Ryan ten Doeschate News : रायन टेन डोशेटे यांचा टीम इंडियासोबतचा दोन वर्षांचा कार्यकाळ संपला आहे. आता गौतम गंभीरसोबत काम केलेला हा माजी क्रिकेटपटू पुन्हा KKRमध्ये परतण्याची शक्यता आहे.
टेन डोशेटेने बीसीसीआयला दिली माहिती
‘ईएसपीएन क्रिकइन्फो’च्या रिपोर्टनुसार, इंग्लंडविरुद्धच्या मालिकेतील पराभवानंतर टेन डोशेटे यांनी भारतीय क्रिकेट नियामक मंडळाला आपल्या या निर्णयाबद्दल सांगितले. त्या वेळी भारतीय संघ युनायटेड किंगडममध्येच होता. रायन टेन डोशेटे यांचा बीसीसीआयसोबतचा सुरुवातीचा करार जुलै २०२४ ते जुलै २०२६ या दोन वर्षांचाच होता आणि तो या महिन्यात पूर्ण झाला आहे.
२०२४ मध्ये सांभाळली होती जबाबदारी
भारताने २०२४ चा टी-२० वर्ल्ड कप जिंकल्यानंतर जेव्हा गौतम गंभीरने राहुल द्रविडच्या जागी मुख्य प्रशिक्षकपद स्वीकारले, तेव्हा टेन डोशेटे भारतीय सपोर्ट स्टाफमध्ये सामील झाले होते. गंभीरच्या अत्यंत विश्वासातील साथीदारांपैकी एक मानल्या जाणाऱ्या या माजी ऑलराउंडरने फलंदाजी आणि क्षेत्ररक्षण अशा दोन्ही विभागांत महत्त्वाची भूमिका बजावली. त्यांच्या काळात भारतीय संघाने व्हाईट-बॉल क्रिकेटमध्ये मोठे यश मिळवले. टीम इंडियाने आशिया कप २०२५ आणि त्यानंतर २०२६ मध्ये आयसीसी टी-२० वर्ल्ड कपचे विजेतेपद पटकावले.
टेस्ट क्रिकेटमध्ये मात्र निराशाजनक रेकॉर्ड
व्हाईट-बॉल क्रिकेटमध्ये यश मिळाले असले, तरी याच काळात भारतीय कसोटी संघाला अत्यंत कठीण काळातून जावे लागले. ऑस्ट्रेलिया दौऱ्यावर भारताने बॉर्डर-गावस्कर ट्रॉफी गमावली. त्यानंतर घरच्या मैदानावरही न्यूझीलंडविरुद्ध ३-० आणि दक्षिण आफ्रिकेविरुद्ध २-० असा दारुण पराभव स्वीकारावा लागला. त्या वेळी भारतीय कसोटी संघ मोठ्या बदलांच्या टप्प्यातून जात होता.
पुन्हा KKR च्या ताफ्यात होणार सामील?
टेन डोशेटे यांच्यासाठी कोलकाता नाइट रायडर्समध्ये जाणे म्हणजे जुन्या आणि ओळखीच्या वातावरणात परतण्यासारखेच आहे. केकेआरसोबत त्यांचे नाते दशकभरापेक्षा जुने आहे. खेळाडू म्हणून ते २०१२ आणि २०१४ मध्ये आयपीएल ट्रॉफी जिंकणाऱ्या केकेआर टीमचा भाग होते. नंतर, २०२२ मध्ये ते फिल्डिंग कोच म्हणून परतले आणि २०२४ पर्यंत या पदावर राहिले. यादरम्यान हेड कोच चंद्रकांत पंडित आणि मेंटर गौतम गंभीर यांच्या मार्गदर्शनाखाली केकेआरने आणखी एक आयपीएल चॅम्पियनशिप जिंकली होती.
केकेआरमध्ये परतल्यास रायन टेन डोशेटे यांची पुन्हा एकदा अभिषेक नायरसोबत जोडी जमेल. या दोघांनी आधी केकेआरमध्ये सहाय्यक प्रशिक्षक म्हणून आणि नंतर गौतम गंभीरच्या काळात भारतीय संघातही एकत्र काम केले आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
