भारत-पाकिस्तान महामुकाबल्याची तारीख ठरली! आशियाई क्रिकेट परिषदेने वेळापत्रक जाहीर केलं -

मुंबई : महिला आशिया चषक २०२६ स्पर्धेचे वेळापत्रक अखेर जाहीर झाले आहे. आशियाई क्रिकेट परिषदेचे (ACC) अध्यक्ष आणि पाकिस्तान क्रिकेट बोर्डाचे (PCB) अध्यक्ष मोहसिन नक्वी यांनी ही अधिकृत घोषणा केली. २८ ऑगस्ट ते १३ सप्टेंबरदरम्यान दुबईमध्ये होणाऱ्या या स्पर्धेत एकूण १५ सामने खेळवले जाणार आहेत. मात्र, सर्वाधिक उत्सुकता भारत-पाकिस्तान सामन्याची आहे.

भारत आपल्या मोहिमेची सुरुवात ३० ऑगस्टला थायलंडविरुद्ध करणार आहे. त्यानंतर ३ सप्टेंबरला हाँगकाँगशी सामना होईल. त्यानंतर ५ सप्टेंबरला कट्टर प्रतिस्पर्धी पाकिस्तानशी भारतीय संघ आमनेसामने येणार आहे. त्यामुळे या हायव्होल्टेज लढतीकडे क्रिकेटप्रेमींचे लक्ष लागले आहे.

IND vs SL Test Series : भारत-श्रीलंका वॉर्म-अप सामना फ्रीमध्ये पाहू शकता का? टॉस किती वाजता, टीव्ही आणि मोबाईलवर कुठे पाहता येणार?
दरम्यान असे असतानाच, यंदाच्या टी-२० विश्वचषकात भारताने पाकिस्तानचा ६४ धावांनी पराभव केला होता. भारताने प्रथम फलंदाजी करत ६ बाद १७० धावा केल्या होत्या. प्रत्युत्तरात पाकिस्तानचा संघ १७ षटकांत १०६ धावांत गारद झाला होता. त्यामुळे आशिया चषकातील या सामन्याची उत्सुकता आणखी वाढली आहे.