Vaibhav Sooryavashi jersey Tape News : दलीप ट्रॉफी २०२६ मध्ये वैभव सूर्यवंशीच्या जर्सीवर लावलेल्या टेपने सर्वांचे लक्ष वेधले. नंबर ३ साठी त्याने हा खास जुगाड का केला, याबद्दलची माहिती आता समोर आली आहे.
वैभवने जर्सीवर टेप का लावली?
या सामन्यात मैदानात उतरताना वैभवने आपल्या जर्सीवरील नंबरच्या जागी टेप लावली होती. यामागचे कारण अत्यंत रंजक आहे. वैभवचा लकी आणि आवडता जर्सी नंबर ‘३’ आहे. मात्र, या स्पर्धेत आयोजकांकडून त्याला जो जर्सी नंबर मिळाला होता, त्याच्या आधी दुसराच एक अंक होता आणि शेवटी ‘३’ होता. अशा वेळी आपला लाडका नंबर ३ तसाच दिसावा आणि इतर अंक लपावेत, यासाठी वैभवने शक्कल लढवत त्या अतिरिक्त अंकावर चक्क टेप लावली आणि संपूर्ण सामना तो याच अवस्थेत खेळताना दिसला.
‘नंबर ३’ चं आईशी खास कनेक्शन
वैभवसाठी ३ हा आकडा केवळ एक नंबर नसून त्याचे एक अत्यंत भावनिक कनेक्शन आहे. हा नंबर तो आपला ‘फेवरेट’ मानतो, कारण याचा थेट संबंध त्याच्या आईशी जोडलेला आहे. याच भावनिक कारणास्तव वैभव आयपीएलमध्ये राजस्थान रॉयल्सकडून खेळतानाही याच ‘३’ नंबरची जर्सी परिधान करून मैदानात उतरतो.
फलंदाजीत फ्लॉप, पण गोलंदाजीत कमाल
जर्सीवर टेप लावूनही वैभवला या सामन्यात बॅटने फारशी चमक दाखवता आली नाही. तो अवघ्या ८ धावा करून स्वस्तात माघारी परतला. रेड-बॉल क्रिकेटमधील त्याचे हे अपयश आता चिंतेचा विषय बनू पाहत आहे. कारण, याआधी रणजी ट्रॉफीमध्येही त्याला मोठी खेळी करता आली नव्हती, मात्र, फलंदाजीत फ्लॉप ठरलेल्या वैभवने गोलंदाजी करताना सर्वांनाच आश्चर्याचा धक्का दिला. त्याने अवघ्या ३ षटकांत ११ धावा देऊन २ महत्त्वाचे बळी आपल्या नावावर केले आणि आपल्या गोलंदाजीची चुणूक दाखवून दिली.
आता सेंट्रल झोनविरुद्ध खरी अग्निपरीक्षा
या विजयासह ईस्ट झोनच्या संघाने आता दुलीप ट्रॉफी २०२६ च्या उपांत्य फेरीत प्रवेश केला असून, तिथे त्यांचा सामना सेंट्रल झोनशी होणार आहे. या महत्त्वपूर्ण सामन्यात वैभवला आपल्या बॅटची ताकद दाखवून टीकाकारांची तोंडे गप्प करावी लागतील. जर त्याने या सामन्यात मोठी खेळी केली, तर तो ‘इंडिया अ’ च्या रेड-बॉल संघात आपली दावेदारी भक्कम करू शकेल. टी-२० आणि वनडे फॉरमॅटमध्ये स्वतःला सिद्ध केलेल्या वैभवची रेड-बॉल क्रिकेटमधील ही खऱ्या अर्थाने मोठी ‘अग्निपरीक्षा’ असणार आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
