KL Rahul Test Career : गॉल कसोटीत केएल राहुल ८२ धावांवर बाद झाला असून त्याचे शतक थोडक्यात हुकले आहे. कसोटी क्रिकेटमध्ये ८० ते ९० धावांच्या दरम्यान बाद होण्याची राहुलची ही तब्बल सातवी वेळ ठरली आहे.
गॉल कसोटीत केएल राहुल ने १० चौकार आणि १ षटकाराच्या मदतीने ८२ धावांची शानदार खेळी केली. मात्र, श्रीलंकेचा नवोदित गोलंदाज केशाना नुवंथाने त्याला बाद केले. कसोटी क्रिकेटच्या इतिहासात केएल राहुल ८० ते ९० धावांच्या दरम्यान बाद होऊन पॅव्हेलियनमध्ये परतण्याची ही तब्बल ७ वी वेळ ठरली आहे.
पहिल्या दिवशी स्नायूंच्या ताणामुळे होता त्रस्त
१५ ऑगस्ट रोजी सुरू झालेल्या या सामन्याच्या पहिल्या दिवशी राहुल अत्यंत चांगल्या लयीत खेळत होता. मात्र, क्रॅम्प्समुळे त्याला प्रचंड वेदना होत होत्या. त्यामुळे तो ७७ धावांवर असताना ‘रिटायर्ड हर्ट’ होऊन मैदानाबाहेर गेला होता. त्यानंतर दुसऱ्या दिवशी तो पुन्हा फलंदाजीसाठी मैदानात उतरला. मात्र, दुसऱ्यांदा फलंदाजीला आल्यावर त्याला आपल्या धावसंख्येत केवळ ५ धावांची भर घालता आली. अशा प्रकारे त्याचे आणखी एक कसोटी शतक थोडक्यात हुकले. बाद होण्यापूर्वी त्याने युवा फलंदाज देवदत्तपडिक्कलसोबत दुसऱ्या विकेटसाठी १६२ धावांची (२७३ चेंडू) महत्त्वपूर्ण भागीदारी केली.
केएल राहुल कधी-कधी ठरला ‘नर्व्हस एटीज’चा शिकार?
- ९० धावा – विरुद्ध ऑस्ट्रेलिया (बेंगळुरू, २०१७)
- ८५ धावा – विरुद्ध श्रीलंका (पल्लेकेले, २०१७)
- ८४ धावा – विरुद्ध इंग्लंड (नॉटिंगहॅम, २०२१)
- ८६ धावा – विरुद्ध इंग्लंड (हैदराबाद, २०२४)
- ८४ धावा – विरुद्ध ऑस्ट्रेलिया (ब्रिस्बेन, २०२४)
- ९० धावा – विरुद्ध इंग्लंड (मँचेस्टर, २०२५)
- ८२ धावा – विरुद्ध श्रीलंका (गॉल, २०२६)
केएल राहुलची कसोटी कारकीर्द
केएल राहुलच्या आतापर्यंतच्या कसोटी कारकिर्दीवर नजर टाकल्यास, त्याने एकूण ६९ सामने खेळले आहेत. या सामन्यांच्या १२० डावांमध्ये फलंदाजी करताना त्याने ३६.८३ च्या सरासरीने ४२३५ धावा कुटल्या आहेत. या प्रवासात त्याच्या बॅटमधून १२ शतके आणि २१ अर्धशतके झळकली आहेत. राहुलने डिसेंबर २०१४ मध्ये ऑस्ट्रेलियाविरुद्ध खेळताना आपल्या कसोटी कारकिर्दीचे पदार्पण केले होते.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
