर्स यांच्या निधनावर तीव्र दुःख व्यक्त केलं आहे. सचिनने थेट फ्लॅशबॅकमध्ये जात २००३ च्या वर्ल्डकपची एक खास आठवण शेअर केली.
२००३ च्या विश्वचषकात सचिनला ‘प्लेअर ऑफ द टूर्नामेंट’चा पुरस्कार मिळाला होता आणि हा पुरस्कार स्वतः सर सोबर्स यांच्या हस्ते देण्यात आला होता. सचिनने लिहिलं की, “त्यांनी माझ्या शतकाचं कौतुक केलं होतं, ती आठवण मी कधीच विसरू शकत नाही. काही काळापूर्वी लंडनमध्ये आमची झालेली भेट ही शेवटची भेट ठरेल असं वाटलं नव्हतं. ते आपल्यात नाहीत यावर विश्वास बसत नाहीये.”
एक अष्टपैलू पर्व संपलं!
सर गॅरी सोबर्स यांनी तब्बल दोन दशकं आंतरराष्ट्रीय क्रिकेटवर अधिराज्य गाजवलं. स्फोटक फलंदाजी, धारदार गोलंदाजी आणि चित्तासारखे क्षेत्ररक्षण. क्रिकेटच्या या तिन्ही विभागात त्यांनी जे निकष घालूव दिले, ते आजही नवोदितांसाठी आदर्श आहेत. खऱ्या अर्थाने क्रिकेटमधील एका सुवर्ण युगाचा अंत झाला आहे, अशीच भावना आज प्रत्येक क्रिकेटप्रेमीच्या मनात आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
