Uddhav Thackeray On Dharmendra Pradhan Resignation : नीट आंदोलनाच्या यशानंतर उद्धव ठाकरेंनी ‘एका झुरळाने हुकूमशहाला झुकवले’ म्हणत सरकारवर निशाणा साधला. तसेच पोलिसांच्या कारवाईवरून अमित शहांना सवाल करत मुंबईतील मोर्चा ठरल्याप्रमाणेच होणार असल्याचे स्पष्ट केले.
‘एका झुरळाने हुकूमशहाला झुकवले’
“गेल्या १२ वर्षांपासून रोज काही ना काही दबाव जनतेवर टाकला जात होता. जणू काही या देशात आता लोक शिल्लक राहिलेलीच नाहीत आणि विरोधकांना किंवा जनतेला ‘झुरळ’ समजून सत्तेतील मंडळी वागत होती. एका लहानशा संघर्षाने किंवा ‘झुरळाने’ हुकूमशहाला झुकवल्याचे दाखवून दिले आहे. देशातील युवाशक्ती एकत्र आली तर काय करू शकते, याची ही एक झलक आहे.” असे उद्धव ठाकरे यावेळी म्हणाले.
पोलिसांच्या कारवाईवरुन अमित शहांना सवाल
केंद्रीय शिक्षणमंत्री धर्मेंद्र प्रधान यांनी राजीनामा दिला असला, तरी या आंदोलनादरम्यान समोर आलेल्या भीषण गुन्हेगारी प्रवृत्तीवर उद्धव यांनी प्रश्न उपस्थित केले. “आंदोलक तरुणांवर आणि युवतींवर झालेला लाठीचार्ज, तसेच साध्या वेषात गुंड घुसडल्याचा आरोप करत या पोलिसांवर गुन्हे दाखल करून कारवाई करणार का”, असा सवाल त्यांनी केंद्रीय गृहमंत्री अमित शाह यांना विचारला. तरुणांवर दाखल झालेले गुन्हे मागे घेतले नाही आणि पोलिसांच्या दंडुकशाहीवर कारवाई झाली नाही, तर हा तरुण वर्ग आपला मोर्चा अमित शहांकडे वळवल्याशिवाय राहणार नाही,” असा इशाराही यावेळी त्यांनी दिला.
Dharmendra Pradhan: सीजेपीच्या आंदोलनाला मोठं यश; मोदी सरकार झुकलं, धर्मेंद्र प्रधान यांचा राजीनामा
‘मुंबईत उद्याचा मोर्चा ठरल्याप्रमाणेच होणार’
दरम्यान, उद्या (२५ जुलै) शिवाजी पार्क मैदानावर, वीर सावरकर मार्गावरचा मोर्चा आणि सभा ठरल्याप्रमाणे होणार असून, यात नागरिकांनी मोठ्या संख्येने सहभागी व्हावे, असे आवाहन ठाकरे बंधूंकडून करण्यात आले आहे. युवाशक्तीची ताकद संपूर्ण जगाला दाखवण्यासाठी मुंबईतील नियोजित कार्यक्रम ठरल्याप्रमाणेच पार पडणार आहे, असे स्पष्ट करण्यात आले.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
