पर्यटनासाठी किंवा कामानिमित्त बाहेर गेल्यावर हॉटेलमध्ये मुक्काम करणे सामान्य आहे. मात्र, अलीकडच्या काळात हॉटेलच्या खोल्यांमध्ये छुपे कॅमेरे असण्याच्या घटना वाढल्या आहेत. यामुळे तुमची गोपनीयता धोक्यात येऊ शकते. हॉटेलच्या रुममध्ये प्रवेश करताच अवघ्या काही मिनिटांत गुप्त कॅमेरा शोधून काढण्याच्या 7 सोप्या ट्रिक्स आज आपण पाहणार आहोत. चला तर मग याविषयीची माहिती पुढे जाणून घेऊया.
डिजिटल तंत्रज्ञानाच्या युगात हे कॅमेरे इतके लहान झाले आहेत की ते बल्ब, घड्याळ, चार्जर किंवा अगदी आरशामध्येही सहज लपवले जाऊ शकतात. अशा प्रकारच्या सायबर गुन्हेगारी आणि फसवणुकीपासून स्वतःचा व कुटुंबाचा बचाव करण्यासाठी हॉटेलच्याखोलीत प्रवेश करताच 7 सोप्या ट्रिक्स वापरून छुपा कॅमेरा नक्की शोधून काढा.
1. खोलीचे बारकाईने निरीक्षण करा
खोलीत प्रवेश करताच सर्वात आधी सामान्य दिसणाऱ्या वस्तूंचे बारकाईने निरीक्षण करा. छुपे कॅमेरे सहसा स्मोक डिटेक्टर, एअर कंडिशनिंग (AC) व्हेंट्स, भिंतीवरील घड्याळ, पॉवर सॉकेट्स, नाईट लॅम्प, फ्लॉवर पॉट किंवा टीव्हीच्या आजूबाजूला लपवले जातात. या वस्तूंमध्ये काही संशयास्पद छिद्र किंवा वायर दिसत असल्यास सावध व्हा.
2. अंधार करून लेन्स शोधा
खोलीतील सर्व दिवे आणि पडदे बंद करून पूर्ण अंधार करा. यानंतर तुमच्या मोबाईलचा फ्लॅशलाईट चालू करा आणि खोलीतील सर्व वस्तूंवर प्रकाश टाका. जर कुठेतरी छुपा कॅमेरा लपवला असेल, तर त्याचा काचेचा लेन्स (Lens) मोबाईलच्या प्रकाशाला परावर्तित (Reflect) करेल आणि तुम्हाला अंधारात एक लहान निळा किंवा लाल चमकाणारा ठिपका दिसेल.
3. इन्फ्रारेड लाईट तपासा
अनेक छुपे कॅमेरे अंधारातही रेकॉर्डिंग करण्यासाठी ‘इन्फ्रारेड’ (IR) तंत्रज्ञानाचा वापर करतात. हे किरण मानवी डोळ्यांना दिसत नाहीत. अंधार करून तुमच्या मोबाईलचा मुख्य कॅमेरा किंवा फ्रंट कॅमेरा चालू करा आणि संपूर्ण खोलीत फिरवा. जर मोबाईलच्या स्क्रीनवर तुम्हाला काही जांभळे किंवा लाल रंगाचे दिवे चमकताना दिसले, तर तिथे कॅमेरा असण्याची दाट शक्यता असते.
4. टू-वे मिरर टेस्ट
बाथरूममधील किंवा खोलीतील आरशाच्या मागे कॅमेरा लपवण्याची पद्धत खूप जुनी आहे. हे तपासण्यासाठी आरशावर तुमचे बोट ठेवा. जर तुमचे बोट आणि आरशातील प्रतिबिंब या दोघांमध्ये थोडं अंतर असेल, तर तो आरसा ओरिजिनल आहे. पण जर बोट आणि प्रतिबिंब एकमेकांना थेट चिकटले असतील, तर तो ‘टू-वे मिरर’ आहे आणि त्याच्या मागे कॅमेरा असू शकतो.
5. मोबाईल कॉलिंग पद्धत
छुपे कॅमेरे काम करताना विशिष्ट रेडिओ लहरी उत्सर्जित करतात. हे तपासण्यासाठी तुमच्या ओळखीच्या व्यक्तीला फोन लावा आणि खोलीत फिरत फिरत बोलण्याचा प्रयत्न करा. जर एखाद्या विशिष्ट वस्तूच्या जवळ गेल्यावर फोनच्या आवाजात अडथळा निर्माण झाला, तर समजावे की तिथे एखादे इलेक्ट्रॉनिक उपकरण किंवा कॅमेरा सक्रिय आहे.
6. Wi-Fi नेटवर्क स्कॅन करा
आजकालचे बहुतांश डिजिटल कॅमेरे लाईव्ह फुटेज पाठवण्यासाठी हॉटेलच्या वाय-फाय नेटवर्कशी जोडलेले असतात. तुमच्या मोबाईलमध्ये ‘Fing’ किंवा ‘Hidden Camera Detector’ सारखे मोफत ॲप्स डाउनलोड करा. हॉटेलच्या वाय-फायशी कनेक्ट होऊन हे ॲप वापरल्यास त्या नेटवर्कवर सध्या कोणते संशयास्पद कॅमेरे किंवा डिवाइसेस ऑनलाइन आहेत, याची यादी तुम्हाला मिळते.
7. संशयास्पद वस्तू झाकून ठेवा
जर तुम्हाला खोलीतील एखाद्या वस्तूवर संशय असेल (उदा. सेट-टॉप बॉक्स किंवा टेबल क्लॉक) आणि तुमच्याकडे तपासण्यासाठी वेळ नसेल, तर सर्वात सोपा उपाय म्हणजे त्या वस्तूवर टॉवेल, कपडा किंवा काळी पट्टी लावा. कॅमेऱ्याचा लेन्स झाकला गेल्यामुळे तुमची गोपनीयता सुरक्षित राहील.
लेखकाबद्दलशुभम कुलकर्णीशुभम कुलकर्णी हे गेल्या नऊ वर्षांहून अधिक काळ मुख्य प्रवाहातील माध्यम क्षेत्रात सक्रिय असलेले एक व्यासंगी पत्रकार आहेत. सध्या ते ‘महाराष्ट्र टाईम्स’च्या ‘टेक आणि सायन्स’ विभागात कन्सल्टंट म्हणून आपली जबाबदारी सांभाळत आहेत. तंत्रज्ञान विश्वातील वेगाने बदलणारे आर्टिफिशियल इंटेलिजन्स (AI) चे प्रगत तंत्रज्ञान, नवनवीन गॅझेट्स, टेक ट्रेंड्स, स्मार्टफोन रिव्ह्यूज आणि सायन्स क्षेत्रातील क्लिष्ट वैज्ञानिक घडामोडी अतिशय सोप्या, सर्वसामान्यांना समजेल अशा रंजक भाषेत मांडण्यात त्यांचा विशेष हातखंडा आहे. डिजिटल मीडियातील अचूक SEO आणि Google Discover च्या बदलत्या अल्गोरिदमचा वापर करून लाखो वाचकांपर्यंत तांत्रिक माहिती पोहोचवण्यात त्यांचा मोलाचा वाटा आहे.
छत्रपती संभाजीनगर येथील नामांकित ‘MGM’ संस्थेतून ‘एम.ए. पत्रकारिता आणि जनसंवाद’ ही मास्टर पदवी संपादन केल्यानंतर, त्यांनी आपल्या कारकिर्दीची सुरुवात ‘आकाशवाणी’ या प्रतिष्ठित संस्थेतून केली. 2017 मध्ये त्यांनी ‘दैनिक सामना’ या अग्रगण्य मुखपत्रात प्रवेश करत वृत्तपत्र पत्रकारितेचा भक्कम पाया रचला. त्यानंतर मुंबईतील ABP माझा, TV9 मराठी, साम TV, पुढारी न्यूज चॅनेल आणि लोकशाही न्यूज या महाराष्ट्रातील आघाडीच्या वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली आहे. राजधानी दिल्ली येथे ‘News Nation Marathi’ साठी राष्ट्रीय आणि आंतरराष्ट्रीय स्तरावरील वेगवेगळ्या न्यूज बुलेटिन्सचा दांडगा अनुभव त्यांच्या पाठीशी आहे.
प्रिंट, इलेक्ट्रॉनिक आणि डिजिटल मीडियाच्या सखोल अनुभवामुळे राजकारण, व्यापार-उद्योग, विज्ञान, तंत्रज्ञान, ऑटोमोबाईल, सायबर सुरक्षा आणि लाइफस्टाईल क्षेत्रातील गुंतागुंतीच्या विषयांचे अचूक विश्लेषण करणे ही त्यांची प्रमुख ओळख आहे. पत्रकारितेच्या या व्यस्त प्रवासातून वेळ काढत, निसर्गाच्या सानिध्यात वेळ घालवणे हा त्यांचा छंद आहे.… आणखी वाचा